Бүжгийн талбай

Хавар болоод сайхан байна. Үгүй ээ энэ чинь зуны эхэн сар штэ тэ? Гадаа үнэхээр гоё байна лээ.

Би нээрээ ганцхан юмыг л үзэн яддаг байхгүй юу. Юу вэ гэвэл компьютер гацах хэхэ.

Арай гэж хийсэн юмаа хадгалж амжихаас өмнө гацаад тэгээд хүлээгээд нэмэргүй тэр чигт нь хаахаас өөр аргагүй болохоор уур хүрээд аваад чулуудчихмаар санагддаг юм. Миний ажлын компьютер их муу дээр нь дүүрчихсэн болохоор гацаагийн даваанд зогсоод мөд хөдлөхгүй хамаг нерв барнаа. Юм хийж байхдаа тэр дор нь хадгалаад байх боломжгүй тэгвэл бас хадгалах гээд л уншаад ухантаад ажил явахгүй хамаг хараал барна. Дээр нь би гэж нэг хүн нэг зэрэг олон команд өгчихдөг тэхээр нөгөө ямбий чинь дийлэхгүй уухилаад л байна. Ер нь бол миний гараар орсон компьютер амархан моральны элэгдэл билүү тэрэнд ороод байх шиг байдаг юм. Өдөр шөнөгүй балбаж өгдөг их юм хийдэг болохоор хөөрхий гамгүй эдэлсэн айлын авгай шиг л дорхноо навсайгаад ирнээ.

Залуудаа P1 дээр яаж ажилладаг байсан юм болоо хэхэ. Лав л намайг ид залуу байх үед компьюьер их муу байсан болохоор миний хурдыг гүйцэж уншдаг машин гэж бараг байгаагүй гээд онгирчихвол яана хэхэ. Мундаг биш л дээ зүгээр өөрийн байнга ажилладаг хэдэн программ дээрээ бол их л хурдан ажилладаг байсан юмдаг. Одоо техник хөгжөөд би нь хөгшрөөд компьютерийнхээ хурдыг гүйцэх байтугай бараадахгүй болж байх шиг байнаа. Хааяаа настай хүмүүс гар утас компютер энэ тэр дээрээ ажиллах гэж сохолзоод л сууж байхыг хараад би ийм харгадаж байгаа байхдаа гээд дотроо сэмхэн сэтгэлээр унаад байдын хаха.

Сүүлийн үед гарсан шинэ программуудыг бол мэдэхгүй штэ. Марle дээр ажиллаж сурах гэсэн ч надын толгой хүрэхгүйм билээ хэхэ.

Өө нээрээ тийм, бүжгийн талбай.

Өнөөдөр ажил дээрээ автобус зогстол сууж юм хийсэн. Нөгөө навсгар хартайгаа "зодолдож" хийснээ хадгалах гэж үгээ барсаар байтал орой болчихсон байна лээ. Тэгээд гараад иртэл автобус аль хэдийн зогссон, халаасандаа мөнгөгүй дээр нь гэр гайгүй ойрхон болохоор алхаад л ирсэн хэхэ. Над шиг ганцаараа шөнө алхдаг хүүхэн гэж алгаа, эрчүүд нь дандаа архичин, гудамжны голдуу дампуу гарууд, хүүхнүүд нь бол 2-3 тэрнээс олуулаа явхын

Өө нээрээ тийм, бүжгийн талбай.

Тусгаар тогтнолын талбайн явган хүний замыг бүрэн шинэчилсэн гэж та нар дуулсан байлгүй. Raffles International Institute Mongolia гэж байдаг даа. Найман шаргын хойхоно юмуу даа. Тэрний ардах явган хүний замыг бас шинэчлээд тэгээд тэнд нэг талбай бий болсон. Одоо юу гэж тайлбарлавал ойлгомжтой юм бэ дээ. Хороололоос бас Бөмбөгөрөөс Тэнгис рүү ордог бас гардаг замын яг дунд нэг гоё чулуун хавтангаар бүрсэн талбай бий болчихсон. Өмнө нь би автобусны цонхоор хараад энэ чулуун талбай дээр ядаж сандал тавиад сүүдрэвч босгочихгүй гэж бодож байсан тэгээд бас бодоод байхад юу гэж хоёр талаараа зогсоо зайгүй машин урссан газар хүмүүс амарч суухав дээ хэхэ.

Өнөөдөр тэр талбай дээр анх удаагаа гарч үзлээ. Том юмаа. Энэ талбай дээр юу хийвэл таарах уу аан уун гэж бодсон бүжгийн талбай гэсэн мэргэн санаа орж ирж байнаа хэхэ.

Орой болсон хойно, машин тэрэгний урсгал татарсан хойно тэр талбай дээр бүжиг танц хийж болохын байна штэ хэхэ.

Тэнд очиж надтай бүжиглэх хүн байна уу? гэвүүл алав аа хаха.

Ийм бүжиг хийж өлхөн багтана хэхэ