Ёоёотой хүүхэн

Тэр нь би хэхэ. Манай энэ хавийн үйлчилгээний газрын зүс мэдэх ажилтнууд намайг ер нь жаахан ёоёотой л хүүхэн гэж боддог шиг байгаа юм.

Юу л даа хэтэрхий бүтэлгүй ч гэмээр юм уу. 

Ухаан нь манай дор нэг банк байдаг. Тэнд би байсхийгээд л орно. Орохдоо байнга бүтэлгүйтнэ. Жишээ нь нөгөө орлогын юм уу гүйлгээний баримт сууж байгаад бичих болбол шинэ баримт авч эхнээс нь бичээд аль нэг тоогоо буруу бичнэ дахиж бичнэ тэгснээ дахиад л алдана дахиад л шинээр бичнэ. Ингэсээр 3-4 удаа оролдох ч энүүхэнд. Сүүлийн үес ихэнхидээ утас, гарын үсэг бичдэг болоод их амар болж байгаа.

Гэхдээ л зарим гүйлгээ хийхэд зайлшгүй гараар бичнэ. Гэтэл би нь гараар бичихдээ маш муу болсонд хамаг зангилаа байгаад байдаг. Багадаа бараг л бичдэггүй бүх цагаа уншиж өнгөрөөдөг байсан, ангид дэвтэртээ гүйцэж бичиж чадахгүй унхнадаад багш хурдлаарай гээд тэгсээр бусдынхаа дэвтрээс хуулах л сонголт үлддэг байсан. Гэхдээ нэг хэсэг хичээгээд зураг шиг гоё бичдэг болсон байсан ч буцаад бичиж чадахаа больчихсон. Уншихдаа бол галзуу хурдан гэж байгаа, номоо хуваагаарай гэх юм бол хажуугийн хүүхэд байнга гомдол гаргана дөнгөж эхэлж байхад л хуудас эргүүлчих юм гээд хэхэ.

Тэгсээр насанд хүрсэн цагаасаа л компьютерээс салаагүй гэхэд болно. Бүгдийг арилгаад баллаад засаад яаж бол яаж өөрчлөөд бичээд сурчихаар нөгөө цаасан дээрхээ адилхан хийх гээд муу зан сурчихдаг юм байна. Дээр нь аль болох алдаатай биччих гээд байдаг зуршил нэмэгдсэн гэж байгаа. Энэ бүхнийг тэр банкны бүх ажилтанд тайлбарлалтай биш. 

Дээр нь миний бүх юм будилаантай бүтэхийг яана. Худалч нэгэнд хар мянган хүн карт захиалж байхад ганц минийх дээр л янз бүрийн асуудал гараад төгрөг, долларын картаа өөр өөр өнгөөр хэлж өөр саруудад захиалсан байхад яг адилхан ногоон өнгөтэй гаргаад өгсөн ч байх шиг. Тэрийг хэлэхээр харин ээ одоо дахиж захиалах хэрэгтэй юу гээд л залхуурцгаана. Бас миний вальютын карт нь гадаадад гарахаараа ажиллахгүй, байсгээд л эндээс тэндээс бичиж байнаа, карт ажилладаггүй ээ гээд хэрэглэгч үйлчилгээний төв рүү мэйл бичнэ. Тэгээд л хэдэн хүн дамнасан асуудал гарч хүн бүрд тэнд энд очоод тэгж ингэж ажиллаагүй гээд үлгэр шиг юмаа ахин дахин тайлбарлана, нөгөөдүүл ч төв салбар луутасдаж асууж, бие биедээ дамжуулсаар тэр банк даяар ер нь би их алдаршиж байх шиг хаха. Нөгөө ёоёотой хүүхний юм л гэдэг байх даа аягүй бол хэхэ.

Аа бас манай ойрхон нэг гэрэл зургийн газар байдаг юм. Тэндэхийн залуу бол намайг бүр ёоёотой гэдэгт бүрэн итгэсэн дэг ээ. Яагаад гэхээр 1-3 сар болоод л нэг улсын нэр хэлээд визний зураг авхуулах гэсэн юм аа гээд ороод ирдэг хаха. Авч өгөөд явуулахаар жаахан байж байгаад л өөр нэг улсын нэр хэлээд ороод ирдэг. Уг нь ч визний зураг нь хэдхэн орных л байдаг шдэ, гэхдээ би бараг бүгдийг нь дараалж хэлж орсоон хаха. Энэ хүүхэн хөөрхий ёоёотой тэгээд ёоёо нь хөдлөхөөрөө байнга янз бүрийн улсын визэнд орно гэж мөрөөдөж зургаа авхуулдаг гэж боддог байх аа ввваааахахахахха. Ээжид ярьсан чинь чи нэг пасспортоо наад банкны ажилтнууд, зурагчиддаа аваачаад үзүүлнэ байгаа ч гэж байх шиг пууухахахаха. 

Аа цаашаа яриад яахав бүр ичмээр юмнууд гарч ирэх гээд байна. 

Гаднах хүнсний зах ч ялгаагүй. Нэг орвол хэд ч тойрдог юм байгаан. Тасралтгүй тойроод л янз бүрийн гачин юм сураад явна. Күй ээ яахаараа ч тэгж сураглах хэрэг гардаг юм бүү мэд. Санаатай ч биш л дээ, тэгж таараад байгаа юмыг чинь би яах юм хэхэ.