Asian film week

Хэд хэдэн кино үзлээ. Ингэсийм анх ойрд драм үзээгүйм байна гээд өөрийгөө уруу татаж Хангүг драм эхлүүлэв ээ. Сүүлийн үед бүтээгдсэн шинэ драмуудаас шилж байгаад "Чаддаг юм бол түүнтэй гэрлэ" гэсэншүү нэртэй нэг савангийн дуурь эхлүүллээ. Утга нь бол нэг эмэгтэй 65 нас гарсан хойноо буцаж 33 насан дээрээ очиж, бүхнийг шинээр эхлүүлэхийг хүсч байгаам.

Нэртэй телевизийн сэтгүүлч нөхөртэй байсан ч тэр нь санаанд нь огт хүрээгүй буруу сонголт хийсэндээ амаа барьж цаг хугацааны машинд сууж залуу насандаа очиж, залуу насаа ятгаж баян, сайн нөхөртэй болгохоор шийдсэн дүр л дээ.

Marry him if you dare-Korean dram

Гэсэн ч залуу нас нь түүнээс зөрж өөрийн замаар сонголтоо хийхээр шийдэж байгаа кино. Үзээд гайгүй сонирхолтой санагдсан ч интернетэд эхний 6 анги нь л тавигдаад байгаа одоогоор. Үлдсэн ангийг нь хүлээнгээ өөр кино үзье гэж бодсон нь тэр. Гэхдээ цуврал биш нэг ангитай уран сайхны кино үзье, хүлээх гэж дэмий гэж бас шийдвэрлэсэн.

Дараагийн сонголт нь Япон кино байлаа. Сэтгэлзүйн драм гэж би хувьдаа дүгнэсэн. Гэхдээ тийм гүн гүнзгий биш л дээ.

Ганц бие япон эмэгтэйг тэтгэвэрт гарч, урт хугацааны амралтаар явахаар төлөвлөж байхад нь гэрт нь гэнтийн зочид ирдэг. Хүн амины хэрэгт сэжиглэгдэж буй залууг сайхь хөгшин эмэгтэйтэй холбоо барьж мэднэ гэж бодсондоо ирсэн нь тэр байжээ. Учир нь сэжиглэгдэгч уг эмэгтэйн 6 шавийн хамгийн бага, уйланхай, өнчин хүү бөгөөд багшдаа чинхүү хүндэтгэлтэй ханддаг байснаас улбаатай.

Шавиа гэмт хэрэгт холбогдсныг мэдсэн даруйдаа багш үлдсэн шавь нартайгаа уулзахаар шийдэж замд гардаг. Шавь нар нь багшийгаа зорьж ирсэнд ихэд баярладаг боловч олон жилийн өмнөхөө дурсахдаа бүгд багшийнхаа өмнө ямар нэг шалтгаанаар өөрийгөө буруутан болгож, түүнийгээ хэлж чадахгүй явснаа гаргаж хэлдэг.

A Chorus of Angels. Japanese film 

Гэвч хэн нь ч хэнийхээ өмнө буруугүй болохыг багш нь эргүүлж хэлснээр үйл явдал хоорондоо холбоотойгоор өрнөнө. Япончуудын тухайд "Өөрсдөд нь байхгүй, аль эрт байхаа больсон хүн чанар, сайхан сэтгэл, хүнлэг байдлыг мөрөөдөж бодлоготойгоор кино хийдэг" гэж хэн нэгэн хүний бичиж байсныг эрхгүй санасан шүү. Тэдний мөрөөддөг тийм хүнлэг байдлыг олж нээж гаргах гэсэн кино юм болов уу даа.

"Тасралт" Шөнөжин наргиж цэнгээд өглөө сэрэхдээ огт танихгүй эсрэг хүйсний хүнтэйгээ нэг оронд сэрж үзсэн үү та нар? Би үзээгүй ээ. Тэгж үзвэл ямар байхыг хэлж мэдэхгүй байна хэхэ.

Урд шөнө юу болсон, яасан, хаана хэнтэй уулзсан, хэрхэн бие биенээ олсон, хэл амаа ололцсон... тэр бүгдийг бусдын амнаас сонсож учрыг нь олох бас хаяж гээсэн зүйлсээ цуглуулах гэхчлэн бүхэл өдрийн адал явдал болсны дараа бүх зүйл аз жаргалтайгаар дуусдаг нь сайхан.

Lacuna, Chinese film

Амьдралд ийм юм тохиолдож, яг ингээд дуусдаг бол би хамгийн азтай л гэж бодохоор байлаа хэхэ. Хөгжилтэй кино. Боссынхоо хүнд дамжуулж өгөөрэй гэж явуулсан 300 мянган доллараас лавтай 100 мянгыг нь нэг шөнө үрж, зүгээр ч үгүй Боссдоо эргүүлээд Lama гөрөөс бэлэглэх ухаан олж, Maria-г олж авчир гэхэд хэн болохыг удтал тааж ядаж эцэст нь хэн нэгний шүтээн Maria мэлхийг андуурч цүнхэндээ хийснээ ухаарч, хамт ууж идсэн хос найзыгаа машины багажинд түгжиж орхисноо маргааш орой нь санамсаргүй "олж", цөөнгүй цэнгээний газарт Од, VIP болсноо өөрсдөө ч үл мэдэх залуухан хос... хамгийн гоё нь бие биенээ олсоон хэхэ.

Хонг Конг кино ч бас аз жаргалтайгаар төгсдөг. Соёлын ялгаа, баян байлаа гээд аз жаргалтай болдоггүй, өөрийн шудрага хөдөлмөрөөр энгийн амьдралаар амьдрах хавьгүй илүү аз жаргалтай тухай, бие биенээ олж чадвал бүхнээс илүүг өгүүлсэн кино.

Залуухан жирэмсэн бүсгүй хүүхдээ төрүүлэхээр Нэгдсэн Улсыг зорьдог. Хүсснээрээ нөхрийнхөө мөнгийг үрэх дураараа гэж тоймгүй бүсгүйн санаанд таарах юм төдийлөн олонгүй.

Эхэндээ сайхан л байлаа. Нөхрийнхөө хэлснээр санснаа хийж, сарвайснаа авч байв ч нэг юм л дутуу. Аз жаргал зөвхөн мөнгөн дээр тогтдоггүй болохыг бүсгүй удалгүй ойлгодог. 

Finding Mr Right, Hong Kong film

Төгсгөл нь бас сайхан, тэд бие биенээ олсон. Гэгээлэг сайхан кино болсон байна лээ. Жүжигчин бүсгүй нь их хөөрхөн, бас бүгд сайн жүжиглэсэн шүү. Үзчихэд илүүдэхгүй бүтээл.