Өлсөх нь

Буцаад өвөл болчихсон шүү дээ, Монголд. Ямар хүйтэн байваа арай л царцаад дээшээ харж унасангүй хэхэ. Хүйтэн байгаа гэхээр нь гайгүй дулаан хувцас өмссөн ч яг гарахдаа алдаа гаргаж нимгэн хүрэмтэй гарч автобус хүлээж байгаад чадрах шахлаа нтр хэхэ.

Э эксийг хүмүүс жигтэйхэн муучлаад байдаг, харин би ойлгоод байнаа. Өлсөх тэр тусмаа хуурай мацаг барих гэж ямар хэцүү болохыг биеэрээ үзээгүй хүн бол ойлгохгүй ээ. Нэг хэсэг бясалгал энэ тэрд явдаг байхдаа гүрийгээд 48 цаг илүү хуурай мацаг барьдаг байсан, хөл маш их даардаг, их ядардаг, унтаад л байдаг байсан. Хэвтэж байхад хүртэл хоёр гуянаас хэдэн кг чулуу дүүжилсэн аятай доош татаад байдаг юм даа. Ээж аав хажуугаас үглэнэ, би ч зөрүүд хүн чинь зөрүүдэлж гүрийсээр байгаад санасандаа хүрдэг байлаа. Тэгтэл Э ерөнхийг хэдэн цаг, хэдэн өдөр өлссөний дараа бие махьбод нь хэрхэн өөрчлөгдсөн тухай эмч нар ярьж, дотор эрхтэн нь буцаж сэргэхгүйгээр шатаж байна, зүрх нь хэзээ хэзээгүй хаагдана нтр гэсэн ээжийн уурлаж байгаагээ хэхэ. Намайг чи үхнэ шүү бөөр мөөр чинь дутагдалд ороод тэгээд чадхийнэ гэсэн юм л ярьсан хүн байгаа, дахиж өлсөхийг хажуугаас харж тэвчихгүй байхаа.

Хүн ер нь ходоодоороо биш тархиараа өлсдийм штэ. Эхний нэг хоног ч яахуу ходоод хоол нэхээд шүлс ялгараад тэсэхийн аргагүй хоол нэхээд дээр нь тархи лугшаад хэцүүддэг л юм, цаашдаа бол ходоод бол зүгээр л лүг лүг гээд гол судас нь лугшаад байдаг, өлсөж байгаагаа мэддэггүй юм билээ. Харин тархи бол байнга хоол нэхнэ, хоол гэхээр ус л нэхнэ, усыг хамраараа гартал уухсан гэж бодно, байнга усны тухай бодол эргэлдэнэ, амттай хоол бодно гэхдээ ус ус ус.

Ялангуяа гарын дор идэх, уух юм байх, хүмүүс юм идээд байх, ид гээд загнаад байхад тэснэ гэж маш хүнд л дээ. Биеэрээ зах зухаас нь үзсэн хүний хувьд өөртэйгээ, бие махьбодийн дур хүсэл, хоол идэх шуналтайгаа тэмцэлдэх ямар хэцүүг үгээр гаргаж хэлж бараг чадку юм байна хэхэ.

Э экс бол сайн байнаа, олон хоног тэслээ, тэмцэлдлээ, хүнийхээ хувьд маш их зориг тэвчээр гаргалаа.Улс төрийн хувьд ямар байх нь хамаагүй тэр их хүчийг нь үнэлж байна хэхэ. Олон цагийн мацгийн дараа юм ууж идэхээр маш хүнд өвчнийг гэв гэнэт аваад хаячихсан юм шиг сэргээд ирдэг юм даа. 

Өнөөдөр бас эмчилгээтэй байгаа гээд тусгай хоол идэх юм болоод өдөржин явсан арайтай л тархиа бариад уначихсангүй. Сүүлдээ уур хүрээд яршиг, үхсэн баас өөрийгөө ингэж зовоож яадаг юм гээд баахан юм идэж уугаад нэг амь орчихсон хүн энийгээ бичээд сууж байна ккк.

Тэсье гэвэл тэснэ л дээ гэхдээ бас маш их тэвчээр гаргаж маргааш өглөөг угтана, тэгээд бас нэмээд тэснэ гэхээр шууд амар хялбар замыг нь сонгоод буугаад өгчихлөө хэхэ.