Жаахан мама

Юм бичих зав гарахгүй байгаа юм байх даа энэ хүүхэн одоо. Сүүлийн хэд хоног орой ес, арав гэж орж ирээд үүр цайхын алдад гурав, дөрвөн цагийн үед орондоо оржийн штэ. Юу хийгээд байгааг бүү мэдээ, өөрөө ч хийсэн барьсан юмаа олж харку байхымаа.

Нөгөө хэд дээрээ очиж, өдрийг ингэс тэгс хийж өнгөрөөх, гадуур янз бүрийн ажил хөөцөлдөж гүйж байгаа.

Бидэн дунд хүүхдээ тэврээд гүйдэг хүн хүртэл байгаа. Би хааяадаа уйдахаараа сайндаа л 10 минут хүүхдийг нь тэрэгтэй нь нааш цааш хөдөлгөх юм уу тэвэрч явж байгаад л ээжийг нь, эсвэл хамгийн ойрхон байгаа хэн нэгнийг дуудаад шилжүүлж өгөөд орхичихдог хэхэ. Гэдсэнд байхад нь би гаднаас баахан хууч хөөрөөд л юм хум яриад, ээж нь та өөрөө хүүхэд гаргаачээ, хүүхдэд юун дуртай юм гэдэг байсым. Одоо нөгөө мама нь гараад ирчихсэн 3 сартай, ид хүний хайр татдаг дээрээ байгаа. Аав нь гадагш явчихсан гээд ээж нь хүүхдээ харуулах хүнгүй аргагүй тэврээд явдаг байхгүй юу. Тэрийг хараад хүүхэдтэй болвол бас хэцүүмаа гэж бодоод. Тэгээд сэмхэн сэмхэн гүйж очиж үнгээд, үнэрлээд л аан уун гээд жаахан хүүхэд харахаараа эгдүүтэй санагдаад, очиж үнэрлээд л гүйгээд байнаа энэ хүүхэн одоо хэхэ.

Яасан, яасан гээд л олон юм шалгаанаа хүүхдийх нь тухай. Яагаад уйлаад байгаа юм, наад нойтон салфеткаар цэвэрлэхээр түлдэггүй юм уу, паах наад тальк чинь аймаар үнэрэтэй байштээ хүүхдэд хортой юм бишүү, хүүхэд чинь жаахан бүлээрээд байгаа юм уу? шанаа нь халуу шатаад байх юм тархины даралттай юм уу? гээд далан долоон үг хэл болоод байсан сүүлдээ ээж нь залхаад одоо болио яанаа, ийнээ, өвдөх вий гээд байвал өвддөг штэ тоохгүй байвал өөрөө зөнгөөрөө өсчихдөг юмаа гээд надыг нам болгосон хэхэ.

Надад бол юм болгон нь сонин байгаа байхгүй юу. Салфеткагаа атгаж байгаад үлээгээд байхаар яажийгаан гэхээр онжгийг нь арчиж баасыг нь цэвэрлэхээсээ өмнө амьсгалаараа бүлээцүүлж байнаа, хүн болгон тэгдэг штэ гэхийм. Хажууд нь бас миний үеийн хэдий ч гурвын гурван хүүхэд төрүүлж өсгөж байгаа нэг архаг ээж бий. Хүүхдээ тэг ингэ, одоо ингээрэй, тэгээрэй гэхийг нь би ангайж байгаад л сонсоно хэхэ. Хүүхэдтэй болчихвол энэ хүүхнүүдээ дуудаж асуудаг юм уу өөрөө бүгдийг гялалзуулах юм уу бүү мэд, гэхдээ нойргүй явдаг гэхээр шууд нойроо харамлах гээд байгаа хэхэ.