Бүүдгэр өдрийн бодрол...

Хавар чи...

Блогтоо салхи оруулж хэдэн үг эвлүүлээд биччих гээд л суугаад байна суугаад байна. Нэг л болж өгдөггүй гэхгүй юу хэхэ.

Нэг л их тайван амгалан, хөдөө амарч өөрийгөө зугаацуулсан хүүхэн байна. Өглөө сэрээд хүмүүсийн нүүрномд оруулсан Happy Monday постыг уншаад нүдэндээ ч итгэсэнгүй, энэ чинь Monday гэж үү арай үгүй байлгүй дээ гэж бодлоо. Календар харж байж итгэлээ.

Өөрийгөө 2 хоног унтчихаа юу ч гэж гайхлаа л даа. Үнэндээ өдөр сар, цаг хугацааг анзаарахаа больсон байна.

Толстойн Зовлон туулсан нь уншсан. 3 дахь боть нь. Уншаад бодлоо, за ер нь хайр сэтгэлгүй юм гэж байна уу гэж нухацтай эрэгцүүлэв шив дээ. Эрэгцүүлж гавьсангүй, гэхдээ л ер нь хаана ч тэр хайр сэтгэл, хос хоёр, тэмүүлэл жаргал, зовлонгүй амьдрал гэж байдаггүй юм байна гэж бодов. 

Надад ер нь хайр сэтгэл байна уу гэж өөрөөсөө асуулаа, мэдээж байхгүй :( 

Цагийн юм цагтаа, цахилдага дэлгэрэх нь хавартаа гэгчээр дурлаж догдолж, санаж, мөрөөдөж, учирч байсан бүхэн аль эрт дивангарт ард хоцорсон байх нь. Одоо тэр бүхнийг дурсахыг, дурсагдахыг үл хүсдэг байх нь.

Зохиол уншлаа, кино харлаа. Гол дүрийн хос яаж ч төөрөлдсөн, хагацсан, зам салсан эцсийн эцэст бие биенээ олоод учраад байгаам. Амьдрал дээр бол тийм юм байдаг юм болов уу даа? Надад лав тохиолдоогүй тийм зүйл.

Хагацсан бол хагцаа, салсан бол салаа... бандан тас. Нэг иймэрхүү л явж иржээ.

Миний амьдралд орж ирсэн хүн цөөн, орж ирэх гэж оролдоод, ганц нэг нь орж ирээд цагийн шалгарлыг даван туулж тэсээд, надтай цуг үлдсэн нь нэг ч үгүй. 

Ард түмэн тайван амгалан байна, амьдрал жаргалтай байна гэдэг шиг миний амьдрал тайван байна. Догдлоогүй байна, дурлаагүй байна, шаналаагүй байна, хайрлаагүй байна. Үгүй ээ, би ийм байлгахыг хүсч байна, хичээж байна. 

Илүү тайлбар хиймээргүй байна. Одоо байгаагаа өөрийн зүгээс өөрчлөх гэж ямар нэг алхам хийх хүсэл үгүй байна. Ямартай ч эзгүй талбарт ганцаараа гарч зогсох гэж бага биш цаг хугацааг зарцуулсан санагдах ч шиг. Болдог юм болдгоороо болж, жамаараа яваа ертөнц нь ямар нэг зүйлийг урд минь тавих л байлгүй дээ.