Pet Sematary буюу Тэжээвэр амьтдын оршуулгын газар

Стивен Кингийн "Тэжээвэр амьтдын оршуулгын газар" номыг нетээс Монгол хэл дээр татаж аваад уншлаа.

Нэрийг нь "Тэжээвэр амьтдын оршуулгын газар"
гэж гоё орчуулсан байна

Монгол ном үнэгүй татах блог байдаг юм байна штэ. Утсаараа ч уншиж болох байх, ePub, Mobi гэсэн хоёр өргөтгөлийн файлаар байна лээ, бас мэр сэр PDF номнууд ч байна. Би бол ePub форматаар нь татаад, тэгээд тэрийгээ Chorme дээр Magic Scroll eBook reader нээж байгаад уншчихлаа. Firefox дээр ч уншиж болох боломж байдаг юм билээ, add-ons суулгаад, гэхдээ би Chorme-ийн үнэнч хэрэглэгч гэхүү дээ хэхэ.

Ойрын үед Kindle Fire авна, бас компьютерээ шинэчилнэ гээд төлөвлөчихсөн л байгаа. Kindle DX арай л үнэтэй санагдаад байгаа юм. Тэгэхээр Kindle ашигладаг хүмүүс зөвлөгөө өгөөрэй. Kindle Fire монголын нөхцөлд хир вэ? Дагалдаж ирэх янз бүрийн урамшуулал, ном, тоглоом зэргийг монголд байхдаа ашиглах боломжтой юм уу гэхчлэн олон юм мэдмээр.

Ийм юмтай л болоод сохолзоод хорвоогоос тасарнаа
удахгүй, гэр нь хар байсан ч яахуу дээ тэ?

За нөгөө номондоо эргээд орьё, хүмүүс номыг нь аль хэдийн уншаад, эсвэл киног нь үзчихсэн байх л даа. Урьд нь өчнөөн сонсож байсан ч сая л хэн нэг буянтны ачаар олж уншиж байгаа нь энэ. Нетэд оруулсан хүнд маш их талархлаа шүү, хүлээж аваарай ккк.

Номын утга нь: Их сургуулийн анагаах ухааны тэнхимын эрхлэгчээр томилогдож ирсэн залуу гэр бүлээрээ эртээ урдын цагт баригдсан хуучин байшинг худалдаж авдаг, дөнгөж нүүж ирэх замаас эхлэн сэтгэл нь далд түгшүүрт эзэмдүүлж эхлэдэг.

Том байшингийнх нь замын эсрэг талд амьдардаг 84 настай өвгөн тэдний гэр бүлийхнийг угтаж авч, хэцүү үед нь тусалж, сэтгэл санаагаар дэмжиж сайхан танилцдаг. Тэрхүү өвгөний гэр бүл, залуу эмчийн гэр бүлтэй ойр дотно нөхөрлөж, хуурай эцэг хүү болсон хэдий ч өвгөн өөрийн мэдэлгүй, далд хүчний эрхшээлээр залууг хийх ёсгүй үйлдлийг нь хийхэд түлхэж орхидог.

Тэжээвэр амьтдын оршуулгын газар, гэвч энэ бол зөвхөн
өнгөлөн далдлалт

Учир нь залуу эмчийн гэрээс ой руу орох зөрөг тэжээвэр амьтдын оршуулгын газар өөд хөтлөдөг, уг оршуулгын газар зүгээр нэг оршуулгын газар биш, эртний овог аймгуудын дом шившлэгээр бүтсэн, чөтгөр шулмын нууцлаг газрын хилийн дээс байсан ажээ. Тэрхүү нууцлаг газарт булсан амьтан, хүн эргэж амилдаг бөгөөд хэдийгээр хүн тэрхүү газарт булуулж эргэн амилсан ч хүний гэх оюун ухаан, ухамсар, сэтэхүй үгүй үхдэл ханхлуулсан сүг, нэг ёсондоо зомби болдог.

Миний ойлгосноор залуу эмчийн эхнэр нь бага насандаа төрсөн эгчийхээ үхлийг харж өөрийгөө түүний үхэлд буруутай хэмээн итгэж, насан туршдаа дотроо айдастай амьдарч, айдсаа нөхрөөсөө ч нууж, хэзээ нэг цагт эгчийх нь сүнс эргэн ирж өшөөгөө авна гэж айсаар, энэ итгэлээсээ болж муу ёрын хүчинд далдуур оосорлогдсон байдаг ба энэ нь тэдний гэр бүлийхнийг аюулд өртүүлэх оосор болдог.

Хэдийгээр залуу эмчид гар дээр нь амьсгал хураасан залуугийн сүнс бүгдийг урьдчилан сануулсаар байсан ч тэр итгэдэггүй, зүүд, дэмий балай зүйл гэж өөрийгөө албадан итгүүлдэг. Муу ёрын хүчний төлөвлөсөн ёсоор залуу эмчийн том охины хайртай муур үхэж, хөрш өвгөн залууг хийх ёсгүй зүйлд нь охиноо хайрлах сэтгэлийг нь ашиглан түлхэж, муурыг нь эргэн амилуулдаг. Гэвч муур нь урдын гэр бүлийн хайртай муужгай биш сэжгийн чөтгөр болсныг залуу эмч нүдээр харж байсан хэдий ч ойшоодоггүй. Удалгүй дахин нэг гай тохиолдсон нь түүний бага хүү машинд дайруулж нас бардаг. Мэдээж далд хүчний оролцоотойгоор.

Энэ үед л өвгөн буруу зүйл хийснээ залууд ахин дахин хэлж, хүүгээ буцаан амилуулах хэрэггүй, түүндээ, гэр бүлдээ хайртай бол энэ бүхнийг ингээд л эцэслэ, цааш үргэлжлүүлэх хэрэггүй гэж ятгадаг. Гэвч хүүгээ гэсэн эцгийн хайр түүнийгээ буцаан амилуулж, хэдийгээр харахад, хамт байхад хэцүү, аймшгийн дүйнгэ, үхдэл ханхлуулсан хүнтэй амьдрана гэж бодсон ч энэ бол асуудал биш, хайраараа бүгдийг даван туулж урьдын адил аз жаргалтай амьдарна гэж итгэдэг. 

Энэ түүний байж болшгүй алдаа байсан бөгөөд өвгөн түүнд яаж ч тайлбарласан хүүгээ зүгээр нэг зомби биш, үхдэл сорогчийн гар хөл болно гэдгийг тэр ухамсарладаггүй, нууцаар хүүгээ буцаан амилуулдаг бөгөөд хүү нь буюу буцан амилсан зомби өвгөнийг бас ээжийгээ алдаг.

Миний гүйцэд ойлгоогүй нэг зүйл нь эмч залуу яагаад бүгдийг мэдэж байгаа ч эхнэрээ буцаан амилуулдаг вэ гэдэг нь. Эхнэрээ бусад алагдсан хүмүүсээс өөр гэдэг ч яг юугаараа өөр вэ? яагаад эхнэр нь зомби болохоос айсангүй вэ? Зомби болоод дахин аюул тарихгүй гэж яаж итгээ вэ? эсвэл тэрхүү үхдэл ханхлуулсан сүгтэй насан туршдаа амьдарч болно гэж итгээ юу гэх мэт олон таавар өөрөөсөө асууж үлдсэн хэхэ.

Гүйцэт ойлгоогүй ийм л нэг зангилаатай энэ номыг дуусгалаа.