Гуравдугаар сар

Яах ийхийн зуургүй давхиад ирлээ дээ. 

Ориг открыткийн зураг хэхэ

Төсөөлөл нь цэцэг, цэцэг, цэцэг, тэр тусмаа сарнай цэцэг.

Эмэгтэйчүүдийн баяр энэ сард болдог болоод ч тэрүү хүүхнүүд хамгийн их гангалдаг сар. Хувцсаа нимгэлдэг сар, гуя хасаа гялалзуулдаг сар, гунхдаг сар, болздог сар, аа харин миний хувьд хааяа нэг гунигладаг сар аа хэхэ.

Намайг багад, за миний бага байсан цаг үед Мартын-8 гээд дэндүү гоё баяр болдог байжээ. Ээж маань хачин гоё болдог, гангалдаг, энэ баярт зориулсан арга хэмжээндээ тусгайлан бэлддэг болохоор бид нар дагаад баярын уур амьсгал орчихсон, би цаас маасаар цэцэг хийчихсэн ч байх шиг... Гоё гоё зурагтай открыткий шуудангаар хэн нэгэнд ирээд л... дэндүү сайхан дурсамж. 

Гуравдугаар сарын шүлэг...

Минжин сортой өвлийн салхин уясах цагаар

Мичид гоо хүүхнүүдийн Март болдог байлаа

Миний сайхан ээжий цагаан туфлэ өмсөөд

Мишээх царай хасын шүдтэй бүжиг эргэдэг байлаа... яанаа цааш нь мартчихаж...

Эсвэл...

Гуниг эцээд жаргалдаа буцаж ирэх өдөр

Чамайгаа би аргадан дуулах болов

Гуравдугаар сарын салхин зоргоор урсах цагаар

Чамдаа би салхин зардас илгээв...

Салхи гэснээс гуравдугаар сарын хавсрага салхи ёстой хавирга нэвт үлээнэ шүү. Өнөөдөр ч тиймэрхүү байлаа. Нимгэн хувцастай гарч гүйсэн чинь даарах гэж ч байх шиг.

Гуравдугаар сарын дуу...

Сэм сэмхэн үгүйлэх хайртайгаа би
Хайрын төгөлд учирсан
Сэрүүн салхинд жиндсэн гарыг минь
Атган суух нь түшигтэй...

Гуравдугаар сарын кино...

Служебный роман

Яагаад энэ киног заавал гуравдугаар сарынх гэснээ тодорхой хэлж мэдэхгүй ч эмэгтэй хүмүүсийн тухай аягүй гоё кино гэж боддог шдэ. Кино эхлэхэд ажилдаа ирсэн бүсгүйчүүд нүүрээ буддаг, өдөр тутмын гоёлоо шинждэг нь цаанаа л ихийг агуулдаг, бас үзсэн хүн өөрийн эрхгүй хөглөгдөөд, хөтлөгдөөд явдаг.

Нарийн бичиг хүүхэн нь энэ киног амьдруулахад маш том түлхэц үзүүлсэн мундаг жүжигчин шүү.

Цэргийн баяр гэж энэ сард болдог ч миний хувьд бол энэ сар бүхэлдээ бүсгүйчүүдийн сар. Бидний сар ирсний мэндийг уншигч бүсгүйчүүддээ хүргье дээ. 

Аягүй огцом дуусгачихлаа хэхэ.