Шантралт бас тоглоом

Амралтын өдөр үд хүртэл унтаж, үхрийн дуунаар сая нэг сэрж үс зүсээ угаачихаад сууж байна. Өвөл би усанд барагтай л бол орж чаддаггүй, ханиад хатгаанаас салдаггүй шалтгаанаар нэг эсвэл хоёр өнжиж байгаад орой унтахын өмнө л усанд орно шүү дээ хэхэ. Дээр нөгөө Эбэ ерөнийгийн Оюунгэрэл туслах номондоо усаа хэмнэх хэрэгтэй орчин үед өдөр бүр усанд ордог хүн соёлтой биш харин усаа хэмнэж мэддэггүй боловсрол доогуур хүн харагдах болсон ухааны юм бичсэн байна лээ. Тэхээр би тэрийг нь сайхан далим болгож өөртөө хэлээд өгшүүлээд өдөр бүр усанд орку л байгаам. 

Сүүлийн хоёр хоног төмсний хучмал хийсэн. Эхний өдөр ганц биедээ тааруулж жааханг хийж печинд шарж идэж үзээд болох шинжтэй болохоор нь маргааш нь нийтэд зориулж хийсэн гэжуга. Би ч яахав нухсан төмсний улаан хорхойтон, хүүхэд байхдаа эх нялхаст хэдэн сар хэвтээд тэгээд нухсан төмс, татсан бөөрөнхий маханд нугасгүй болсон хүн л дээ. Манайхан харин сүжиггүй шиг байна.

Цахим орон зайд тэмдэглэл хөтөлдөг хүүхнүүд маань их эрч хүчтэй, боловсролтой, бас шаргуу дайчин юмаа. Над шиг гоншигнуур хүн алга хаха. Ээж аавынхаа алган дээр бөмбөрч хажууд нь эрхлээд байгаа болохоор гоншигнохоо уртал болгоноо би нь. Гүй ээ энэ англи хэлийг нэг сайн сурчихмиймсан, хүмүүс хоёрдах хэлээ аль эрт дуусгаад гуравдах, дөрөвдөхөө сураад байхад би энэ хэлтэй л зууралдаастай, заримдаа би бүтэхгүй юмыг бүтээх гээд ганцаараа шал дэмий махаа идээд байгаа шиг санагдах л юм, гэхдээ бас хүн сурч болоод байхад би яагаад болдоггүй юм гэж өөрийгөө чамлана. Үнэндээ ганц удаа албан ёсоор хэлний хичээлд сууж үзээгүй шахуу болохоор бие дааж жаал нухахгүй бол тэгээд л байрандаа байна гэсэн үг. Ядаж байхад анхнаасаа дүрмээ алгасаж нухаад дасгал энэ тэр хийгээд явчихсан хүн одоо буцаад дүрэмнээс эхэлж сурах гэхээр ойлгохгүй юм гараад байхын.

Тэгсэн мөртлөө англи хэл нухахаасаа залхуураад сүүлийн хэд хоног Оlloo тоглоомын булангаас тоглоом түүж тоглоод балалж байнаа хаха. Яахав холбоосыг нь тавьчихъя, уйдсан хүн байвал тоглоод үзээрэй. 

http://www.olloo.mn/modules.php?name=Games&func=play&gid=146 Энэ их амархан юм шиг байсан, сүүл рүүгээ улам хэцүү болоод, амжихгүй, бас цуглуулах ёстой мөнгөө цуглуулж чадахгүй баларсан хаха.

http://www.olloo.mn/modules.php?name=Games&func=play&gid=205

Энэ арай хүнд нь, тэгээд бажга алдахаараа үйлчлүүлэгчдээ "Түүхийгээр нь идэх гээгүй бол байж бай, байжий л даа, түр хүлээж бай та нар юун сүртэйн, одоохон өгөх гээд байхад" гээд загначихмаар, бүр арга ядахаараа "Тэгвэл зарахаа болилоо" гээд хусуураа шидчихмээр санагдахыг нь яанаа хаха.