Жирийн л бичлэг

Хэдэн онд вэ, тоолоорой

Хэний газар вэ, таагаарай

Зовлонтын аймгийн

Зүдгүүртийн хошууны

Үгүйрлийн отгийн

Нөхөөст, Сархиаган

Нүцгэрэл, Гунихрал

Гашуудлин, Өлсгөлөн

Гандмалин гэдэг

Багширсан долоон тосгоны

Барьцаат долоон тариачин 

Аян замд тохиолдож

Амар мэндээ мэдэлцмэгц

Энэ Орос оронд

Эрх жаргалтай нь хэн бэ? гэж

Хэт бодлоо солилцон

Хэрэг зоригоо хэлэлцэн... гэдэг найраглалыг уншсан уу та нар? Уншаагүй бол миний яриаг ойлгохгүй гэж мэд гэж мэгээд хэхэ.

Ямар байхыг жаргал гээд, ямар байхыг зовлон гээд, ямар байхыг болсон гэж сэтгэл ханадымбэ? 

Одоо байгаа минь надад хангалттай ч юм шиг ямар ч байсан сүйд болтлоо арга ядаагүй л байна. 

Гэтэл миний өмнөөс зовдог улс нэгээр тогтохгүй байнаа цаана чинь хэхэ. Өдий насанд тэднийхээр бол би тас хар хувцас өмсөж, тас хар шил зүүгээд, тас хар шилтэй, сум нэвтэрдэггүй тас хар жийпнээс тас хар үсээ намируулаад л, тас хар гутлын төмөр өсгийг товшоод л, тас хар цүнк савчуулаад, тас хар бээлийтэй гартаа янжуур зуугаад, тас хүйтэн ярвайлттай бууж ирэх ёстойм байхаа.

Гэтэл би нь ямар байна? Живийн жирийн, нүүр амандаа будаг гэх юмгүй, живийн жирийн пүүзтэй, живийн жирийн жинстэй, живийн жирийн хөдөө царайтай, живийн жирийн жирийн жирийн л нэг дундаж настай л нэг хүн живийн жирийнээр гудманд инээмсэглээд алхдаг, хааяа живийн жирийнээр хотын элдэв саад бэрхшээлд бухимдаж живийн жирийнээр уурладаг л байгаам.

Жирийн байхаар жирийн байнаа гээд байгаамуу одоо. Яанаа нөгөө MR чинь байргүй, машингүй дээр нь ядахнаа хөгширлөө, өтөллөө, галбираа алдчихлаа гээд миний өмнөөс нойр нь хүрдэггүй улс хэдэн арваараа байна цаана чинь. Тэднүүсийг тэгээ л зовоод унтаж чадахгүй байхад нөгөө живийн жирийн MR нь хөнжилдөө дугжраад, бас болоогүй хэн нэгнийг зүүдэлж таамшаалаад хэвтдэг байх нь л.

Живийн жирийн амьдарч байгаагаа танилууддаа хэлэхээр нүүрэнд нь майр харамссан төрх жирийн бусаар тодорч нтр. Баярлаад байна уу баясаад байна уу барайгаад байна уу мэдэх юм алга.

Төгс гэж ямар хүнийг хэлдийм, ямар амьдралыг хэлдийм? Некрасов надад хариулж өгөөгүй л байгаа юмда.