Сүүлийн хэд хоног ном уншлаа. Интернэтэд байдаг Харри Поттерийн цувралуудыг бүгдийг нь уншсан. Нэг номыг нэг өдөрт дуусгах гэсэн уриатай ч гэхүү уншсаар байгаад долоо хоногт дуусгалаа. Харри Поттерийн цуврал киног үзээгүй байсан болохоор ном нь жигтэйхэн таалагдлаа. Хүүхдийн ном гэж бодохгүй байна. Зохиолч эмэгтэйг нь бас монгол хэл рүү хөврүүлсэн хүнийг нь биширлээ. Хэн хэн нь маш том ажлын ард гараад яажшуухан баярласан бол гэж бодлоо л доо.
 |
| Харри Поттерийн цувралуудыг уншаагүй хүн байвал уншихыг санал болгоё хэхэ |
 |
| Энэ байна Хуучин дурсамж сэргээсэн зураг |
Энэ номыг аав маань эгч бяд хоёрт намайг сургуульд ороогүй байхад авч өгсийн. Тэгээд эгч уншиж өгнө, за одоо хоёулаа ийм ажлаа хийчихээд дараа нь тэр үлгэрийг уншнаа гэх маягаар хэхэ. . Би яахав угаас үлгэр, номонд нугасгүй ухаанаа алдчихдаг юм хойно гялс чадлаараа нөгөө аяга таваг угаах энэ тэрээ хийгээд уншуулах гэж яардаг байсан гэхдээ бид хоёр бараг тийм маягаар үлгэрээ уншихгүй харин өглөө гэрийхнийгээ ажил, хичээлдээ явсан хойгуур сэрээд голдуу би эгчийнхээ өвөрт үсэрч ороод хоёулаа хөнжлөө нуруун дээгүүрээ нөмөрч зэрэгцээд дөрвөн хөллөж хэвтэж байгаад эгч үлгэрээ уншдаг байсан юм. Уг нь би сургуульд орохоосоо бүр өмнө эгчийгээ цагаан толгой сурч байхад хажуугаас нь өнгийсөөр уншаад сурчихсан байсан ч эгчээрээ үлгэрээ уншуулах их дуртай байсан
Дахин дахин уншаад ханахгүй хэхэ. Жигтэйхэн зузаан, дуусдаггүй л ном санагддаг байжүүлээ. Сүүлд намайг сургуульд ороод удаагүй байхад энэ ном маань гэв гэнэт алга болчихсон, би одоо хүртэл майр харамсдаг. Уг нь эгч бид нар ерөөсөө урж балиартуулж гэмтээгээгүй цоо шинээр нь хадгалж байсан. Хэрэв одоо байсан бол хүүхэдтэй болтлоо хадгалаад тэгээд уншуулах байсан даа гэж бодохоор харамсаад болдоггүй юм хэхэ.
 |
| Дараагийн удаа олж уншихаар хайж байгаа ном |
Comments
Post a Comment