Эрүүл мэнд :( .... Ойлгомжтой

За тэгэхээ оршилдноо.

Сайхан оршил хийдэг хүмүүс байна, үгээ зөв сонгодог, гоё эхлэдэг хүмүүсийн дэргэд би ч дээ. 

Хэд хоногийн өмнөөс уруул омголтоод эхэлдийм байна. Би бодохдоо ууж идэх хэтрээд ингэж байгаа ухааны юм бодоод тоохгүй явлаа. Биед өөр онцын өөрчлөлт ороогүй тул анзаарсангүй. Өглөө эрт Тэрэлж явах ажил гарсан тул усанд орчоод унтаад шөнө учиргүй даараад тэгсэн хир нь сэрж чадахгүй байдгаараа атийгаад унтаад байгаамаа. 

Тэгсээр эгчийг сэрээхээр босч үс гэзгээ угаачихаад болзсон газар өөд давхиж, Тэрэлжид очиж өдөржин сайхан байлаа л даа. Уул хадаар харайлгаж уралдаан тэмцээн хийж учиргүй хөлөрч гүйгээд. Уулнаас буухдаа хөл өвдөөд шууд өөрийгөө хөдөлгөөнгүй байсаар бүр больжээ гэж бодоод сэтгэл санаа онцгүй болоод явлаа.

Олон жилийн өмнөх ослын үр дагвар одоо л гарч, тэр үед гэмтээсэн нуруу, гар, хөл гээд бүгд өвддөг болчихсон хэрэг л дээ. Анзаарсан нэг нь сүүлийн 2 жил нурууны өвчнөөсөө болж байн байн сэтгэл санаа тавгүйрхэж байсан тухай бичлэгүүдийг олон харсан байх миний блогоос.

Нар гудайж, буцах ч дөхөхийн алдад учиргүй жихүүдэс хүрч юм нөмрөхөөр халууцаж байгаа хир нь дотроосоо арзайгаад эхлэх үед л нэг л биш байна даа гэж өөрийгөө анзаарахгүй юу.

Хотын зүг жолоо залаад замд түгжирч явахад бүр дордож, хот орж ирээд таксинд суугаад гэр өөд явахад улам муудаж ханиад хүрч үү гэхэд урд нь ийм огцом ханиад хүрч байгаагүй тул бүр эвгүйцэж олгой ургаа юу эсвэл өөр ноцтой юм болоо юу гэсээр гэртээ орж ирж хоол ундаа идээд халуунаа үзтэл 38.7 гэж байгаа.

Урд нь огт халуурч үзээгүй явдаг байсан хүн чинь тэгэнгүүт шууд нэг ханиадны эм олж уугаад л хөнжилдөө шургаад өгсөн. Халуураад бүр шатаж байнаа. Дотроосоо шатаж байгаагаа мэдээд харин бараг гал дунд унтсан юм шиг л болсоон. Шөнө даарч сэрээд босч хучлага олж өөрийгөө хучаад дахиад л унтаад өгсөн.

Өглөө харин халуун овоо бууж, эгч ч эм өгч дахин эм бичиж өгснөөр хүн төрхөндөө орлоо.

Шалтгааныг нь олсоон. Гайтай ангина хөдлөсөн юм байж. Сүүлийн жилүүдэд зовоох болсон зүрх өвдөх, гар хөл үе мөчөөр өвдөх, янгинах, сэтгэл санаагаар унах гээд бүгдийн шалтгаан нь энэ муу гайтай ангина байх нь.

Одоо яаж эмчлүүлэхээ бодоод байж байна. Чадлаараа судаллаа, эгчээс ч асуулаа. Уншлаа. 

Ангина гэхээр бараг эмчлэгддэггүй өвчин гэнээ. Нэг хөдлөсөн үед хэвтрийн дэглэм хамгийн чухал гэнэ. Би ч өнөөдөр овоо хэвтлээ унтлаа. Одоо ч сууж л байна, суугаа хэвтээ 2-т онцын ялгаа байхгүй байх гэж мунхаглаад ккк.

Хоолойны мах авхуулах нь үр дүнгүй талдаа гэнээ. Манай эгч бас авхуулсан юм хүүхэд байхдаа. Гэхдээ ангина нь далд үлдээд одоо үе мөч рүү орсымуу өвдөөд байгаа. 

Гадуур тан уудаг, алт мөнгөн зүү тавьдаг нэг эмнэлэг байдаг, тийшээ хүмүүс их очдог гэдэг ч олон нийтийн сүлжээний сэтгэгдлийг харж байхад жаахан ам муутай, үр дүнгүй талдаа гэсэн байхын. Бүр хар арга гэвэл янз бүрийн тухайлбал цогцос хадгалдаг химийн бодисоор цацаж хатаах арга байдаг сурагтай. Тэрийг хэрэглэх зоригтой хүн олдохгүй л болов уу ккк.

Явж явж байнгын хөдөлгөөнтэй байх, дархлаагаа сайжруулах нь л энэ өвчний сайн эмчилгээ бололтой. Жишээлбэл харзны усанд орох, хүйтэнд өөрийгөө дасгах гэхчлэн, гэвч энэ нь түр зуурынх байх мөн Хужиртын рашаан бас их нөлөө сайтай гэнээ. Айлаас эрэхээр авдраа уудал гэж ккк.

Одоо тэгээд удахгүй Хужиртын шаварт очиж хэвтэж, цаашид жилдээ 1 удаа яаж ийгээд шаварт орж эмчилгээ хийлгээд байвал ядаж ангина бүр хүндрэх шатандаа орохгүй байх болов уу гэж найдаж байна даа миний хувьд.