Есдүгээр сар нам жим эхлэв ээ. Манайх бүл нэмж ахин нэг нярайтай болсон нь энэ сарын онцлох үйл явдал. Энэ бацкаан нь 9.1-нд хичээлийн шинэ жилтэй төрсөн өдрөө цуг тэмдэглэдэг болох юм байна.
Миний хувьд утга учиргүй ядарсан хүн л байна. Гэхдээ өвдсөн хавдсан зүйлгүй, нэг мэдэхэд л ядраад унтаад сэрэхэд сайхан амарсан байхым. Нойрыг унтаж биш сэрж бардаг гэдгийм дээ.
9 сар гэхээр сургуулийн өмнө намрын хүйтэнд жагсдаг байсан там тум дурсамж л орж ирж байна. Аа бас самар жимс хэхэ.
Эрүүл мэндийн шалтгаанаар сургуульдаа явж чадахаас чадахгүй нь их байсан надад бол ч гудамж тэр аяараа сэлүүхэн, хөршийн гэрт хэдэн хөгшид үлддэг байсан дурсамж л илүү тод байна даа.
Сүүлийн сар гаран тасралтгүй айраг уулаа, овоо хасагдаж байсан жингээ буцааж алдаад байхгүй ээ хэхэ. Зарим хүн таргалах гээд үйлээ үзэж байхад надад юу л байна мах л байна шүүдээ. Цулцага цулцага хэхэ. Төрөлхийн юм чинь яахудээ.
Дээр нь чихэр идмээр санагдаад горьгүй байгаашдээ, хүний бие дутагдсан зүйлээ нөхөх гэж л элдэв амттан шимтэн идмээр санагдаж, хайж иддэг гэсэн надад чихэр дутдым байхдаа. Сахрын сорил хийлгэхэд 5.8 гарч байсан, ер нь бол хэвийн гэсээн. 8-с их эсвэл 4-с бага бол анхаарууштай гэж дуулсан үнэн худлааг мэдэхгүй.
Эмч хориглодог ч гэсэн айраг уугаад, кимчи идээд хааяа кола уучихаад байгаамдаа. Бас амттай хоол, шарсан мах хуурга гэхчлэн иднээ.
Гэв гэнэт юу болоод идэж уух юм болоод явчихваа, уг нь есдүгээр сарын тухай л бичиж байсан шдээ.
Ойрд солонгос драм нтр үзээгүй ээ. Өөртөө амралт өгөх, олон нийтийн ажилдаа жаал жуул анхаарах гэхчлэн бас бус ажил байлаа. Хамаг амьтан цуглаж, хичээл сургууль эхэлж байхад зөрөөд хөдөө амрах гээд явж тун мэдэшгүй л хүн дээ би.
Блогоо бичих дур төрөхгүй байгаа, сонин сайхан ихтэй болохоороо бичнээ. Бас Revolution хиймээр байна....
Comments
Post a Comment