Сүүлийн өдрүүдэд...

Өдөр хоног өнгөрч байгааг анзаараад ч байх шиг үгүй ч шиг. Нэг мэдэхэд л намар болох юм шиг санагдаад гуниг төрөх нь. Ирээгүй байгаа намрын өмнөөс гуниглах гээд мөн ч завтай хүнээ би хэхэ.

Ганц нэг уулздаг, холбоотой байдаг найз нөхөд маань уулзахаар Эрүүл зөв хооллолтын клуб ч гэнэ үү юманд оруулах гээд уруу татаад жаахан тээртэй санагдах юмаа. Зарим нь бүр доромжлоод ч байгаа юм уу ятгаад ч байгаа юм уу сонин сонин юм хэлээд. Өөдөөс нь бараагаа ингэж зардаггүймаа маамаа минь гээд хэлчихмээр санагдаад хэхэ. 

Тэр клуб нь коктель бас тураадаг эрүүлжүүлдэг цай, витамин энэ тэр уулгадаг тэгээд төлбөр нь бас хямд биш бололтой юм: Гурван найзаа дагуулж ирвэл өөрөө үнэгүй байдаг юм гэнэ л дээ тэрнээс болоод л мань мэт нь янз бүрийн дайралтанд өртөөд байгаа бололтой. Хэрэглэдэггүй сонирхол алга гээд ятгахаа зогсоохгүй бүр сүүлдээ тэр цай майг чинь авч уух бэл бэнчин алга гээд ч нэмэргүй хэхэ. 

Би болохоороо илүүдэл жин маань ямар нэг өвчин хууч, энэ тэрээс болоогүй суугаа ажлаас л болсон үүнийгээ хасах гэж эм тариа элдэв нэмэлт бүтээгдэхүүн хэрэглэх шаардлагагүй, залхууралгүй хөдөлгөөнтэй байж идэвхтэй амьдарвал тураад гоолиг болж болно гэж бодоод байдаг юм. 

Тэр хүмүүсийн явдаг клуб нь хүнийг жигнэж үзээд чиний нас тэд, харин дотоод нас чинь тэд гэж гаргаж хэлдэг гэнэ л дээ. Аль болох жин багатай байвал дотоод нас нь залуу байдаг юмуу даа хаашаа юм харваас хэтэрхий эв хавгүй тураад бүр өмнөөс нь санаа зовмоор дожоогүй болчихсон эгчийг 40 настай ч дотоод нас нь 11 гэж хэлсэн юм байх. Тэгээд илүүдэл жинтэй намайг бол шууд дотоод нас чинь 70, 80 байна гэж хэлж зүрх үхүүлэх юм байна л даа хэхэ.

Витамин нэмэлт бүтээгдэхүүн уудаг гэхээр нь бас эдээрээ оролдвол эвдэхийн эхнэрээрээ оролдвол салахын цондон юу юу билээ тэрэн шиг хал балгүй яваа биеэ мэдэх мэдэхгүй ургамал, антибиотокоор бөмбөгдөж байж мөөгөнцөр энэ тэрийн үүр болчихвол гай гэж заримд нь хэлээд яваа хэхэ.

Ер нь би орчин үед далд боолчлол газар авсан хэрэглэж байгаа бараа бүтээгдэхүүнээр нь дамжуулаад тэр хүнийг байнгын хараат болгож боолчилдог гэдгийг үнэний ортой гэж боддог байхгүй юу. Өөрөөр хэлбэл тухайн бүтээгдэхүүнийг хэрэглэхээр бие махьбодь нь өөр төрлийн бүтээгдэхүүн хүлээж авахаа болиод зөвхөн тэр бүтээгдэхүүнээ л байнга хэрэглэнэ, хэрэглэхгүй бол янз бүрийн сөрөг нөлөө гараад байнга хүссэн хүсээгүй авч хэрэглэхээс өөр аргагүй болох тохиолдол байдаг тухай сонсож байсан. Тэрийг 100 хувь худлаа гэхгүй, үнэн гэхгүй ерөнхийдөө үнэний ортой л гэж боддог.