Normal

Хэвийн сайхан хүн шиг бичлэг ганцыг бичье дээ, энэ чинь одоо. Сүүлийн бичлэгүүд бол уншсан хүн байтугай бичсэн би өөрөө ойлгоход төвөгтэй юм байгаа. Тэгээд хүмүүс ойлгоод, уншсан байхаар би гайхаад байгаа байхгүй юу.

Тэр үед юу бичиж байснаа өөрөө ч ойлгоогүй, дотроо болж байгаа зүйлийг гадаад ертөнцтэй холиод, холион бантан гэхэд арай дэндүү жонхуунаас илүү зутан шиг юм бичээд орхиж хихихи.

Надаар сүүлийн үед тайван сайхан байгаадаа. Тэгж айхтар новфщирщноосоо хойш дахиж элдэв янз бололгүй овоо хүн шиг л байгаа. 

Одоо ингээд цааш бичих юм олдохгүй дуусаа хэхэ.

Аа нээрээ, чинжүү чинь хортой юу? гүн хордлогонд оруулдаг уу? Чинжүүнд их дуртай л даа, шүдний дайсан гэхээр нь идэхэд муу юм байна гэж бодсон ч дуртай юм болохоороо юм л бол чинжүүтэй хуурга захиалдаг юм. Гэтэл саяхан Замын-Үүдэд амьдардаг хүнтэй уулзсан байхгүй юу. Тэр олон жил Замын-Үүд-Эрээний хооронд бизнес хийж л дээ. Бөөний худалдаа.

Замын-Үүдэд хүмүүсээс захиалга аваад тэгээд Эрээн орж захисан зүйлийг нь бөөндөж аваад Монгол руу ачуулдаг, ачуулсан бараагаа Замын-Үүдэд хүмүүст хүлээлгэж өгөөд буцаад явах гэсэн маршруттай юм уу даа.

Тэгээд ярьж байхдаа хүнсний бараа оруулдаггүй шинжилгээний бичиггүй бол хориотой гээд хоёр юм л хэлсэн нь нэг нь өндөг нөгөө нь чинжүү.

Өндөг ч яах вэ там тум гадарлаж байна, харин чинжүүг яагаад онцолж хэлснийг одоо л гайхаад байнаа. Тийм хортой юм байхдаа? Тухайн үедээ асууж завдалгүй өнгөрчихөж.

Тэр хүнтэй ярилцсных нууц хэлэхэд Хятдаас орж ирж байгаа өндөг чинь ямар ч шинжилгээний бичиггүй, шалгалтгүй, хяналтгүй орж ирдэг гэж байна шүү. Анхаараарай!!!!!!!!!!!!!!!!!!

Яагаад гэхээр ном журмаараа бол гаалиар бараг нэврүүлдэггүй юм байна л даа. Харин гаальд танил талтай хүн бол шууд л ачуулаад тэгээд гаальд байдаг нөгөө танил тал, ах дүүс рүүгээ утас цохиод л миний тийм тийм ачаа, тийм дугаартай, тийм жолоочтой, тийм машинаар очиж байгаа шүү гээд хэлчихдэг, тэгээд гаальд ажилдаг аврагч нь шууд л шалгалтгүй нэвтрүүлдэг гэнээ.

Одоо тэгээд яанам, ингэж бичихээр хүний мууг үзэх гэсэн ч юм шиг, нөгөө талаараа олон хүний эрүүл мэнд гэхээр бүр илүү баймаар ч юм шиг. Бид Бөхөг гээд савалгаатай өндөг л аваад байдаг. Бөхөгийнх яг мөн үү эсвэл Хятадаас оруулж ирээд байна уу гэдгийг ялгаж мэдэх арга байдаг болов уу? Хорвоо дэлхий мээнь яах нь энэ вэ?