Шөнө дундын мэнд

За олон түмэн та нар минь сайн сууж байна уу? 

Миний бие нь туйлын сайн бөгөөд онцын өөрчлөлтгүй яг л хуучин хэвээрээ, хуучин хэлбэрээрээ /юу ч гэсэн үгийн/ амьдран суугаа бөлгөө.

Өдөр тутмын амьдрал, ажил хийгээд биед онцын өөрчлөлтгүй. Сүүлийн бичлэгээсээ хойш бас нэг ухасхийж хил даваад ирсэн юм байна.

Явсан суусан газрын сонин гэвэл ядаргаагаа тайлах гэж ажлын дараа хэд хоног харийн газар, байшингийн мухар олж хэвтэж,  хэтэвчээ хоослон сэгсрээд ирсэн бөлгөө.

Их иддэг зуршлаа л болихсон гэж бодоод байх юм, юу гээч хамаг мөнгө хоолонд л явсан байх юм хэхэ.

Хүмүүстэй адил өлсөөд эсвэл хоолоо хасаад тэнэж сураагүй идэж байгаад л үхнэ гэсэн заримтай хөөн би нь.

Сүүлд очихдоо үзсэн харсан зүйлсээс шинээр олж харсан, илрүүлсэн зүйл гэвэл цаагуур чинь үүргийн наймаа байсаар байгаа юм байна хөөе. Хил даваад баахан саван шампунь чирж зардаг улс байнаа байна. Мөнхийн хэрэглээ юм уу даа. 

Хоёрт гэвээс манай монголчууд гадаадад таарахаараа бие биенээсээ зугтааж нуугдаж явдаг занг би сайн ойлгохгүй юм. Би ч өөрөө зам зуур монголчуудтайгаа нээх яриад байдаггүй дуугүй замаа хөөгөөд явдаг нь үнэн гэхдээ л монголчуудаа хялайж хардаггүй арай ч тэгж улаан цайм зугтаадаггүй хэхэ. Танихгүй байж зугтаана гэж юу ч гэсэн үгийн. Монгол жижиг болохоор дараа тааралдаад наль шаль хийнэ гэж боддог юм уу хайшаа юм бэ дээ.

Тухайн үед бодож байсан ийм хоёр зүйлийг яг одоогоор санаж байна. Ямарчигсан намайг бичлэг хийхгүй байсан ч миний блог руу орж ирсээр байгаа та нартаа баярлалаа.