Зиак оны анхны бичлэг гэхиймуу? Ямартай ч бичмээр санагдлаа. Оройхон гараад ширүүхэн дайрна гэдэг шиг л өчигдөр юм хийхгүй амарч байгаад өнөөдөр үд дундааас эхлээд цэвэрлэгээ хийж угаалгаа амжуулчихсан. Тэгээд залгуулаад шинэ жил болох шив дээ ккк.
Утсандаа нэгж авч амжаагүй байж байтал надаас ахмад хүмүүс эхлээд над руу мессеж бичиж мэнд хүргээд эхлэнгүүт сандарч бушуухан гарч гүйгээд үлдсэн ахмад хамтрагчиддаа мэнд хүргэж эхлэв хэхэ. Сайн сайхнаар онд орохыг хүссэн болохоор буруутай буруугүй хамаагүй загнасан, муудалцсан хүнүүсээсээ уучлалт гуйж сэтгэлээ амраагаад, бас бүгдэд нь өнгөрсөн оныг хамтдаа амжилт бүтээл арвинтай давж аз хийморь, амжилт бүтээлээ харамгүй хуваалцсанд нь баярлаж байгаагаа хэлсэн.
Ширээгээ засахаас өмнө амжуулаад ажлынхаа тухай хэдэн мөр бичиж оруулчихаад тэгээд хоол эргүүлсэн, интернэт ухсан шигээ тайвуухан байж байгаад он гаргалаа.
Өдөр бодож байсын, одоо шинэ он гарахад хүслээ шивнэнэ гэж, шивнэх хүслээ ч товлочихсон байсан, тэгтэл яг он солигдоход байдаггүй ккк. Гэрийнхэнтэйгээ өнгөрсөн оноо дүгнэж цэгнэж ярилцаад намайг ярьж дуусангуут залгуулаад ерөнхийлөгч үг хэлдэг, би хундагаа хайгаад гүйж таардаг хэхэ.
Тэр зуураа хүсэл шивнэхээ мартчихсан, тэгсэн ч дотроо ингээд элэг бүтэн, эрүүл саруул сайхан баярлацгааж байгаа маань болоо штэ гэж бодож амжсан шүү хэхэ.
Нэг юм бичих үү байхуу гээд эргэлзээд байна. Энэ удаадаа больё хэхэ.
За бүгдэд нь шинэ онтойгоо аз жаргалтай учран золгосонд баяр хүргэе!
Comments
Post a Comment