Дэл сул бичлэг

Арван хоёрдугаар сарын бороонд нороод л яваад байна. Нов ногооноороо, хатаж бас хагдарч амжаагүй газарт шинэ жил, шинэхэн мандарины үнэр нээх тохиромжтой биш ч юм шиг бас авалцалдаагүй ч юм шиг хэхэ.

Шинэ жилийг шинэхэн цастай, тас няс жавартай, тэгээд бас уур савссан халуун буузтайгаар төсөөлдөг газраас ирсэн хүн арга ч үгүй юм даа алий болгон өөрийгөө шахаж шаардаж өөрчлөх гэхэв хааяадаа ижил буруу мэдрэмжээ хүлээн зөвшөөрч байх хэрэгтэй ч юм шиг.

Хэтэрхий хичээгээд байх шиг байна би хэхэ.

Аа нээрээ нэг зорилт тавьсан нь шоргоолж шиг нарийхан бэлхүүстэй болох хэхэ. За больё гэхнээ Хатагтай Бандааж шиг биетэй болчихмоор байна. Хичнээн муулдаг ч гэсэн тэр хүүхэн ядахнаа нүцгэн байхдаа ичихээргүй биетэй биздээ олон түмээн?

Яг одоо ширээн дээр гэдсээ тэгнээд тавьчихад овоо бие хөнгөрөх хэмжээнд дөхөж очих гээд байна гэвэл муу ёр болох болов уу хэхэ. Идэхээ жаахан татаж эм хүн шинжиндээ ор гэж мөн ч их хэлэх юмдаа өөртөө.

Ням гариг тул хавийн амьтад амарч цэнгээд нам гүм. Монголчууд Авъяаслаг Монголчуудын талаар л шуугиж байна, би бол нөгөө Учралын блюзээ хүлээгээд өнөө шөнөдөө нэг анги нь бэлэн болчих болов уу үзэхсэн ухааны юм бодоод.

Өдөр талбайгаар жаал алхав. Амралтын өдөр тул бид хэд шиг алхсан хүн зөндөө зөндөө. Сайхан цаг агаартай алхахад яг тохиромжтой байлаа. Миний сонирхолыг дэлгүүрт худалдаалахаар тавьсан элдвийн юм нилээдгүй татав. Юу цуглуулах вэ гэж тархиа гашилгасан хэвээрээ хэхэ. 

Цуглуулга хийхээр хаана тавих вэ гэдэг бас нэг асуудал…

Дэлгүүрт байсан зүйлсээс таалагдсан зүйл гэвэл элдвийн жижигхэн сувинер. Тарган бүдүүн өхөөрдөм хатагтайгаас авхуулаад буратино маягийн хөөрхөн хөөрхөн юмнууд байгаад л байх юм. Үнэтэй цайтай чанар даахуйц юм биш бол арчилж цэвэрлэх үед урт насгүй байдаг байхдаа гэж бодох ч шиг.

Иймэрхүү байдлаар элдвийн дэл сул юм бодож, хийсэн шигээ сайхан тархи толгойгоо амрааж байна. Гэхдээ ямар нэг үр дүнтэй юм хийхгүй бол зүгээр сууж чадахгүй шинжтэй.