Дэлхий сөнөх эсэх тухай үлгэр

12 сарын 21 гэхийг миний зүгээс зүгээр л тоглоом наадам, наргиан болгоод яваад байгаа. Гэтэл бүр жинхэнээсээ итгэсэн улс нэг биш байгаа юм биш үү?

Хэд хоногийн өмнө очдог газраа очоод нөгөө хэдтэйгээ ажил ярьж байтал хэн нь ч билээ тэр лаа шүдэнз авахаар явсан гээд хальт ярихгүй юу  Тухайн үед нь анзаараагүй инээд болгоод өнгөрсөн гэтэл өнөөдөр очоод ажлаа ярьж байтал бас нөгөө Жавхаа эхнэртэйгээ шинэ жилд орохгүй гэсэн, 20-нд манай шинэ жил болох юм чинь шинэ жилдээ орж байтал дэлхий сөнөвөл яана гэж байна гээд бүр үнэнээсээ ярилцаад, яадаг юм хундагатайгаа барьсан чигээрээ тас явна гээд л бүр дэс дараатай нь ярьж байгаам биш үү хэхэ.

Манай шинэ жил 20-нд болно гэтэл эгч амар, амар дэлхий сөнөвөл чи юу ч мэдэхгүй согтуугаараа явах юм байна гэж намайг инээлгэж байгаа.

Орой тараад алхаж явтал хажууд манай ажлын нэг ах ирснээ надаас бүр санаа нь зовсон янзтай 12 сарын 21-нд дэлхий сөнөхгүй ч урд өмнө байгаагүй хүйтэн шөнө, хүйтэн өдөр болно гэж үнэн үү гэж асуугаад.

Мэдэхгүй ээ гэтэл, ах нь 20-нд шинэ жилээрээ машинтай очно, шөнө шинэ жилээ тараад гэртээ хариад машинаа гадаа тавиад унтана шүүдээ, 21-нд өглөө босоход машин асах уу гээд бүр жинхэн үнэнээсээ яриад надаас яах вэ гэсэн харцаар хариу нэхэж хараад байх юм хэхэ.  Хариуд нь юу гэхээ үнэндээ мэдсэнгүй ээ.

Микро автобусанд бөөнөөрөө суугаад харьж яваад урд нь хороололд Өргөө дээр хамт буудаг байсан гэр бүлийн хоёр бүр цаашаа Гэмтлийн эцэс хүртэл явна гэхээр гайхаад яасан бэ гэтэл энэ жил хашаа аваад гэр барьж өвөлжиж байгаа гэнээ. Хүүе та нар 12-р сарын 21 гээд гэрт өвөлжиж байгаа юм уу гээд асуутал бас бөөн инээд. Уг нь үгүй штэ, тусдаа тааваараа амьдрах гээд аавынхаа байрнаас гараад гэрт өвөлжиж байгаа гэж хариулсан ч үнэн эсэхийг нь мэдсэнгүй.

Нээрээ энэ эрчүүд гэж хүүхэд шиг байх юмаа. Орой холбооныхоо байраар ортол ирэлгүй хэд хоносон нэг залуу бүр уйлсан хүүхэд шиг улцайж, улайсан нүдтэй хүн өөдөөс ирмээд сайн уу гэхээр цочих ч шиг болж хүүе чи чинь яачихаа вэ, юунд уйлаав гэтэл үгүй ээ буруу юм хараад нүд өвдчихлөө гээд. Цаашаа нөгөө өрөөнд яваад ортол бас нэг залуу яг адилхан хавдаж улайсан нүдтэй амьтан сууж байхым. Яачихваа та нар гэтэл харин буруу юм хараад аа гээд.

Яг юу харсныг нь асуутал өдрийн гэрэл шиг эмнэлгийн гэрэл хараадаа гэнэ. Учрыг нь сайн ойлгосонгүй ямартай ч цаана нь бас 2 залуу нүд нь өвдсөн байгаа гэсэн. 4-ийн 4-үүлээ эмнэлгийн кварц ч юм уу ариутгалын гэрэл яах гэж асааж сонирхож удаан харж нүд нь дов болж сохронгоо алддаг байнаа. Хөөрхий бүгд ув улаан нүдлээд ёстой инээхэд хэцүү, уйлахад хэцүү арай арчаатай нэг нь нүдэндээ эм дусаасан шиг явна лээ.

Хүүхнүүд нь дор бүрдээ нөгөөдүүлээ загнаад, нүдгүй сохор болох нь яах гэж тэгж хамаагүй газар очиж хамаагүй юм хийж хамаагүй гэрэл харж явдаг юм гэж байна лээ. Нэгнийхээ ах дүүст туслах гэж таньж мэдэхгүй газар ороод тэгээд кварцыг нь өдрийн гэрэл байна гэж бодож асаагаад юм хийгээд суусымуу даа.

Эмгэнэлтэй ч юм шиг инээдтэй ч юм шиг. Одоохондоо нүд нь хавдаж ув улаан болсон ч юм харж байна лээ. Нүдээ түлнэ гэхээр ямар л олиг байв гэж дээ, бурханы авралаар дөрвийн дөрвүүлээ сохорчихоогүй өнгөрсөн бололтой.