Эмэгтэйчүүд наашаа

 Эмэгчингүүдийн яриандаа орьё хэхэ.

Салтаа байцаах найдвартай газар байна уу? Ингээд эхлэхээр намайг элдэв юм тохиолдсон гэж бодуузай. Урдчилан сэргийлэх улирал тутмын үзлэг хийлгэж байхаар найдвартай газар хэрэгтэй байна. Манай эмнэлгүүд нэг л сонин, зүгээр урдчилан сэрийлэх үзлэг хийлгэх гээд очихоор бөөн бөөн эм бичиж өгөх эсвэл дахин дахин явуулж эмчилгээ хийх гээд дайраад байдаг. Хэргийн гол нь мөнгө салгах гэсэн бодлого нь байгаам. Тэрнээс хүн өөрийнхөө биед ямар нэг өөрчлөлт орж уу хэвийн байна уу гэдгийг үзүүлээд явж байх гээд байгааг ойлгохгүй, эмнэлэгт очсон л бол заавал эм тариа хэрэглэх ёстой гэж жор бичиж өгдөг. Мэддэг хүмүүст бичсэн жорыг нь үзүүлэхэд антибиотик л байдаг юм билээ.

Гэв гэнэт ийм бичлэг бичиж байгаа нь учиртай. Манай нэг найз байдаг юм. бас над шиг нөхөргүй, хүүхэдгүй гэхдээ надаас 4-5 эгч хүүхэн. Уулзахаараа намайг чи одоо хүүхэд гаргаач хөгширлөө гээд загнана, би болохоор чи өөрөө надаас эгч байж хүүхэд гаргаач өөрийгөө хэл гэхээр гарганаа л гэдэг байсан.

Тэгсэн ноднин нөгөөх маань надад манай ээж намайг нөхөргүй юм чинь зохиомлоор үр суулгуулж хүүхэдтэй болох уу гэнээ гэхгүй юу. Би гайхаад юугаа яриад байгаа юм хурдан нөхөртэй болоод хүүхэд гаргаач, хүүхэд чинь миний аав хэн юм гэвэл чи хуруу шил гээд сууж байх юм уу гэсэн харин тийм ээ гээд өнгөрсөн.

Мань хүн намайгаа бодвол өөртөө их анхаарна, байнга тийм ч эмнэлэг, ийм ч гоо сайхан, ядаргаанд сайн солонгос чулуун ор, япон коллеаген авсан гээд явж байдаг. Тэгээд саяхан би гэнэт бодлоо л доо. Энэ маань ингээд эрүүл саруул байж өөрийгөө элдэв долоон витаминаар бөмбөгдөөд тэгээд яг өвдөх зовохоор өнөө эм тан нь нөлөөлөхгүй юм биш байгаа гэж бодож байсан мэдсэн юм шиг манай найз хүрээд ирсэн.

Энэ тэрийг хүүрнэж байтал гэв гэнэт эмэгтэй хүн байнга эмчид үзүүлж байхгүй бол болохгүй юм байна би ноднин жил савны гадуур жирэмслээд үхэнгээ алдсан гэхгүй юу. Миний гайхсаныг хэлээд яахав. Энэ талаар ёрөөс ярьж байгаагүй, надтай адилхан найз залуу ч байхгүй хүн л гэж би ойлгодог байсан. Гэтэл найз маань өвдөж үхэх шахснаа надаас тас нуусан байсан.

Өөрөөсөө дүү нэг залуутай танилцсан гэж цухас дурдсан ч би тэгтэл дотносоогүй жирийн танил гэж бодсон юм л даа. Түүнээсээ ч юм уу жирэмсэн болчихож, тэгээд гэрийхэндээ хэлэхгүй, найзууддаа хэлэхгүй дотроо тас нуугаад яваад байсан гэсэн. Бараг 4 сар болж байхад нэг өглөө гэв гэнэт ходоод гэдсээ эргэтэл бөөлжиж хөл дээрээ тогтож чадахгүй болтлоо ядарч гэрийхэн нь урд өдрийн идсэн самрандаа хордож гэж түргэн дуудсан, гэтэл эмнэлэг дээр очтол танай хүүхэд жирэмсэн байна яаралтай шинжилгээнд ор гэж л дээ. Тэгээд найз маань улам муудаж маш их цус алдаж шинжилгээгээр савны гадуур жирэмсэлсэн нь тогтоогдоод бөөн юм болохгүй юу.

Бие нь маш муу байсан болохоор эмч нар гэрийнхэнээс нь үхэхэд гомдолгүй гэж гарын үсэг зуруулж байж хагалгаа хийж байж арайхийж амийг нь аварсан гэсэн.

Найзаасаа энэ тухай нь сонсоод үнэхээр шоконд орж чи одоо тэнэг юм уу намайг дуудахгүй яасан юм хамт эмнэлэг энэ тэрээр яваад эртхэн шинжилгээ өгчихгүй яасан юм гэсэн одоо харин өнгөрсөн юм аа гэх юм. Савны гадуур жирэмсэн болвол дахиад хүүхэдтэй болох магдлал огцом буурдаг гэх юм. Тэгээд найз маань чи одоо өөртөө анхаарал сайн тавьж бай, найз залуугүй, нөхөргүй ч гэсэн эмнэлэгээр сайн явж бай гэнээ.

Саалиа бэлдэхээр саваа бэлд гэгчээр хүүхэд төрүүлэхээс өмнө байнга хяналтанд ороод явж байвал өөрт тустай юм уу даа.

Сайн найдвартай эмнэлэг хаанаас олох билээ?