Миний түрийвч рүү өнгийвөл

Өнөөдөр нүүрномоор тэнэж яваад нэг альбум үзлээ. Голомт банкныхан "Таны түрийвчэнд юу байна" гээд янз бүрийн ажил мэргэжилтэй, нас, хүйстэй хүмүүсийг сонгож, түрийвч рүү нь өнгийж зургийг нь авсан юм байна л даа. Янз янзын л юм байна, голдуу банкны карт тэгээд мөнгөн дэвсгэртүүд нь янз бүр зарим нь 2000 гаруй төгрөгтэй байхад зарим нь замбраагүй их мөнгөтэй л байх юм байна. Харин түрийвчиндээ мөнгө, банкны карт, жолооны үнэмлэхээс өөр юм бараг хийдэггүй, хийх ч зориулалтгүй, байсан ч зургийг нь аваагүй юм шиг байна.

Гэв гэнэт өөрийнхөө түрийвчийг яг байгаагаар нь юу ч нэмж хасч, чимэлгүй зургийг нь авч үзмээр санагдаад торон дээр түрийвчээ дэлгэж байгаад зургийг нь гар утсаараа авчихлаа хэхэ.

За энэ миний яг одоо авч явдаг түрийвч байна.
Надад хэд хэдэн түрийвч байдаг, энэ түрийвчийг
хирттэл нь авч явж байна даа Манай эгч өгч байсын.
Энэ зүүлт нь бас учиртай л даа, би өөрөө нэг хүнд
зориулж худалдаж авч байсын жаахан байхдаа.
Даанч тэр хүн тоож аваагүй болохоор өөртөө
үлдээсэн нь одоог хүртэл надад явж байгаам

Босгоод "өнгийвөл" нэг иймэрхүү.
Хүмүүсээс ялгаатай нь би ямар нэг юм худалдаж авах юм уу
 картнаас мөнгө авахаараа тасалбараа хаялгүй түрийвчиндээ
 хийчихдэг муу зуршилтай хүн байгаа юм. Тэгсэн хирнээ тэр
 тасалбруудаа сөхөж харахыг үзэн яддаг.
Харку хадгалаад л байдаг хэхэ

Хажуугийн халаас руу нь "өнхийж үзэхэд" бас дүүрэн
хог оо хог

Ухаад бүгдийг нь гаргаад үзтэл ийм юмнууд гарч
 ирж байна. Дүүрэн тасалбар, цааснууд л байна

Байсан бүх мөнгөө гаргавал ийм байнаа.
Ойрд гэрээсээ гараагүй, хэрэг болвол гараад
АТМ-с мөнгө авчихдаг болохоор ерөнийдөө
иймэрхүү л мөнгөтэй явдаг юмаа.
Гадаад мөнгө эндээ хадгалдаггүй шт лай лай хэхэ.
Тавт, нэгтийн дэвсгэртүүдийг нэг худалдагч хүү хариулт
мөнгөнд нямбай нь аргагүй тоолж өгсөн  юм  хэхэ

Түрийвчинд байсан үнэмлэх, картнууд. Иргэний бас жолооны
үнэмлэхээ авч явах их дургүй ч ойрд авч явку бол болку
байгаам Өмнө нь нэг түрийвчээ иргэний, жолооны үнэмлэх,
авсан цалинтайгаа цуг Бөмбөгөрт хулгайд алдаад тэндэхийн
цагдаад нь тэмдэглүүлтэл чи өөрөө аваа биз гэсэн хаха

Янз бүрийн шалтгаанаар миний түрийвчинд орсон
нэрийн хуудас нтр. Хамгийн сүүлд захиалга өгсөн билет
захиалгын ажилчны нэрийн хуудас, бас хамгийн сүүлд
очиж үзүүлсэн эмнэлгийн карт, тэгээд ажил хэргийн
холбогдолтойгоор надад ирсэн хоёр нэрийн хуудас, хэзээ ч
билээ цэнэглэсэн моби карт  байж байна

За хамгийн сүүлд нь түрийвчний энд тэндээс гарч
ирсэн хуулга ба зурвас. Хэзээний хуулга юм
 бүү мэд яах аргагүй л явж байна лээ.

Өөрөө өөрийнхөө түрийвч рүү өнгийвөл нэг иймэрхүү л байна. Ямар ч илүү дутуу маяггүй яг байгаагаар нь авсан юм. Бас бус хөнгөлөлтийн болон бусад банкны картуудаа авч явдаггүй юмаа. Өөр нэг түрийвчиндээ хийгээд чемодан руугаа шургуулаад мартчихдаг. Цүнхэн дотрохоо үзүүлэх болвол ч минийх ичмээр юм байгаа. Дан цаасны хогнууд, зурваснууд, янз бүрийн хуулга, тасалбар, салфетка ганцийн зэрэг дэвтэр бас бал л байгаа байх. Хүний урманд ганц уруул өнглөгч ч байхгүй. Биедээ барагтай л бол будаг авч явдаггүй, өглөө гараад шөнө орж иртлээ нүүрээ толинд хардаггүй л хүн дээ би.