Төрсөн өдөр минь

Миний төрсөн өдрөө гэж, хаяанд тулчихсан л байна шүү дээ. Гэхдээ арай болоогүй арав гаран хоноод л нэг нас нэмлээ. Энэ жил тэмдэглэх үү яах уу шийдээгүй байнаа. Уг нь би тэмдэглэдэггүй юм, амьдралдаа цорын ганц удаа л тэмдэглэж үзсэн. Тэр үед гос мостой байсан болохоор тэр манай хэдэн найзыг дуудаж Ириш Паб билүү тэнд цуглаж хоол идээд найзууд надад бялуу авч өгч байсымдаа. Тэрнээс хойш тэмдэглээ ч үгүй, голдуу ганцаараа гэртээ дээш харж хэвтэж байгаад өнгөрөөчихдөг байсан. Энэ удаад бас тэмдэглэхгүй гэртээ дээш хараад хэвтдэг юм билүү яадаг юм билээ гэж бодоод бага зэрэг гайхаад л хэхэ.

Сүүлийн хэд хоног ар араасаа болж өнгөрсөн замбраагүй үйл явдлууд хамаг сэтгэл санаа үймүүлээд ном ч уншиж чадахаа болилоо. Яасан гэхээр нэг газраар үйлчлүүлэх болоод тэгээд захиалгаа өгчихөөд хэзээ төлбөрөө төлөхийг асуучихаад гараад ирсэн юм. Төлбөр хийх хугацаа нь арай болоогүй байтал нөгөө газраас утасдаж өдрийг нь солих уу энэ тэр гэсэн байхаар нь гайхаад лавлатал харин тэр үйлчилгээ үзүүлэх газраас чинь утасдаад танд боломжгүй гэж хэлчих гэсэн штэ гээд би бүр гайхчихлаа. Хамгийн гол нь тэр утасдаж боломжгүй гэж хэлээрэй гэсэн хүн нь өөрөө урд өдөр нь миний утас руу дахин дахин залгаж байж холбогдож миний хөнгөлөлтийн талаар лавласан лавлагааны талаар ярьж, надад туслах, аятайхан үйлчлэх талаар ийш тийш ярьж байгаа ухааны юм яриад байсан байхгүй юу.  Тэгээд миний захиалсан суудлыг төлбөр төлөх хугацаанаас нь өмнө надаас асуулгүйгээр цаагуураа яриад хүчингүй болгочих гээд байх шиг байх юм. Хэргийн эзэн хүүхэнтэй холбогдох гэхээр хуралтай байна гээд утсаа ч авку зугтаад бүр гайхаш төрүүлчихлээ. Бизнесийн салбар ийм байж болдог л юм байхдаа одоо.

Нэр мэрийг нь бичээд яах вэ зүгээр гайхаад ийм байж болдог юм уу гэснээ за үхсэн баас, буянаараа болог л гээд хаячихлаа. Гэхдээ бууж өгдөггүй хүн юм чинь лавлаад, асуугаад тэдний эд эсийг үхүүлээд асуудлаа шийдүүлж л таарна даа.

Эхний яриандаа буцаад орноо. Төрсөн өдрөөрөө яагаад хүн амьтантай тэмдэглэдэггүй юм бэ гэж үү? Би хүнд төрсөн өдөр болж байгаагаа хэлдэггүй л дээ. Мэдсэн зарим нэг нь бол мэнд хүргэх тохиолдол байдаг, хааяа найзууд маань цуг суух талаар ярьдаг л юм гэхдээ би өөрөө нухацтай хүлээж авдаггүй. Хамаг асуудлаа цэгцлээд сэтгэл санаа нэг их гоё тайван болмоор байгаа ч болку л байхым. Төрсөн өдрөөрөө харин нэг өдөр сайхан хов хоосон толгойтой гадуур  ганцаараа ч хамаагүй зугаалнаа л гэж бодож байна хэхэ.