Дэлгүүр хэсэв

Хэд хэдэн юм худалдаж авах хэрэг гараад гадуур хөнгөн атлетикийн тамирчин шиг л гүйж байна хэхэ. За худлаа худлаа би юу гэж тэгж гүйх вэ дээ харин ч үхэр шиг сажлаа алхаатай байж магадгүй гэхдээ гүйх юмандаа гүйгээд явчихаар зарим хүн гүйцдэггүй тохиолдол байсан.

Дэлгүүр хэсэх гэж надад лав бөөн ядаргаа. Бараг эхний дэлгүүрт ороод л авах гэснээ шүүрч аваад гарчихдаг юм. Хүүхнүүд бол ийм ч фирм тийм ч брэнд гээд байдаг надад мэддэг фирм энэ тэр гэж байхгүй ээ байхгүй манай эгч нар л нэрийг нь мэддэг, хэрэг болвол тэднээсээ асуучихна гээд санаа амар амьтан яваад байдаг хэхэ.

Хайсан юмаа эхнээс нь олсоон. Малгай хэрэг болоод бас хэд хэдэн дэлгүүрээр шагайж үзлээ. Уг нь Монгол малгай л даа. Тэгээд царай муутай хүнд малгай зохидоггүй юм болохоор таарч тохирох малгай ховор юм байна хэхэ. Тоорцог өмсөж үзсэн нээх зохихгүй надад айлын зарц маягийн царай байхгүй юм бишүү хэхэ. Эмээгээ тоорцог өмсдөг байсныг санаад өөрийгөө харж баахан инээж зугаагаа гаргаж хавийн амьтны нүд чихийг соотойлгож сортойлгосон.

Эсрэгээрээ Богд Дондогдулмынх шиг шүрэн чимэглэлтэй сүртэй шав шар малгай өмсөөд үзчихсэн чинь зохиосон гэдэг Ванлий Харсан хүн шүүрс алдмаар Ванлий Хаалан сумын Буянхишиг да лам харвал Хахаж үхмээр Ванлий... болоод явчихсан... за худлаа худлаа хэхэ.

Тэгээд авахаа тулвал нөгөө тоорцгоо аваад эмээ царайлаад явна гэж тоочиглочихсон байгаа даа.

Дэлгүүр хэсэнгээ дотроо бодлоо. Юун азаар би алдартай од мод болчихсонгүй вэ гэж. Тэгсэн бол алхаж гишгэж, өмсөж зүүхээ байнга анхаараастай, хянаастай бөөн ядаргаа болох байхаа ай мөн ч хэцүү дээ гэж бодсон хэхэ. Би чинь жигтэйхэн замбараагүй байнга л халаасаа янз бүрийн салфетка, хэрэгтэй хэрэггүй цаасны өөдсөөр дүүргэж эгч нартаа загнуулна, тэгээд гудамжаар явахаар миний цүнхнээс үзэг бал юухан хээхэн цуварч үсэрч унаад ардаас явсан хүмүүс ээлж дараагаар түүж өгөөд байдаг юм чинь хэхэ. Эгч нар бол ч миний цүнхнээс ямар их хог гардаг юм пээ л гэнэ шүү дээ.