Үргэлжлүүлэн Олимпдсоор

Олимпдсоор.

Үнэхээр хөөрхөн хүү байгаа биз

Бахархахгүй байхын аргагүй монгол залуу шүү.

Олимпийн нээлтэд улсынхаа тугийг өндөрт
өргөж Одыг нь Сэрээсэн хүн дээ.

Нэг их спорт мэддэг хүн шиг үзсээр дуусгалаа.

Ялсан ч, ялагдсан ч бүгдийг дэмжинэ гэж шийдсэн тул өнөөдөр зоригтой үзлээ хэхэ.

Эхлээд Сэр-Одын оролцсон марфон гүйлтийг үзлээ. Кенийн хоёр бөөрөө нийлүүлж бөөрөлхөөд ч Угандаг барсангүй хэхэ. Гэхдээ улсын нэр нь л өөр болохоос цаадуул чинь бараг нэг үндэстэн биш үү? Миний Кени танил, найзууд бүгд хамаатан садан нь Уганда, Танзани нтрт байдаг байсан. Яагаав Амай бичээд байгаагүй юу. Африкийг клоничилж байсан орон нь үзэмжээрээ улс бологоод хуваачихсан, нэг тосгоны дундуур хувааж аваад хоёр өөр улс болгочихсон нтр гээд. Тэрнээс соёл, угсаа нтрээрээ ялграагүй гээд.

Ээ ингээд шал дэмий юм бичээд явчихдаг юм.

Манай тамирчин хөөрхөн байсаан. Ямар ч байсан 19-т нэг хэсэг гүйж дүр төрхөө зурагтаар гаргалаа. Би ч их дэмжлээ. Марафон гүйлтэнд барианд орсон л бол ялагч гэж тооцдог гэж дуулсан болохоор манай хүн бол ялсаан ялсан хэхэ. Аав ээжээ одоо энэ 42 км гэж манайхаас Шанх хүртэл зай биздэ гэж байж л багцаалж ойлголоо хэхэ.

Дараа нь залгуулаад Төгсцогтынхоо тоглолтыг үзлээ. Одоо юу ярих вэ дээ. Спорт гэдэг чинь баяр бас гуниг шүү дээ. Манай хүн чадлаараа тоглосон, болохгүй юм гэж болохгүй л байсан байлгүй энэ удаад алт авч чадсангүй, шүүгчид дарсаар байгаад нэг л эв нь таарсангүй. Бас жин өгсөж тоглох хэрэгтэй байх, арай дэндүү ядарсан байна нүд нь ширгээд.

Медалийн тавцанд Төгсцогт маань маш гунигтай гарсан, Оросын
Маша ч ялгаагүй хэхэ.

Өөрөөс шалтгаалах бүгдийг хийсэн ч нэг л болсонгүйдээ л гэж бодлоо. Аливаа юманд ноён нуруу гэж байнаа тэ? Манай тамирчид хөлс хүчээ шавхаад бэлтгэл хийгээд байдаг, улс үндэстний маань дүн ноён нуруу нэг л сайн тэгширч өгөхгүй байсаар тамирчид маань илүү илүү боломжийн оосроос атгаад алдаад байлаа гэж бодлоо хэхэ. Тэрнээс биш тамирчид маань бүгд чадлаараа хичээсэн дээ. Нэгэнт цаана байгаа хийморь нь болж өгөхгүй мөнгөн медаль хавьцаа байхад үүнээс илүү яахав дээ. Монголын алт гаргасан эзэддээ буюу төр засагтаа гомдож л гэж бодсон.

Төгсцогтоор бахархаж байна, бас Мөнх-Эрдэнэ сайн байлаа. Даруухан хөөрхөн залуус, спортын төрөл хүнд байх тусам тамирчид нь даруухан болоод байдаг юм байна тийм ээ?