Учралын блюз

                              ...Ухаан хайр хоёроос минь чи
                                Уяатай явсан цэнгүүн өдрүүд
                                Уруудаж өгсөх заяа тавилангийн
                               Учрал бүхнийг санаж л яваа даа чи
                              

                                               Учрал бүхнийг санаж л яваа даа...

Үүлэн чөлөөний энэхэн амьдралд
Өөрийгөө ч таниагүй төөрч явна уу....

Нэг сериал эхлүүлчихсэн чинь хүлээгээд тэсч ядаад баларчийна ккк.

Ядаж байхад ямар ч удаж байж дараачийн хоёр ангийг нь оруулдымбээ. Ямар сериал гэж үү? Мэдээж муу нэртэй, луу данстай хангүг сериал л даа. Гэхдээ надаа хөөрхөн санагдаад үзээд байгаа юм чинь яахын тэ? 

Оh My Venus гээд тэрийг нь манай зарим нэг сайтууд "Өө Гоо Үзэсгэлэн минь" гэж орчуулаад л гаргаад байна лээ.

Хүлээж хүлээж учирч байна шүү дээ энэ хоёртой кккк

Миний хувьд англи, монгол хамаагүй аль түрүүлж олдсоныг нь үзээд байгаа.

Агуулга нь бамбайн хордлогоосоо болоод бүдүүрээд хамаг юм нь уруудаад явчихсан нэг хүүхэн нэг баян айлын амандаа мөнгөн халбага зууж төрсөн ч азгүй, хайр гэдгийг мэддэггүй залуутай учирч байгаа тухай.

Аягүй хөөрхөн хөөрхөн юм гардаг л даа гол нь гадаад үзэмжийн сайхнаас дотоод сэтгэлийн сайхан, гоо үзэсгэлэн илүү юм аа гэхдээ гадаад үзэмж ба эрүүл мэнд туйлын чухал бөгөөд хүний нийгэм олон нийт, ажлын орчин, карьер, хайр сэтгэлд эзлэх байр суурьд чухал нөлөөтэй гадаад үзэмжийг хэт анхаарснаас хүний дотоод гоо сайхныг орхигдуулж буй тухай л даа.

Нээх хөөрхөн залуус хэхэ. Гадаад төрх нь биш шүү тоглосон дүр нь л хөөрхөн.

Хөгжилтэй зөндөө юм гарна, хамгийн гоё нь амьдрал дээр ийм учрал байдаг болов уу гэж жинхэнээсээ догдлоод мөрөөдөх хүртэл сэтгэл хөдөлгөж чадсан кино.

Зүрхнээс гардаг хайрын дуу минь

Зүрхэнд чинь шингэн уусна

Зүйлийн түмэн нугачаан дунд

Зөвхөн чамд л уянгалан очно оо... на на на на....

Жүжигчдийн ур чадвар ч аягүй хөөрхөн үзээд л баймаар байгаа байхгүй юу.

Гол дүрийн жүжигчдийн тухай:

Ноён Жон Ким: Амандаа мөнгөн халбага зууж төрсөн, багадаа аваарт орж хөлөө тайруулангаа алдсан ч ээжийгээ үүрд алдсан өчнөөн олон нэртэй нууцлаг ноёны дүрд Солонгосын нэрт жүжигчин So Ji-sub тоглож ээ.

Үнэнч, олон бүсгүйн идеаль болох төгс эр хүний дүрийг Oh my venus  кинонд амжилттай гаргасан.

Түүнийг манайхан "Балид болсон явдал" гэхчлэн олон киногоор нь эчнээ мэддэг болсон байх. 1977 онд төрсөн энэ жүжигчин миний хувьд жинхэнэ Солонгос эр хүний төрхтэй. Онигор нүд, эцэнхий бие, шаамийдуу шөвгөр эрүүний яс гэх мэт нь яаж ч булчин шөрмөс суусан ханхайдаггүй эцэнхий хэвээр байдаг солонгос эрчүүдийн жинхэнэ төрхийг харуулдаг санагддаг.

Сонирхуулж хэлэхэд Oh My Venus кинонд гол дүрийн бүсгүйг мэргэжлийн усанд сэлэгч найз залуудаа хаягдаад уруудаж явахад нь энэ залуу тохиолдлоор таарч өөд татаж дурлалцаж байгаагаар гардаг ч жинхэн амьдрал дээр энэ жүжигчин өөрөө өсвөр насандаа мэргэжлийн усанд сэлэгч болохоор шаргуу хичээллэж байсан байх юм. Дүр нь яагаад ч юм тэгж солбиж таарсан бололтой.

Кинон дээрээ тэр яг дурласан хүн шигээр гол дүрийн бүсгүйгээ хайрлаж, тэвэрч бүр үнсэлцэж байгаа нь энэ киног "амттай болгосон бас нэг гол шигтгээ болсон санагдсан.

Хатагтай Жи Юн: Маш азтай гэж харагдах ч үнэндээ энэ бүсгүй бол үнэхээр сайхан сэтгэлтэй, ухаантай, хүн чанартай бүсгүй. 

Дотроосоо ч гаднаасаа ч сайхан гэвч залхуу талдаа. Жи Юны дүрийг Солонгосын нэрт од Shin Min A бүтээсэн.

Хацрынхаа хонхорхойгоор ялгардаг өмгөөлөгч бүсгүй

Энэ киноны нүүр хувиргалт ч бас нилээн их хүч хөдөлмөр орж бүтээгдсэн нь тодорхой. Хөөрхөн хөөрхөн бүдүүн миссүүдийг гаргахад амаргүй байсан байх гэж санагдсан шүү. 

Киноны дүр тэгж бичигдсэн үү эсвэл тухайн жүжигчний дүр илэрхийлэх нь ийм байж таарсан уу ямартай ч Жи Юн бол төдийлөн дурламтгай хүн биш. Бас сэтгэл хөдлөл нь төдийлөн тодорхой биш, гэхдээ л хайр сэтгэл ирэхэд догдлохгүй байж чадахгүй өөрөө мэдэлгүй жолоогоо алдаад явчихаж байгаагаар гарч байна лээ.

Бусад дүрүүд ч нилээн сонирхолтой. Та бүхэн сонирхвол өөрсдөө олоод үзээрэй.