Үр хүүхдийн тухай яриа

Ээжтэйгээ хамаг байдгаа ярьж өнгөрөөж байна сүүлийн хэдэн өдөр. Ах эгч дүү нар ажилдаа явчихна, аав ээж бид хэд үлдэнэ тэгээд л би унтаад унтаад арай гэж сэрээд босч ээжийн чанасан сүүтэй цайг уучихаад нетээр хэснэ бас бус ойр зуурын гэрийн ажилд туслах төдий жаргадаг нь эхэлцаан.

Ээж эгчийн төрөх хугацаа болж байгаатай холбогдоод өнөөдөр залуудаа хүүхэд төрүүлэхдээ ямар байсан тухайгаа ярьж өглөө л дөө. 20 наснаасаа 30 хүртлээ гялалзаад л 5 хүүхэд гаргачихсан залуу байхад сайхан байж тоохгүй гүйж байгаад төрөхийн өмнөх амралтаа аваад эхний нэг сар нь гэрээ цэвэрлэж, хэдэн хүүхдийнхээ уранхай цоорхойг нөхөж, машинаар юм оёж, жижиг хүүхдийнхээ хувцсыг угааж, сүүлийн 15 хоног нь амарч ойр зуур хөдөлсөн шиг явж байгаад төрдөг байсан гээд хэхэ.

Хүүхдээ гаргаж боож тавьчихаад л босоод хаашаа ч хамаагүй гүйгээд, хөдлөөд байдаг байж, том нь жижгээ аваад л хүн болгоод өгдөг байсан. Хоолтой, хуурай байвал манай хүүхдүүд уйлахгүй ээ жаргаад л малийгаад инээсээр өсдөг байсан гэж ярилаа.

Хүүхдээ жижиг гэлтгүй ярилцах хамгийн чухал шүүдээ 2 сартайгаасаа эхлээд ээжийнхээ дууг сонсоод л толгойгоо хөдөлгөөд тормойтлоо хардаг, тэгээд 4 сартайгаасаа бүгдийг маш сайн ойлгож хүлээж авдаг болдог гэсэн. Миний хөө уйлахгүй шүү, ямар байна ээжийн хөө одоо унтаарай гэхчлэн гэр орны ажлаа хийнгээ хүүхэдтэйгээ тувтан яриад холбоотой байгаад байхаар мэддэг болоод малийтлаа инээж байгаад л унтаад өгдөг гэнээ.

Манайхан дотроос хамгийн том ах их жижкэн төрсөн, уйлдаггүй ч айхтар гүргэр амаа тас жимийчихээд хөхөө иддэггүй, тэгээд амыг нь хүчээр онгойлгож байгаад л хөхөө чихнэ, удаан нь аргагүй ганц нэг сорж байснаа аажмаар бага багаар хөхөө хөхдөг байсан гэсэн.

Дараагийн эгч бол хамгийн хэцүү уйланхай нь, уурлахаараа туж уйлдаг, сэгсчээд л хөхүүлж байхдаа ч сэгсчиж байхгүй бол нэг юм санаанд нь таарку бол чарлаад л ааш нь хөдөлдөг байсан юм байх. Сандруу, бачимдуу гэж жигтэйхэн мээмээ гаргаад өгөхөөр л учиргүй сандчиж дайраад энд тэндээс нь үмхээд, арай гэж хөхний толгойгоо  шургуулаад өгөхөөр хий сороод тэгээд сүүлдээ мэддэг болоод ам руу нь шууд чихээд лав шургуулж байгаад тас нааж байж л хөхүүлдэг болсон гэсэн.

Дунд ах бол их том, тарган хүүхэд байсан болохоор хөдөлгөөн багатай байсан, бага эгч бас гайгүй, адтай хүүхэд байсан гэсэн

Хамгийн бага би бас бараг 4 кг төрсөн юм байх. Мантайсаан, малийсаан цагаан хүүхэд байсан Ууцанбаатар ч гэнэ үү хочтой юм байсан юм байхаа хэхээх.

20-той байсан бол ч хүүхэд цувуулаад байж чадах байлаа одоо 30-тайгаасаа хүүхэд цувуулна гэж байхгүй яаж ийгээд ганц хүүхэд гаргаад авах юмсан гэсэн гаргавал хөдөө аваачиж өсгөөд болох байлгүй дээ. Гэхдээ одооны хүүхдүүд ч хэцүү болжээ, хэдэн настайгаасаа гараас гардаг нь тодорхойгүй гэнээ ээж. Залуу байхдаа хүүхэд өсгөнө яана ийнэ гэдэггүй тааваараа л гаргадаг, нийгэм нь тийм байсан одоо цаг үе ч өөр болж гэсээн хэхэ.