Хөдөөнөөс мэндчилж байна

 гээд сүртэй сүртэй гарчиг өгөөд явчихнаа хэхэ. Сумандаа ирчихсэн байгаа штэ өнөөх чинь. Удахгүй аймаг ороод тэгээд тэндээсээ хот орлоо. Хөдөөгүүр зуншлга тийм ч сайхан гараагүй байна. Өдөр бүр шахуу улаан шороогоор нүдэж салхи тавиад хаа нэгтэй ганц хоёр бороо дусах төдий.

Халуун байгаа ч ярилтгүй. Халуун гэснээс нийтийн халуун усанд орж байгаа штэ. Жолооны үнэмлэхээ хотод орхиж ирээд энд ирж шороон дунд үнэмлэхгүй машин барьж чулуун дээгүүр харайлгаж нтр хэхэ. Механик араатай машин барих гэж ухас ухас, ондгос ондгос хаха.

Нээрээ хөдөөгүүр сонин ихээ. УИХ-ыд нэр дэвшигчдийн сурталчилгааг харж байтал нэг их танил нөхөр давхиж явахын. Юу билээ гээд бодоод үзтэл миний багын таньж мэдэх нөхөр байштэ. Бага байхдаа би нэг охинтой үй зайгүй хачин дотно найз байсын. Тэр маань аймгийн төвийнх, зуны амралтаараа ахындаа ирнэ, ах нь манай хөрш. Найзыгаа хүлээж цөхдөг, ирэхээр нь жигтэйхэн баярладаг байлаа л даа. Нэг удаа надад болон хамт тоглодог охидууддаа мааааааааш нууц юм хэлье гээд цуглуулж байгаад л ярихгүй юу. Тэр нууц нь ангийхаа нэг хүүтэй үерхдэг байсан тухай хэхэ.

Тэгж байгаад тэр хүүг нь эчнээ таньдаг болоод, хойтон ч билүү зусланд нөгөөхтэй нь цугтаа амарч нтр хэхэ. Тэгтэл мань хүн одоо их хуралд нэр нь дэвшээд давхиж явна. Манай найзыг дурсдаг болов уу үгүй болов уу мэдэхгүй, тэр хоёрын дунд юу болоод, яагаад салсныг мэдэхгүй. Гэхдээ нилээн маргаан, сонин юм гарсан гэж дуулдсан. Би ч найзтайгаа уулзалгүй 20 жил болчихож. Хүнээс сургийг нь дуулахнээ их олон хүүхэдтэй ээж болсон гэж байсым.

Иймэрхүү л сонинтой доо хөдөө нутгаар. Нийтийн интернет ашиглаж байгаа учраас тухтай бичиж болохгүй юм байнаа. Хөдөөнийхөн чинь саваагүй ч юм шиг, сайхан ч юм шиг. Өнгийж ирээд л харна хаха. Би өөрөө хөдөөнийх хир нь олонтой газар байсаар байгаад баригдмал ч болсон юм шиг. Ухаан нь дарга даамалтай уулзах гэж очоод хаалга үүдийг нь онголзуулаад, шагайж хараад, хөөгдөн хөөгдөн булталзаж чадахгүй гадаа сандал дээр нь тэвчээртэй хүлээж нтр. Хөдөөнийхөн бол тоохгүй шагайсаар байгаад ороод явчих юм байштэ. Хүлээсээр суусан "хот маягийн соёлтой" би нь уулзах хүнтэйгээ уулзаж чадку хонох шинжтэй, за яадын гээд босч харайж бусдтай адил үүдэнд нь хамраа нааж дайрч байж орж уулзлаа хаха.