нэг бичлэг

Одоо л нэг зүйлийн ард нь гарч амсийж байгаа мэт санагдах ч харин эсрэгээрээ бүх юм эхэлж байгаа ч юм билүү...

Нэг оюутан сандарч маргааш өглөө шалгалттай яанаа гэхийг хажуудах хүн нь сонсоод чи ер нь таван сарын өмнө юугаа бодож байсан юм гэтэл оюутан харин би тэр үед таван сарын дараа шалгалттай яанаа л гэж бодож байсан юм гэсэн гэдэг.

Надад заримдаа энэ намайг хэлсэн юм шиг санагдаад байхым. Таван сарын дараа ч юу байхав, ямар нэг юмыг давах цаг хугацааг тулахаар урьд нь даван туулахын төлөө юу ч хийгээгүй юм шиг, хийсэн ч юм шиг сэтгэл хоёрдоод явчихдаг.

За энэ ч яахав. Өчигдөр зурхайд нээх сүртэйгээр заяаны ханьтай учирна гэсэн юм байхаар нь гэрээс гарах биш баланцгийх нь заяаны хань, хаанаас олох вэ гэж бодож байтал өдөр ажил руу очих хэрэг гараад гүйгээд очтол өрөөнд хоёр залуу сууж байхын. Нэг нь ч яахав би танина манайхны нэгнийх нь хүү, ганц бие биш гэдгийг нь ч дуулж мэдсэн, нөгөөг нь танихгүйм. Гүй ээ тэгээд тэр хоёр бацааны нэг нь миний заяаны хань, тэрийг нь би алдчихсан болж байгаам байх даа гэсэн хаха. Дээр нь манай дарга сүүлд орж ирсэн. Дарга бол угасаа энэнд хамааралгүй хүн. Тэгээд энэ гурван эр хүн л өчигдөр надтай таарах шив дээ. Зурхай хааяа нэг бүлт үсэрнэ шүү кккк.

Өдөржин нааш цааш бичиг сачиг бүрдүүлж хоёр хөлөө хоёр тийш рамнаасаа салж өнхөртөл гүйх завсар автобусанд бараг сэрүүнээр зүүдэлж байна. Хэдэн жилийн өмнө салдаггүй байсан, хэлхээтэй юм шиг хаана ч цуг явдаг байсан найз охиноо дурсаад, бид хоёрын залуудаа авхуулсан зураг хожим дурсахад гоё байх, тэгдэг ингэдэг байсан гээд өөрөө мэдэлгүй бодол хөврүүлсээр автобуснаас буутал утас чичирхийлж байна. Төвөгшөөнгүй аваад хартал яг миний бодож байсан найз маань. Хотын залгаа аймагт амьдардаг юм л даа. Аль эрт хүнтэй суугаад маамуулаад амьдралаа босгох гэж зүтгэсээр хүн амьтнаас хөндийрсөн хүн.

Тэгтэл найз маань хотод хүрээд иржээ. Хэд хоног ажлаар семнарт ирсэн гэж байна, манай гэрийн хажууханд зочид буудалд байрласан гэхээр нь гүйгээд очлоо. Ярьж жаал суулаа. Маргааш нөгөөдрөөс найзыгаа дагуулаад гэрийн хажууханд байх шөний клубт орж аалз болтлоо сарвайж бүжиглэх юм шүү ккк.  Удаан бүжиглэсэнгүй. Найздаа хэлсэн тэгье тэгье гэж байхын, нөхөртөө алуулна биз гэсэн харин тийм ээ манай хүн муухай хартай, эрчүүд адилхан харны тулам байдын биш үү гээд хэхэ. Айлын авгай дагуулж тэнэсэн хэрэгт ордым болуу? Уг нь найз маань нэг ирсэнийх, гэрийн хажууханд байрласных бут авмаар, Улаанбаатрыг доргитол дэлбэ авмаар л байна штэ хэхэ