Сайхнаар эхлээд...

Амралтын өдөр үнэхээр сайхан эхэллээ. Өглөө гадаа гарсан урин цаг айсуй өвөл ийм л байдаг даа гэхээр сайхан агаартай байна лээ. Жоол хоргодож зогссон ч ходоод хонхолзоод аргагүй орж ирж, гэдсээ дүүртэл чихчихээд сууж байна.

Одоо усанд орчихоод гараад сайхан зугаална гэж бодож байгаа. Хаашаа зугаалахаа товлоогүй байнаа, гараад алхахад болно биздээ.

Нэгэнт хөдлөөд эхлэсэн галт тэргийг зогсоох гэвэл мөн ч их зовдогийг дахин нэгэнтэй ойлгов. Юутай хамаатайг тоочоод яахав дээ, гэхдээ л нэгэнт галт тэрэг хөдөлчихсөн бол арга алгоо.

Ийм сайхан бичлэг дээр хүн муулку бол болохгүй гэл үү хохо. Өөрийгөө жоол жуул муулмаар байна. Юм бүхнийг санаандаа тааруулах гээд байгаа ч юм шиг. За яахав гээд сайн мууг зохицуулаад явж үнэндээ чадкумаа. Шууд л бухимдаад эхэлж байна.

Юу вэ, яав гэхээр нэг асуудалд өөрөө яваад орооцлодчихлоо л до.

Олон жилийн өмнөөс холбогдсон салбарт нэг шинэ, жоожкон ажлын байр шинээр гараад хүнүүс намайг нь чи гэртээ сууж байхаар чаддаг юм чинь анкетаа өгөөд үзээ, биед амар, хүмүүсээ танина, чадахгүй юм байхгүй гэв ээ.

Тэр ажил нь цалин өгөх эсэх нь одоо тодорхойгүй, жижиг төсөл л юм даа. 

Гэвч шууд анкет өгөх дээрээ очоод дургүй ч хүрэх шиг, толгой ч сэгсрэх шиг арай л санагдчилаа.

Юу вэ гэхээр нөгөө жижиг ажлын байран дээрээ тавьсан шаардлагыг нь уншаад үзлээ, тооллоо. Даруй 18 болоодохлоо.

Тавьсан шаардлага гэвэл оффисын тоног төхөөрөмж дээр ажиллах, мэдээлэл тайлан бэлтгэх, санхүү бүртгэл хөтлөх, сургалтанд бэлтгэх, орж ирсэн хүмүүст мэдээлэл өгөх, вебсайт хөгжүүлэх, хөтлөх, CD/DVD бичих, хуулах гэх мэтчилэн байнаа байна.

Тийм ч хүнд биш сонсогдох мэт боловч олон жил энд тэнд иймэрхүү ажил хийсэн, тэр ажлын байрны үүрэг рольийг нь аваад үзсэн ч маш их ажиллагаатай чимхлүүр, өөрөөр хэлбэл бичиг цаасны бүх л бохир муу ажлыг тасралтгүй хийдэг нуруу авдаг ажил гэж шууд мэдэгдэж байгаам.

Хүмүүс гэртээ байдаг эхнэрүүдийг юун завтай сайхан юм гэдэг ч гэрийн ажил маш хүнд, хүнд байхын хэрээр нэр хүндгүй, хөлсгүй их ядардаг ажил байдаг гэдгийг мэдэх нэг нь мэднэ дээ. Яг л тэрэн шиг.

Тэгээд хариуд нь би асуулаа л даа. 3 зүйл асуув. Тэр ажлын цаг, нөхцөл ямар вэ? Ажлын байр нь хаана вэ? Цалин ямархуу байх вэ? ийм гурван асуулт асуулаа хариу нь юу гэсэн бэ гэвэл.... Чи хэтэрхий их юм шаардаад байна гэдэг гэнээ.

Араас нь баахан юм хэлж байна. Манайх чинь төсөл, бүгдээрээ хамтраад хийх ёстой, хамт ажлын байр хайна, бүтэн цагаар ажиллана, ажиллавал мэдээж тодорхой цалин өгнө, цалингийн хэмжээ тодорхойгүй, гэхдээ их биш, хамгийн түрүүнд байраа олмоор байна гээд л. Арай л чи биднийг сайхан сэтгэлээр ажиллаж байхад адилхан сайхан сэтгэлээсээ хандсангүй гээгүй. Тэгэхээр дотроо бодлоо. Би энэ ажилд орох гэж анкет өгч байгаа хүн төдий, тэд муу ч гэсэн төслөө бичээд, гадаадаас санхүүжилтээ олоод ирсэн ажил олгогч. Хаа хамаагүй надад ингэж тоочих хэрэг байна уу, нэг л сонин юм гэж санав.

Тэгээд бас интернетээс татаж авсан анкет нь аржгар буржгар, арабаар бичсэн юм байхын. Тэрийг яахав өөрөө засаж янзлаад хуучин таних хүндээ явуултал майл хаяг нь холбогдохгүй, өөр нэг ажилтанд нь явуултал над руу биш ээ зар дээр байгаа хаягт явуул гэнэ. Тэр хаягаар нь явуулсан болоод орхитол хэд хоноод захиа ирлээ. Зар дээр байгаа хаяг болохгүй анх явуулсан хаягаар авч байгаа юм гэнэ.

PC-ийнхээ Unicode-г янзлаад, өөрсдийн майл хаягаа тохируулчихаж чадахгүй хүмүүсийн удирдлага дор бүх бичиг цаасны ажлыг хийгээд, веб хөгжүүлээд, хөтлөөд, СD/DVD дээр номыг нь бэлтгээд сууна гэхээр нэг л харь санагдаад байна гэвэл яах уу?

Яах вэ ажиллаж болноо, гэхдээ л нэг л ирээдүйтэй санагдахгүй байна шүү. Ажиллахгүй байхгүй яасым гэж үү? Нэгд олон жил болсон болохоор намайг очооч гэж гуйх хүн олон байгаан, хоёрт гэвэл ээж маань энэ ажлыг л хийгээд үз гээд ятгаад байгаам.

Ажлаа эхлээгүй, миний анкетийн хариу гараагүй байхад ингэж бухимдаж байгаа хүн чинь ажилд нь орох болвол энэ муу блогтоо мөн ч их хүн муулсан, бухимдсан бичлэг шахах байхдаа.