Жу-До

Олимп үзсээр хэхэ. Мөнхзаяагийн барилдааныг үзсэн, уг нь ядаж хүрэл авчих байх гэж бодсон л доо. Гэхдээ түүнийг сайн барилдсан гэж бодож байгаа. Дэвжээний шүүгч нарт их учир байнаа. Дүрмийн биш мэхэнд өндөр шар хүүхэнд ялагддаг барилдааны ерөнхий шүүгч нь Хятад нөхөр байсан, дэвжээний хажуугийн шүүгч нь Испани нөхөр. Тэр хажуугийн шүүгчийг би Хятадтайгаа нийлээд манай бөхийг хавчсан гэж хардаад байгаа.

Яагаад гэхээр дараа нь Хүрэл медалийн төлөө барилдахад Дэвжээний шүүгч нь тэр Испани нөхөр харин нөгөө Хятад нь хажуугийн шүүгч хийсэн байна лээ. Хоёр дараалж торгуулаад тэгээд хүрэл медалиас мултарлаа. Ингэж дараалж ялагдахдаа хоёуланд нь дүрэм мэддэг хүмүүст бол маргаантай барилдсан гэхээр юм бодохгүй байхын аргагүй байгаа биз?

Хажууд нь хоёр нөхөр цаг сунгаж барилдаад ганц ч оноо авч чадахгүй байхад шүүгч нь хэнд нь ч торгууль өгөөгүй. Урд өдрийх нь барилдаанд Франц хүүхнийг дэвжээний гадаа барилдаж байхдаа Япон бөхийн өмднөөс татсан гэж Япон бөхөд цэвэр ялалт өгч алтан медаль өгсөн штэ.

Спортод дуртай, үзэж байгаа тамирчдаа дэмжиж байгаа хүмүүс дүрмийн талаар бас мэддэг байх хэрэгтэй гэж би бодоод байна. Би өөрөө ч сайн мэдэхгүй гэхдээ энэ сайтуудын бичлэг, тэрний доорхи сэтгэгдлүүдийг хараад манайхан бөөн дур, тэрнээс дүрмийн талаар А ч байхгүй өөр өөрийн үзэмжээр ойлгож байна гэж дүгнэв. Тамирчдаа их харааж байна, гэхдээ дүрэм гэж хэцүү шүү дэ. 

Жудо бөхийн хувьд шүүгч нар маш их эрх мэдэлтэй байдаг, хатуу дэг жаягтай Японоос гаралтай спорт учраас сумо шиг дэвжээн дээр хувийн зан чанараа гаргахыг сайшаадаггүй, эсэргүүцэл үзүүлэх ёсгүй. Тамирчин ч тэр, дасгалжуулагч ч тэр сэтгэл дундуур байгаа, шударга биш боллоо гэж бодвол тэрийгээ шууд илэрхийлэх аргагүй тэгвэл аягүйтвэл насаараа барилдах эрхээ хүртэл хасуулдаг гэж дуулсан юм байна. 

Барилдаан дууссны дараа албан ёсоор гомдол гаргаж болдог л доо, гэхдээ манай багийхан лав хэл ам хийлээ нтр гэж дуулдахгүй л юм байна. Эхний өдрүүдийн барилдаанд хэзээ ч жудогийн түүхэнд болж байгаагүй юм болж, хантайгаар ялагдсан тамирчин бүр сүүлд заргалдаад хүрэл авсан байна лээ.

Тэхээр шударга биш хандлагын төлөө сайтар хэл ам хийх хэрэгтэй байгаам. Манайхан яагаад шүүгч нарын аманд багтаад байдгийг ойлгохгүй байнаа.