Эрх чөлөөний үнэ цэнэ ба Шоушенкийн шорон

Рита Хэйворт ба Шоушенкийн шорон дахь эвлэрүүлэл номыг уншлаа. Стивэн Кингийн зохиол. Энэ номыг уншихаас өмнө Frank Darabont-ын найруулсан киног нь үзчихсэн, улмаар уг кино миний хамгийн дуртай киноны нэг болсон байсан.

Энэ зохиол адал явдалт гэхээсээ илүү хүний мөн чанар, ноён нуруу, эрх чөлөөний үнэ цэнэ, нөхөрлөл хийгээд хүн чанарын талаар өгүүлсэн гайхалтай бүтээл. Кино нь ч бас үнэхээр сайн бүтээл гэж би дүгнэдэг.

Тим Робинсыг энэ киноны Энди Дюфресны дүрээр мэддэг, хайрладаг, бас үнэлж хүндэлдэг болсон. Хугараагүй ноён нуруу гэдэг шиг жинхэнэ эр хүний дүрийг бүтээсэн. Дээр нь Морган Фриймэн байна. Төдийлөн тодорхой биш өгүүлэгч баатрын дүрийг тэгж гаргасан нь гайхамшиг биш гэж үү хэхэ.

Эрх чөлөө бүхнээс илүү билээ

Энэ киноны миний хамгийн дуртай хэсэг нь Энди суллагдаж, ярьж байсан том чулуун дороо шоронгийн найздаа зориулж захиа орхиж, нэгэнт суллагдсан өвгөн болсон найз нь тэр захиаг олж уншдаг хэсэг. 

Тэр захианы өгүүлбэрүүдийг монголоор орчуулснаас илүү англиар уншихад илүү ойлгомжтой, бас сэтгэлд хүрдэг.

I will be hoping that this letter finds you, and finds you well.

Hope is a good thing, maybe the best of things, and no good thing ever dies.

Номыг унших явцад орчуулагчийн арга барил таалагдлаа. Өгүүлэгчийн дурсамж, тэр бүх эдрээтэй хүүрнэлийг тэвчээртэйгээр буулгасан санагдсан. Англиар биш Монголоор орчуулсан доорхи хэсэг илүүтэй сэтгэлд хүрсэн.

-Номхон далайд дурсамж гэж байдаггүй ээ гэцгээдэг юм. Тэнд л би үлдсэн амьдралаа өнгөрөөхийг хүсч байна. Дурсамж алга болдог дулаахан газар.

Үнэхээр тийм дээ, гэсэн бодол өөрийн эрхгүй төрсөн. Эндигийн очихыг хүсдэг байсан Зихуантанезо хэмээх хэл хугарчихмаар нэртэй газрыг бодит газар биш, зүгээр зохиол гэж бодсон ч гэсэн гүүгэлдэж үзээд үнэхээр бодит газар гэдгийг ойлголоо. Завшаан байвал хэзээ нэг цагт тэнд очиж, хайртай баатрынхаа өмнөөс сэтгэл дүүрэн амьсгалж энэ зохиолыг дурсах байлгүй хэхэ.

 Энди Дюфресны мөрөөдлийн арал Zihuatanejo,