Цагаахан атаархал

Гадны өндөр хөгжилтэй орны найз хүүхнүүдээ дотроо атаархаад байдаг болж. Тэдний өдөр тутмын амьдралын хэмнэл нь манай од мод, олоны танил баян хүүхнүүдийн хааяа нэг хийдэг зүйлс байх шиг санагдаад байх боллоо.

Ухаан нь гадуур явахаар яаж ч арчилсан гутал маань барилгын засвар  хийсэн юм шиг шороо болчихоор, эсвэл Монгол найз хүүхнүүдийнхээ энгийн өдөр тутмын амьдралын хүүрнэлийг сонсож хөнгөн гунигласан үедээ тэдний амьдарч байгааг харахаараа сэмхэн атаархана.

Ихэнхи гадаад найз хүүхнүүд маань үнэхээр чөлөөтэй амьдарч байна. Өдөр тутмын ажлаа хийнгээ өдөр бүр иогт яваад, бүжигт яваад, янз бүрийн спортоор хичээллээд, эрүүл хоол идээд, хүссэн хувцсаа авч өмсөөд, амралтаараа гадаадаар зугаалаад. Байсхийгээд шинэ өөрчлөлтийнхөө тухай, шинэ байшин авсан тухайгаа, ажлаа сольж илүү гоё ажилд орсон тухайгаа, эсвэл өөр ямар нэгэн аз жаргалтай зүйлсийнхээ тухай айж эмээхгүйгээр бусадтай хуваалцаж бусдаас урмын үг сонсож хамт баярлаж байхыг нь хараад атаархана...

Эх оронд маань тэс өөр... яг миний эргэн тойрны бүсгүйчүүд дотор тэдэнтэй дөхөж очих амьдралтай хүн байхгүй. Эсэргээрээ тогтмол ажил хийдэг хир нь тогтсон ажилгүй надаас байсгээд л зээлүүлэх мөнгө бий эсэхийг сураглана... Хааяа зарим нэг хүүхнүүдтэй хамт уулзаж учраад жаахан ярьж суух болохоор хэн нэгэнтэй муудалцсан тухайгаа, ажлын нөгөө хэн тэнэг тухай эсвэл нөхөр сүүдэр нь хардаж, зовоож, тэжээлгэж дургүйг нь хүргэх болсон тухай ч юм уу үгүй ядахнаа хүүхдийн нь зан ааш бодсон шиг нь биш байгааг халаглан ярьж дуусаад гарахдаа ууж идсэн зүйлсээ төлж чадахгүйгээ мэдэгдэх тул би аргагүй төлөх үе ч байна... Мөнгөтэйдээ биш л дээ зүгээр тавгүйтэж үймрэхгүйн тулд аль болох амархан гарц олж шийдэх гэж л тэр... Сүүлдээ хүнтэй уулзахаас зугатах боллоо.

Тэгээд ч манай монгол залуус яасан ч давруу юм. Эхнэр нь төрийн албанд ажиллаад тогтмол цалингаа авч гэр орон, үр хүүхдээ тэжээгээд байхад нөхрүүд нь бараг бүгд ажилгүй. Энд тэнд хар бор голдуу халтуурны ажил хийнэ тэгснээ эхнэрээ цалин бага авлаа гэртээ эрт ирсэнгүй гэхчлэн хардаж янз бүр болох хүмүүс ч олон байх...

Хамгийн инээдтэй хийгээд эмэгнэлтэй нь эмэгтэй хүнтэй уулзахаар харддаг нөхрүүд их байх юм. Тэгэхээр эр хүнтэй дууграх ч эрхгүй араб хүүхэн шиг л айдастай амьдардаг байхдаа эхнэрүүд нь ккк.

Хүүхнүүдийнхээ байж байгааг харахад учиргүй санхүүгийн эрх чөлөөтэй, төгс амьдардаггүй юмаа гэхэд жаахан баримжаатай олсон, гарсан нь дөхөж очихоор тэгээд өөртөө жаахан юм наачихаар амьдрах юмсан даа л гэж хүсээд байх шиг.