Бичлэг бичих дур хүрэхгүй байх чинь. Нэг л болж өгөхгүй байнаа би нь, шударгаар амьдарсан хүн байрнаасаа хөдөлж мэдкү юм шив дээ. Танил тал, холбоо сүлбээ, өөд татах сүлжээ байхгүй бол зүтгээд зүтгээд бусад хүний ганц үсрээд гарчих суурин дээр хэдэн жил цоройж, цовхчиж байж гардаг байх нь.
Өчигдөр хуучин ажлынхаа эгчтэй чаталж, хов жив сонслоо хэхэ. Надаасаа ялгаагүй яваа юм байж. Тэгээд хэлж байна, шинэ ажилд танил талгүй, шударгаар шалгуулаад ортол цалин гэж 300 мянга өгөөд, тэр цалингаасаа 50 мянгыг нь суутгаж авч байна гэнэ. Тэр газар нь удирдлагынхаа хамаатны оюутан хүүхдийг ямар ч шалгуургүйгээр шууд ажилд авч 600.0 цалин өгөөд суутгал муутгал авахгүй байхыг нь хараад өнөө эгч маань гомдоод гарчихсан гэнэ л дээ. Надтай төстэймаа. Айлын хүүхэд босс ахтай, бүдүүн эгчтэй гээд дээр би нэг бичлэг бичиж байсан даа хаа ч нэг тиймэрхүү л юм болж байхым хэхэ.
Хуучин ажлынхныхаа талаар баахан шинэ соргог мэдээ, сураг ажиг, хов жив дууллаа хэхэ. Хамгийн том босстойгоо уржигдархан билүү гэнэт тааралдаад мэндэлтэл их баярлаж, хэдэн үг солиод салсан, надад ямар ч гай тариагүй, гавьяа л байгуулж өгсөн гэхэд болохоор хүн байдаг юм. Хүмүүс их муулдаг ч гэсэн надад бол тусалсан уу гэхээс ус болж байгаагүй, аль болох дэмжээд ажилладаг байсан дарга. Тэрний дараагийн албан тушаалтан нь миний босс нөгөө хэн эгч. Энэ хоёр дарга маань анхандаа зүү орох зайгүй байж байгаад сүүлдээ төсвийн хөрөнгө, албан тушаалаа булаацалдаж шүүхдээд салцымдаа. Тэгээд миний босс дээрээ даргагүй болонгуутаа охиноо ажилд аваад би гарчихсан нь тэр л дээ.
Энэ чаталсан эгч маань тэр хоёртой надаас удаан ажилласан, одоо хоёулаа энэ эгчид төдийлөн сайнгүй, сайн мууг нь бүгдийг мэддэг болохоор тэгдэг юм уу эсвэл өөр шалтгаан байдаг юм уу хэхэ. Тэгээд даргатайгаа таарсан тухайгаа ярьтал "хүүе би бас таарахаараа мэндлээд байдаг, надтай дуугардаггүй штэ" гэнэ хэхэ. Миний босс байсан эгчийг цаадах чинь угаасаа төрөөс авч байгаа мөнгөө хувийн бизнес болгочихсон штэ, гадны хүн ажилд авдаггүй, авбал ажлаа хийлгэж байгаад аятайхан гаргачихдаг. Охинтойгоо л хоёулаа ажилладаг хэвээр гэж байна лээ. Бодоод байхнээ бас айхтар аргатай эгч шүү миний босс хэхэ. Ааш мааш төдийлөн гаргахгүй ч гэсэн бага цалингаар их ажил хийлгээд байхаар хүмүүс цалингаа нэмүүлэх гэж хэлж үзээд, яваандаа нэмнэ гэхээр нь итгээд тэгээд хүлээсээр нэмэхгүй болохоор нь гарчихдаг юм билээ. Эвтэйхэн зайлуулах арга гэж энийг хэлдэг гэдгийг өчигдөр л ойлгож байгаам хэхэ. Ажиллаж байхдаа тийм юм ухаарах болоогүй жаахан байсан юм байхдаа одоо хэхэ.
Ажлын эгч бас нөгөө хэнийг санаж байна уу гэнээ. Санахаар барах уу одоо ч хааяа мессенжерт тааралдаж мэнд усаа мэдэлцээд, залгуулаад хэрэлддэг хэвээрээ гэтэл "цаа чинь бас томорсон штэ, цаадахтай чинь ойр дотно байдаг хүүхнүүд гадагш явдаг штэ, хаялага нь тэр юм байлгүй цаагуур чинь бөөн яриа байгаа, нөгөө хэн тэрэнтэй нэг хэсэг дотносоод дээшээ гарсан нөгөө OО гишүүнтэй хүртэл иймээ тиймээ юм болсон юм байхаа, тэрийгээ тоохгүй ярьдаг, байр, машин аваад баяжсан штэ гэхийм хэхэ. Тэр яригдагч нь биднийг цуг ажиллаж байхад бас ажиллаж байсан, одоо юу гэхиймдэ надад талтай байсан гэхиймуудаа тийм нэгэн, өөр хүмүүс дундуур орохоор тэр чигтээ тэднийг дагаад намирцан гар хэхэ. Одоо ч надад тэр үед тэгж алдсандаа их харамсдаг гэж байнга хэлдийм. Бидний дунд элдэв юм юу ч болоогүй болохоор би тэрэнтэй сайндаж муудаад л ойр зуурын юм яриад, саяханаас босгосон амьдрал, эхнэр хүүхдийг нь асуугаад жирийн найзын харьцаатай байдаг. Тийм юм хийж явдаг гэж санаанд ч орсонгүй байштэ хэхэ.
Амьдрал нээрээ миний хаагуур өнгөрөөд, хаана буцлаад байгааг мэдэх юм алгаа, би өөрөө бол байрандаа зогсцон, цаг хугацаа эргэхгүй байгаа юм шиг байхым. Амьдрал хүн бүрт янз бүрийн гэнэтийн бэлэг, адал явдал бэлэглэдэг гэдэг ч надад одоогоор бэлдэх завгүй эсвэл мартчихсан яваа шиг байна хэхэ.
Comments
Post a Comment