Мао... үргэлжлэл

Нөгөө номоо өдөрт ганц хоёрхон хуудсаар ахиулаад л яваа. Тухтай сууж унших зав үнэндээ алгаа. Нүд муудсан нь ч нөлөөлж байна гэлүү хэхэ.

Урд өмнө нь ном уншиж дуусаад тэмдэглэл, товчлол бичиж үлдээдэг байсан харин энэ удаад уншиж дуусгасан хуудаснуудаараа товчлол хийж байгаа нь шинэлэг байна. 

Нөгөө талаар номоо уншиж дуусаагүй болохоор үйл явдал, хувь заяаны гаргалаа нь яаж гарахыг хүлээнэ гэдэг бас сонирхолтой юм. Та нарт ч сонирхолтой байгаа байхаа.

За тэгэхээр дарга Мао бол нилээн залхуу байсан гэж хэлсэн дээ. Үнэхээр түүнд урдаа тавьсан тодорхой зорилго үгүй ч бага зэргийн идэвхтэй, гэвч холбиромхой залуу байжээ.

Анхны эхнэрээ бол нүүр өөд нь ч тоож харж байгаагүй юм байх. Эцэг нь их эрт буюу 14 тэй байхад н 4 эгч хүүхэнтэй гэрлүүлсэн, тэр нь удалгүй нас барсан юм гэнэ л дээ. Гэвч түүхэнд нь бол анхны эхнэр гэж бичигдээд үлдэж.

Хоёрдахь эхнэртээ бол бага сага гэхээс арай илүүгээр за да ямар ч байсан овоо хүчтэй дурлаж, хойноос нь гүйж байж суусан байна. Эхнэр нь ч удам сайтай, царайлаг, боловсролтой сайхан бүсгүй байж. Гэвч дарга Мао тэр эхнэртэйгээ суух гэж байхдаа давхар зугаалдаг байж л дээ. Тэрийгээ ч юман чинээнд тоодоггүй хүн байж. Эхнэр нь хойноосоо гүйлгэж байгаад өөрөө эргээд бунд болоод хоёр нүд нь бундаар эргэлдээд дарга Мао-д унаад өгч хэхэ.

Мао болваас эмэгтэйчүүдийг эрх чөлөөтэй байхыг дэмждэг, тэр дэмжлэг нь эм хүн эр хүн шиг ажиллаад, адилхан мөнгө олоод гэр бүлдээ нэмэр оруулах цаашлаад өөрийгөө авч явах чадвартай байх ёстой гэдэг үзэл байсымдуу даа. Угийн залхуу хүн болохоор хүүхнүүдийг хөдөлмөр хийлгэх, өөрөө далимд нь амрах гэж боддог байсан байх хэхэхэхэхэ.

Аа харин яаж улс төрд орсон, дарангуйлагч болсон нь миний сонирхолыг татаад байлаа. Гэтэл гргалаа нь ердөө энгийн. Урсгалаар явж байтал нь улс төрийн уур амьсгал, нөхцөл байдал тэгж таарч л дээ. 

Хятадад тэр үед дор хаяж 10 гаран нам байж, гэвч ХКН харьцангүй хүн цөөнтэй ч тэсч үлдэж чадсан, байр сууриа олсон нь ганцхан шалтгаантай байж. Тэр нь Оросын мөнгө. 

Коминтери Хятадад өөрийн төлөөлөгчөө илгээж, Хятдыг улаан болгох бүх зардлыг өөрөөсөө гаргаж л дээ. Тэр үедээ хөдөөнөөс хэрэгтэй гэсэн хүмүүсийг бүх зардлыг нь даагаад авчирч, хуралдуулсны дотор Мао багтаж.

Тухайн үед хоёр ажил хийдэг ч туйлын ядуу амьдардаг асан Мао анх удаа их мөнгөний бараа харсан нь тэр байсан байна.

Оросууд Хятадын Хувьсгалт Намыг бүх юмыг нь бэлдэж өгч байгуулсан, санхүүжүүлсэн, зааж сургасан юм байна шоо хүмүүсээ.

Үйл явдал цааш өрнөсөөр Мао хүнд тоогдож, тоогдохгүй байж... явсаар Сун Ят Сенийг нас барсны дараа орыг нь залгамжилсан удирдагч нь Мао-г сайн таньдаг байсны хувьд түүний ивээлд орж цаашдын замаа засчээ. Үүн дээр л танил тал, татлаа түлхээгүйгээр бор зүрхээр аливаа юмыг эхэлж чадахгүй юм уу даа гэсэн бодол төрсөөн.

Дарга Мао дан ганц ХКН ч биш Гоминданы намд давхар гишүүн, албан тушаалтан байжээ. Чан Кай Ши-н үед шүүдээ. /Энэ хэсгийг асар их товчилж бичиж байгаа болно/  Тэгээд албан тушаалын төлөө өөрт нь тус болсон нэгнийг ч золигт гаргах болж жинхэнэ яс чанараа харуулж эхэлжээ.

Чухам энэ үедээ л бусдыг зовоох, тарчлаах дуртай, цусанд дуртай, хүмүүсийг янз бүрээр шийтгэж, тамалж түүнээсээ кайф авдгаа мэдсэн байна. Насны хувьд 32-34 орчим настай үе нь. За үүнээс цаашихыг би унших гэж байна :) ....