Өнөөдөр.

Бороо ороод сайхан байна тэ? Шороо дарагдаж хүн зоны сэтгэл тэнийж амарч байгаа даа. Өглөө босоод бороотой чийгтэй байгаад баярлаад цонхны шилээ арчаад тавцанг нь цэвэрлээд явлаа. Ойрд мөддөө шороонд дарагдахгүй биз гэж найдсан нь тэр хэхэ.

Гудамжаар бороон дунд инээмсглээд л алхаад байсан хүмүүс хачирхсан янзтай харж нтр. Жаахан сонин марзандуу загвартай этгээд хүрэм өмсдөг болохоор тэр байх л доо.

Нээрээ замаараа шинэ гутлаа хайрлаад нэг газрын довжоон дээр жаахан зогсож борооноос хоргодсон тэгээд л гудамжаар яваа хүмүүсийг хараад, хаалганы хоёр баганын дундаас нь бултайж ирээд л нээх романтик царай гаргаад баахан зогслоо, Киногоор бол яг ингээд байж байтал нэг сайхан үснээсээ ус дуслуулсан, нүүрнээсээ гэрэл цацруулсан, нүдэндээ шилтэй, нүүрэндээ мэнгэтэй, хар хөмсөгтэй, хачин өндөр нойтон ханхүү ирээд "уучлааарай хамт зогсож болох уу? Гүймөн сайхан бороо байнаа хоёулаа бороонд жаахан алхий тэх үү?" бла бла гээд үйл явдал цааш өрнөж кадр солигдож нтр болох ёстой байхгүй юу. Тэгсэн яаж байна хажуугаар яваа хүмүүс дунд сайхан залуу байхгүй ээ дандаа хүүхнүүд, настайчууд, өсвөр үеийхнэн. Арга ч үгүй юмдаа гайгүй, сайхан залуу юу л гэж машин тэрэггүй бороонд гүйж явав гэж дээ хэхэ..

Ажил дээрээ очиж баахан зураг мураг янзалсан шигээ суулаа. Манайхан ирээгүй ганцаараа хэдэн цаг суухдаа хэрэв оффистоо ганцаар сууж ажилладаг бол ямар байх нуу гэж бодлоо. Овоо ажил амжуулах шинжтэй тэгсэн ч бас уйтгартай байх юм байна.