Хоёр эхнэртэй байх хууль батлагдвал

гэдэг хааяа нэг энд тэнд дурдагддаг сэдэв. 

Манай найзын эхнэр бас энэ талаар дурдаж байсан. Одоо түүний үзэл бодол ямар байсныг нь санах гэж оролдоод сайн санаж чадахгүй байна. 

Ямар ч байсан гэр бүл дотроо энэ талаар ярилцсан юм шиг байна лээ. Эхнэр нь олон хүүхэд төрүүлэхээс жийрхэж, нөхөр нь олон хүүхэд хүсдэг гэл үү яалаа.

Миний хувьд энэ сэдвийн яриа өрнөсөн тохиолдолд юуны түрүүнд хоёр нөхөртэй байх хуулийг дэмжинэ, хоёр эхнэртэй байх хуулийг дэмжихгүй гээд л авч өгдөг байсан. 

Одоо харин  над шиг тэгж хэлэх бүсгүй олшроод үзэл бодлоо өөрчлөх шаардлагатай боллоо гэх үү ваахахахахахаха.

За тэгэхээр одоогийн бодол гэвэл...

Юуны түрүүнд эрчүүдийн үнэ цэнэ буурах биз гэж бодож байгаа.

Учир шалтгаан нь гэвээс юм элбэг байх тусмаа үнэ цэнээ алддаг биздээ? Хүний нөхөр харж шүлсээ залгиж битүүхэн хувь заяандаа гомддог бүсгүй, санаанд нийцсэн бүсгүйгээ харж явдаг ч гэр бүлийн өмнө хүлээсэн үүрэг хариуцлага, нэр төрөө бодоод биеэ татдаг байсан залуу гэхчлэн хэн хэн нь дуртай бол эхнэр нөхөр бололцох боломжтой болохоор дураар дургиж, дунд чөмгөөр жиргэж болох ч бас эрх чөлөөгөө хэн нэгний хоёрдахь эхнэр болж алдах уу эсвэл эрх чөлөөтэй явах уу гэдгээ сонгох болохоор олон юм бодох байх шүү.

Хоёрт гэвэл Монгол хүн амын цус асар хурдан ойртох байх гэж бодож байна. Нэгэнт хууль ёсны биш юм чинь хэл ам, дагаж гарах үр дагвараас болоод ч гэх үү өөр бусад учир шалтгаанаар хүүхэд төрүүлэхгүй бодолтой хандаж байгаа олон хүн хууль ёсны хоёрдахь эхнэр нь болохоор чадаж л байвал олон хүүхэд төрүүлээд эхэлнэ. Эхний эхнэр нь ч бас чадаж байвал төрүүлнэ. Нэг эцгийн олон хүүхэд явсаар цус ойртох байхдаа.

Гуравт гэвэл салалт асар их өсөх болов уу. Дур нь хүрвэл салаад өөр хүний 2 дахь эхнэр болох эсвэл 2 дахь эхнэрээ авах гэхчлэн замбараагүй зүйл болж ч мэднэ.

Дөрөвт нэмээд бодохоор яах аргагүй эрчүүдийн үнэ цэнэ буурах магдлалтай санагдаад байна. Учир нь нэгийгээ тэжээж бүх юмаар хангаж чадаад илүү гарсан тохиолдолд хоёрдахиа авах боломж гарах нь тодорхой. Амьдрал дээр тийм чадалтай эр хүн хэд билээ?

Хууль нь гарчихаад байхад бэл бэнчин, ухаан, боломж нь хүрэхгүй бол ёстой онигоо, хохь нь биздээ хэхэ.

Төсөөллийн эрэг шургаа ажилуулаад хэрэв тийм хууль батлагдаад, тэр хуулийг хэрэгжүүлэх кампанит ажилд татагдаж орвол яах ийхээ бодоод үзье л дээ.

Миний хувьд болбаас ингэж бодож байна.

Их хатан болохгүй нь тодорхой гэл үү хаахахаххаахха. Өдий болтол ганцаар явcан юм чинь яг их хатан болж харгадаач. Хөгширсөн ч гэсэн бага хатан орон тоон дээр л томилогдох байх даа.

Тэгээд аягүй гоя за юу. 

Яана гэхээр унтаад л идээд л тэжээлгээд л болно. Юун нөгөө их хатанд дарамтлуулах, хэрэлдэх. Ёстой яг шдэ.

Түрүүн хэлсэн шүүдэ. Юм бүхнийг нь бэлдэж өгөх бэлтэй хүн л хоёрдахиа авч таараа гэж. Тэгэхээр нөхөр гуай бол бэлтэй л байж таараа. Бүр богтолж авахгүй бол болохоо больтлоо дурлаж, хайрлаж, тэмүүлсэн учраас л хоёрдах эхнэрээ авсан байж таарнаа даа.

Тэгэнгүүт тэрэн дээр жаргачих боломж байгаа юм биш үү???????

Дуртай цагтаа дуудаж авчраад хүсснээрээ сайхан эрхэлж аваад хүсэл нь яая даа гэтэл ханаад боллоо гэнгүүтээ нэг сайн үнсчээд за чи гэртээ харь, аваал анхны хатан дээрээ оч гээд хөөгөөд явуулчихна гэж байгаа ваахахахаах.

Дургүй нь хүрвэл хоол хийгээд өгөөч гэнгүүт яг шдэ чи тэр их хатан гуайгаараа хийлгэхгүй юу гээд буруу хараад хэвтээд өгнө гэсэн байнаа бас вааахахахахаха.

Бага хатан ингэж дураар авирлаж байхад их хатан юу л гэж нөхрөө хайрлаад хамаг юмыг нь хийгээд өмнүүр нь ороод гүйв гэж дээ. Барьцаад л бага хатан шиг дураа хүрвэл нөхөртөө эрхлээд дургүйгээ хүрвэл цаад бага хатан руугаа тонилж үз гээд янтайгаад хэвтчихдэг юм байгаа биз дээ?

Нөхөр гуай янтгар хоёр хатны дунд зовноо зовно гэл үү вааахахахахахахаха.

Их хатан бага хатан хоёрын харьцаа заавал муу байх албатай гэж үү?

Муу байлгахгүй хор найруулнаа яадаг юм.

Ухаан нь Гуталчин авхай их хатан болсон байхад MR бага хатнаар очлоо гэхэд нөхрөөс далдуур Гуталчинтай уулзаж эвийн гэрээ байгуулж, бие биенээ өөд татаж, жаргах тухай хор найруулна шдэ

За энэ ирэх 2 дугаар сарын эхний 10 хоног Гуталчингийн өөртөө цаг гаргах үе. Тэр үед дураараа гоо сайхандаж, залуу малуутай далдуур гэмгүй болзож, фитнесст явж, оёдол үйл хийх гэхчлэн дураараа жарга. Тэр хойгуур нөхөр гуайг MR аргалж өлсгөөд үхүүлчихгүй, хирэндээ баригдаад бөөстчихгүй байх талаар нь анхаарна.

Дараа 10 хоног MR жаргана гэхчлэн зохицуулах байхгүй юу даа.

Тэгээд жилдээ биш улиралдаа хоёр удаа ч юм уу хоёр хатан нийлж нөхөр гуайг шантаажлаад яг адилхан мөнгө гаргуулж аваад нийлээд Хавай нисчихвэл ямар байна? Нөхөр гуай араас саравчилж хараад үлднээ гэж...

Ийм сайхан мөрөөдөл л санаанд ургаад байна. Амьдрах сайхаан хөөрхий, аливаа юмыг сайн тал руу нь залах гэж бүр сайхан юм бий гэл үү... ваахахахахаххахахахаха