Энэ гарчиг дор юу бичихээ олж ядна. Нэгдүгээр сар энгийн сар, магадгүй хамгийн гунигтай сар байж ч мэднэ. Бусад хүний хувьд эрч хүчээр бялхаж, шинэ оны эхлэл болдог гэдэг утгаараа янз бүрийн төлөвлөгөө боловсруулдаг хамгийн завгүй сар байдаг болов уу даа.
Миний хувьд бол шинэ жилийн баяр хөөрөөс ангижирсан, нэг тийм бүүдгэр уйтгартай сар байдаг юмаа. Нэгдүгээр сард л ханиад хүрээд, бие өвдөөд ер нь эрүүл мэндийн хувьд асуудалтай байх нь түгээмэл.
Нэгдүгээр сарыг төлөөлүүлэх кино.... зохиол... эсвэл дуу ч санаанд орж ирдэггүй. Яг одоогийн мэдэрч буй зүйлс маань нэг тийм догдлолгүйгээр ямар нэг зүйлийг хүлээсэн төрх л байна.
 |
| Нэгдүгээр сарын сэтгэл хөдлөл нэг иймэрхүү |
Он солигдох мөчид хичнээн их итгэл найдвар, баяр хөөр сэтгэлд бялхаж байдагсан билээ. Он солигдоод нүдээ нээгээд хартал бахь байдгаараа... иймэрхүү мэдрэмж төрж байсан уу танд? Төрж байсан бол та намайг ойлгоно хэхэ.
 |
| Би яг ийм болсийн.... |
Өчигдөр гэнэт сэтгэл зүрхний термометр хүчтэйгээр саваллаа л даа. Он дуусахтай цуг зүрх сэтгэлд байсан бүхнээ хуучин онтой цуг хаяад орхисон хүн шинэ онд шинэ сэтгэл зүрхтэй орж байгаа байх нь. Тэр нь хөндий хоосон байгаа байх нь, юугаар дүүргэх нь одоогоор тодорхойгүй байгаа байх нь...
2013 гэдэг номын хуудсыг нээгээд 7 дахь хуудас дээр нь явж байна... Цаашид үлдсэн 358 хуудаст ямар түүх бичигдэн үлдсэнийг таашгүй, өдөр бүр уншиж зарим зүйлийг нь анзаарч зарим зүйлийг үл анзаарсаар бүтэн жилийг ардаа орхих биздээ.
Нэгдүгээр сард итгэл найдварын гэрэл хонгилын үзүүрт анивчиж, над шиг хүмүүс энэ сарыг гуйлтаар эхэлдэг гэж хэлж бас болохоор. Өчигдөр ФБ хуудасныхаа Cover-ийг сольсон. "Dear January, Please, give a little love to me" гэсэн cover photo-той хуудас таарвал минийх гэж ойлгоорой хэхэ.
Үргэлжлүүлээд "January, please be awesome" гэсэн гуйлт байна.
 |
| Итгэл найдвар хамгийн сүүлд үхдэг |
Савласан үедээ юу бодож байсныг нэгбүрчлэн тоочих аргагүй. Яг л миний бодож байсныг, хэлмээр үгсийг бичээд хадчихсан хуудаст шөнө зөндөө удаан саатлаа.
 |
| Зүгээр л бүх юм...... ОК |
 |
| Хамгийн чухал товчийг хэрэгтэй үед л дарах ёстой... |
 |
| Би ч бас тэгж бодож байна... |
 |
| Сэтгэл зүрх сонсоно гэж үү? |
 |
| Өөдрөг бай гэж ойлгох уу... |
 |
| Амьдрал дээр ийм л байдаг |
 |
| Хэн нэгний сэтгэлд дурсамж, эсвэл домог үлгэр болон шингэж үлдэх нь хамт байхаас илүү аз жаргалтай юм шиг санагдана. Яагаад гэвэл үлгэрт хэзээ ч хэн ч хөгширдөггүй. Тийм биз дээ? |
 |
| Хааяа өөртөө сануулж баймаар... |
 |
| Уншиж байгаагаа ойлгодоггүй юм шиг санагдаж байна уу |
 |
| Гэхдээ өөр учир начир гэж байнаа |
Надад болохоор амарч ирээд бүхнийг шинээр эхэлж байгаа гоё л сар байдгийн ш дээ. Нас явахаар хөөрхий жилийн 12 сарыг бол ялгахгүй л хайрлана шүү дээ. Хүүе хаая гэх завдалгүй дуусчихдаг юм. Ингэж гуниглаж байгаа бол залуугийн л шинж дээ...
ReplyDeleteЗалуу байна гэдэг үнэн, гэхдээ залуу байна гэдгээс илүү хүссэн бүхэндээ хүрээгүй, мөрөөдөлөөр жигүүрлэж амьдарч яваа гэдэг нь илүү үнэнд нийцэх байх. Юм бүхэнтэй болсон хүнд бол нас явсан гэдгээс илүүтэй байгаадаа дэндүү жаргалтай илүү их том мөрөөдөлгүй тул жилийн бүхий л улирал, сарууд адилхан нэг хэвийн налгар тайван өнгөрдөг ч байж мэднэ.
Delete