Шинэ жилд орох нь

гээд л лаг лаг гарчиг тавиад бичээд бичээд явчий :)

Шинэ жилийн үдэшлэгт орох гэж байгаа охид хүүхнүүддээ зөвөлгөө өгч өөрийн туршлагаасаа хуваалцдаг хэрэг.

Нэгэн зүйл: Шинэ жилд орохын өмнө хамгийн түрүүнд өмсөх даашинзаа бэлдэнэ гэдэг нь ойлгомжтой. Миний хувьд шинэ жилийн үдэшлэгт орохдоо аль болох өөр, өөр хувцас өмсч очихыг боддог. Зураг хөрөг авхуулаад сүүлдээ дурсаж суухад ч гэсэн өөр харагдах утгаар энэ нь дээр. Охиддоо аминчлаад хэлэхэд хувцсан дээрээ анхаарах хэдэн гол зүйл байгаа шүү.
Охид хүүхнүүд маань шинэ хувцас тэр бүр өмсөөд байдаггүй, найзууд, эгч дүүсээсээ гуйх буюу зарим нь прокатнаас хүртэл хувцас авдаг даа. Гэхдээ хичнээн загвар сайтай гоё хувцас байсан ч гэсэн урьдчлаад нэг удаа өмсч үзээд тайлах биш тэр хувцсаа биедээ таарч байна уу босч сууж, бүжиглэхэд саад болох юм биш биз гэдгийг нь сайн анхаарах нь зүйтэй. Охид өмсч үзэхдээ өмсөөд толины өмнө эргэлдээд л таарч байвал болж байна гээд тайлчихдаг. Уул шугмандаа тэр хувцастайгаа үдэшлэгт 3-8 цаг босч сууна гэдгээ мартдаг гэдгийг би өөрийн гашуун туршлагаасаа олж мэдсэн хэхэ. Мөн дээр нь энгэр, суга хэсгээрээ хэтэрхий ил задгай, хамаг юм ил гарсан эвсэл хормой нь шалаар нэг гэрийн бүрээс адил  хөглөрсөн бол танд бас дахин зовлон нэмж байнга санаа зовох, эвгүй байдалд орох эрсдэл дагуулна гэдгийг сана. Эцэст нь биедээ яг таарсан, хамгийн гол нь ямар нэг санаа зовох асуудалгүй хувцасыг л сонгох нь зөв.

Удаах нэгэн зүйл: Мэдээж гутал.

 

Хөлд эвтэйхэн байхаас гадна халтирч унах эвсэл сугарч унаад таныг насны онигоонд хийхээргүй найдвартай гуталд өөрийгөө тушаах нь зүйтэй. Тэр гутал л таныг олон хүний нүдний өмнө "үүрч" "дүүрч" явна гэдгийг мартаж болохгүй шүү. Хэтэрхий өндөр гутал өмсчихөөд өвдгөө өрөвдөлтэй нугалаад майжиг яайжиг гээд дэнжигнээд явж байгаа хүүхэн сайхан биш харин муухай л харагдана шүү дээ :)

Дараах нэгэн зүйл: Одоо үс засалт, нүүр будалт:

 

Хүүхнүүддээ зөвлөхөд үүнийг үг дуугүй чаддаг хүнээр хийлгэсэн нь хавьгүй дээр юм билээ. Нүүр будалт, үс засалтаа өөрөө хийх гэсээр хожигдож очдог хүүхнүүдийг алийг тэр гэхэв. Гэхдээ үсчин гоо сайхны газрууд ихэнхидээ аймшгийн баг зураад хаячихдаг болохоор аль болох энгийн тэгсэн хирнээ чамин будалт хийлгэх нь зөв. Циркийн алиалагч шиг эсвэл ший янгууны жүжигчин шиг будаж шунхдсан хүүхэн эсрэг хүйснийхээ хүнд аятайхан харагддаггүй гэдгийг олон хүний амнаас сонссон хөөн би :)

Бас нэгэн зүйл: Бас бусад анхаарах зүйлс. За эхлээд хиймэл юмнаас нь эхлэе :) Хумс, сормуус парик гэх мэт хиймэл зүйл чинь танд нилээн дараа болно.

 

Баян авгай нарын хийлгэдэг шилэн хумс, булган сормуус энэ тэрийг яриагүй харин жирийн бүсгүйчүүдийн хэрэглэдэг нэг удаагийн наадаг хумс, сормуусыг хэлж байна л даа. Юмыг яаж мэдэх вэ наадаг цавуугаа биедээ ойрхон авч яв. Тийм ч овортой зүйл биш учраас танд төдийлөн дараа болохгүй л болов уу. Нэг найз маань нэг хөөрхөн охинтой танилцаад тэгсэн удалгүй нөгөө охин нь халамцаад нэг харсан хиймэл сормуус нь духан дээр нь очоод наалдчихсан сүнсийг нь зайлуулах шахаж байсан гэдгийн хэхэ.

За дээр нь хэлэхэд зураг хөрөгөө авхуулахдаа инээж байхаа мартав. Залуу насаа инээмсэглэлээр чимж байвал нас ахисан хойноо өнгөрснөө дурсаж суухад би яагаад залуудаа ийм баргар байсан билээ гэж бодож суухгүй амар хэхэ.

Цааш нь бичмээр байвч гарч хүнтэй уулзах хэрэг гарсан тул ингээд дуусгая.