Буруу эхлэсэн бичлэг

Шинэ жилийн уур амьсгал эхэлж байгааг албан ёсоор зарлая нтр гээд тухтай бичлэг бичнээ.

Сүүлийн үед бичлэгээ нэг л хайнга бичиж, хэлэх гэсэн үгээ гүйцээлгүй эвхэж, яарч дуусгаж байгаагаас шалтгаалан орж ирж уншсан хүмүүс зарим зүйлийн утгыг бүрэн ухаж ойлгож амжилгүй үлдэж байх шиг байна. Энэ удаагийн бичлэг ч мөн тиймэрхүү байх болов уу.

Тайлангаа тавинаа ерөөсөө. Блог дээрээ бичихгүй байгаа маань буруу болж байх шиг байна. Сүүлд уншвал дурсамжтай байх ёстой биз дээ? гэтэл хамаг юмаа бичихгүй хайш яайш бичлэг шахсан болоод орхиж байгаагаас болж сүүлд уншихад үнэн ойлгомжгүй, дурсамжгүй болчих гээд байна шүүдээ.

За тэгэхээр сүүлийн хэдэн долоо хоногийн турш нэг арга хэмжээ зохион байгуулах гээд сэтгэл санаа хоёрдоод сайн төвлөрч өгөхгүй байсан ч саяны амралтын өдрүүдээр дуусгаж амарсан болой. Миний блогийг уншдаг нэг нь санаж байгаа байх даа. Урд жилийн шинэ он гарахын өмнөхөн ажлаасаа болж нэг хүнтэй айхтар муудалцаж уурлаж, үүнээс болж олон хүнд загнуулж, янз бүрийн үг дуулж үзлээ гэж бичиж байсан. Тэр асуудал одоо хүртэл хүмүүсийн тархи, зүрхэнд явдым байна лээ шүү дээ. Би бол мартсаан. Нөгөө муудалцсан хүнтэйгээ ч учраа олсон, гэхдээ урдынх шигээ сайн сайхнаар хүндлээд ахаа гээд явахаа больсон. Тоохгүй хайнга харьцдаг болсон.

Хөндлөнгөөс харж байсан, дөнгөж саяхан л юунаас болж яагаад намайг уурлаж тэр хүнтэй муудалцсаныг дуулсан улс бол тэр хүний буруу гэж дүгнэсэн. Бага гэлтгүй хувийн ашиг хонжоо харсан улс хамт ажилладаг улсаа зовоодог юм байна гэж сайн ойлгож авсан гэхдээ өөрийгөө тэвчээргүй загнаж шууд дургүйцлээ илэрхийлж, маргаан дэгдээсэн гэж буруутгаад зарим нэг зүйлийг ойлгож авлаа. Дараагийн удаа тиймэрхүү зүйл гарвал шал тоохгүй, надад тулж бэрхшээл өгч гай болохгүй л бол нүдээ аниад л өнгөрөөнө гэж бодож байнаа

.Энэ жил тэгээд ерөнхийдөө хайнга, учиргүй сэтгэл зүрх гаргаж ажлыг нь бүтээж өгье гэсэн эрмэлзлэлгүй тэгс ингэс гээд чимээгүй хийж өгөх юмаа хийж өгчихөөд хөндийдүү явсаар дуусгалаа. Урд жилийнх их гоё болж байсан энэ жил яачихаа вэ гэж асуусан хүмүүс зөндөө байна лээ. 

Хувийн амьдралийн тал дээр сүүлийн хэдэн долоо хоног нам жим, тайван сайхааан байна. Сэтгэл санаа өөдрөг, өдөржин унтаад, идээд, шөнөжин нетээр хэсээд энд тэнд байгаа хүмүүстэй чаталж, хорвоогийн хамаг бүгдийг хамж шимж ярьсан шиг амьдарч байна.

Ажил төрөл ярих ч хүн байна, хувийн амьдралаа ярьж надтай зөвлөдөг хүн ч байна, надад зөвлөж, эрхлүүлж, намайг нь хайрлаж дэмждэг найз нөхөд ч байна. 

Хүн бүхний хэлдэг үг нь хурдхан хостой бол..... Энэ маш том үүрэг даалгавар байна. Ханааас тэр хосыг нь олох ёстойг мэдэхгүй байна. Тэр хүмүүст зориулаад доорхи дуугаар ая баръя гэж мэгээд :) 

Ханаас хэн гарч ирээд дотор шингэж ороод зүрк мүркийг догдлуулаад байхыг тааж чадахгүй байна, таамаглаж мэдэхгүй байна. Тэгээд би яах юм бэ? Хүчээр хэн нэгнийг хайж оллоо гэхэд сэтгэл санаад хүрэхгүй, надад таалагдахгүй бол яах вэ? 

Аа харин миний эргэн тойронд байгаа хүмүүсээс, таньж мэддэг хүмүүсээс хэн нэгний эзгүй орон зайг нөхөөд гэхийм уу хоосон хөндий хонгилыг маань бүлээцүүлдэг нэгэн байгаа. Ингэж хэлэхээр хосоо олсон гэж бодуузай. Огт үгүй шүү, тэр минийх биш минийх ч болохгүй зөвхөн хүсэл мөрөөдөлийн ханхүү гээд эртхэн зарлачихъя.

Өөөөөөө шинэ жилийн тухай бичих гэж байгаад далийгаад явчихаж. Маргааш л шинэ жилийн тухай сайхан бичнээ.