Панпан

Блогоо бичнээ хөөө... ай хөө...

Маргааш чинь манай өдөр шүүдээ. Соёлын ажилтны өдөр байгаам хөөрхий... Гэхдээ хүй 7 худаг мудагт болох арга хэмжээнд энэ жил би нь оролцохгүй, манай багийнхан ч оролцохгүй... юм үргэлж ийм байхгүй дараа жилүүдэд оролцох байлгүй дээ. Бүтэлгүй яваа биш шүү, чимээгүй нам жим мөрөөрөө ажилаа хийгээд явцгааж байгаам биднүүс.

Өнөөдөр ажил ярингаа хуучин үеийн хүмүүсээс уран бүтээл хийж байсан тухай нь бас яриулаадаа. Цаг давчуу байсан болохоор тухтай яриулж чадсангүй. Сайн дурын уран сайханчдаа нэг сар гаран бэлдэж байгаад л бүрэн хэмжээний жүжиг тавьж байсан тухай дэргэдээс нь харсан хүмүүс ярьж байна. Сайн дурын уран сайханч гэж байгаа ч одоотой тэр үеийг харьцуулшгүй байж.

Манайхны тавьсан жүжиг Монголд ганц удаа тавигдаад дахиж тавигдаагүй өдийг хүрсэн юм билээ л дээ. Өөрсдөө зохиолыг нь бичиж, найруулж, тоглосон жүжиг гэнэ. Тэр жүжгээ хүүхэлдэйн театрын уран бүтээлчдэд очиж үзүүлж, сонирхуултал Нямгаваа найруулагч шагшин магтаж маш сайхан юм гэж байсан ч удалгүй "Хайрыг хайрла" жүжгээ тавихдаа манай жүжигчдийн хөдөлгөөн, найруулга зэрэгийг хуулж тавиад манайхан патентаа алдсандаа харамсаад өнгөрсөн гэнээ. Тэр үед Монголд тэгж тайзан дээр удаашруулсан хөдөлгөөн маягаар үзүүлбэрээ үзүүлсэн тохиолдол байгаагүй юм уу даа, тухайн үедээ маш шинэлэг болж. Яагаав дээ, "Би чамд хайртай" кинон дээр Үрлээ, Баяраа 2 үнсэлцээд, Дэлгэр гарч гүйгээд хөгжим эгшиглээд, гүйж байгаа хөдөлгөөн нь удаашруулсан кадраар гардаггүй юу. Тэрийг анхлан тайзан дээр манайхан тавьсан юм байхаа. Нямгаваа найруулагч тэндээс л санаагаа олсон бололтой юм.

Бас манайхны тоглодог байсан хошин шог пантомимо жүжгийг монголд тэр бүр мэддэггүй байж, гэхдээ цорын ганц хүн энэ чиглэлээр сургууль төгссөн гэнэ. Тэр ганц мэргэжилтэн нь Цэвээнравдан гуай байсан сурагтай. Яагаав Говийн Зэргэлээ киноны ангийн байцаагч хэхэ.

Соц нийгмийн үед уран бүтээл батлуулах гэж нүсэр юм, олон давхар даваа болдог байжээ. Харанга хамтлагийнхан ярьдаг даа, хамтлаг бүр Соёлын яамны коллеги, уран сайхны зөвлөлөөр орж батлуулдаг, тэр коллеги нь 17 хүний бүрэлдэхүүнтэй байсан, баргийн уран бүтээлийг батладаггүй гээд л... Манайхан албан ёсоор батлуулсан хамтлаг байж л дээ.

Тэр үед уран бүтээлээ коллегаас томилогдсон комисст үзүүлж санал зөвөлгөө, шүүмжлэл сонсож батлах батлуулахгүйгээ шийддэг байж.

Ээж маань  бас залуудаа сайн дурын уран сайханч Тоожоо жолооч жүжигт тоглож, концерт хөтөлж байсан гэдэг юм, Ирэхээр нь тэдний жүжгийг аймгийн төвд хэнээр батлуулдаг байсан эсэхийг асууя байз.

Соёлын ажилтны өдрүүд нэг иймэрхүү л өнгөрч байна даа...