солиотой бичлэг

Өглөө босоод нүүрээ ч угаагаагүй, үсээ ч самнаагүй өдөржин арзайлаа . Өглөө ч гэж дээ үд дунд унтаж унтаж босоод тэгээд эгчийн хийсэн хоолыг идчихсэн, цайг уучихсан залгуулаад ээж, аав пицца захиалж өгсөн, эгч ах нар торт авч өгсөн бонуст нь бас мөнгө өглөө залгуулаад идлээ уулаа ахаас 10000 нэгж ирлээ.

Хөгшрөх ч гоёиймаа гэлүү, болдог бол өдөр болгон ингээд "хөгшрөөд" байхгүй юу, за за даврах нь.

Гэрээс гарах төлөвлөгөө угаас байгаагүй, ганц нэг хүнтэй чалчиж чаталсан шиг өдрийг өнгөрөөлөө. Одоо хүсэх юм нэгийн зэрэг байна хэхэ. Юу гэхээр нөгөө нэг 849TJN хэзээ ч билээ хальт дурдаж байсан даа. Тэр болохоор ямар нэг баяр ёслол болоод маргааш нь юм уу хэд хоногийн дараа ч юм уу гэв гэнэт гарч ирээд учиргүй баяр хүргээд унадаг, миний ааш ч гэж ааш. Шууд хөөё хэнээ тэр баяр чинь аль амбансын үед болоод өнгөрцөн ганбасаа штэ, юун мэнд вэ гэнэ тэхээр өөдөөс тэгээд яагаав би чамд одоо мэнд хүргэж болдоггүй юм уу гэдийн.

Өдөж байгаа юм уу доромжилж байгаа юм уу тийм сонин. Шинэ жил, Цагаан сар, Валентин гээд ер нь тэр яг тэр өдөр нь бол надад тоож мэнд хүргэхгүй, би ч тоож хүлээдэггүй, хамгийн ярзагнамаар нь маргааш нь юм уу хэд хоногийн дараа өөрөө хэрэг болгож над руу зурвасдаад уур хүргэчихдэг байхгүй юу. Хичнээн жил ингэж байгааг бүү мэд, тоог нь алдаж. Ядаж мэнд гэж хэдэн үг хэлмээр байгаа бол тухайн өдөр нь хэлчихэж болно штэ, тэр бол байхгүй хэхэ.

Тээд одоо тэр биштий л маргааш хөгширсөн өдрийн чинь мэнд гээд ороод ирээсэй гэж одооноос дотор арзагнаад байна гэлүү хэхэ.

Хүүе таминь ээ үсээ хусуулж үзсэн хүн байна уу? Би нэг хусуулаад үздэг юм уу гэтэл хусуулсан найзууд маань нээх сонин домбоо харагдаад байхаар эргэлзээд, хусуулаа хаятал шал сонин эр эм нь мэдэгдэхгүй хачин хүн гардаг юм болов уу гэж гайхаад байна. Бас хүмүүс эмэгтэй хүн үсээ хусуулах муу ёр гээд байхым. Багадаа даахиа үргээлгэж үзээгүй гэсэн, харин зүгээр ёс болгож тайраад өнгөрсөн юм уу даа.

Бонус болгоод ярихад намайг багад харсан хүмүүс эр үү эм үү гэдэг байсан, эмэгтэй хүүхэд гэхээр яг эрэгтэй хүүхэд шиг халимагтай, эрэгтэй хүүхэд гэхээр чихэндээ ээмэгтэй, дээр нь тоодон цэнхэр плажтай гэдийвэл гэдэс ил, бөхийвөл бөгс ил амьтан л гүйдэг байлаа. Бас болоогүй тэр чигээрээ хатаах гэж байшингийн хана түшүүлж тавьсан банзыг гулгуур болгож гулгаад нөгөө муу жаахан бөгсөөрөө дүүрэн өргөс оруулчихаад уйлж ч мэдкү ихээ өвдөж явснаа санаад байдаг юмаа.

Тэгээд яаж эдгэснээ санадаггүй, хүн лав түүж өгөөгүй хөөрхий одоо бодохоор өрөвдөөд нялмас гаран алдаад байдаг хаха. Одоо тэгж гулгавал яанаа, тэгээд тэрийгээ түүлгэвэл бүр яанаа хаха.