Нисэх ину...

Унаа морио шинжих монгол хүний зангаар хол ойрын аялалд хөл дүүжилж асан төмөр шувуудаа битүүхэндээ харьцуулж бодох...

Нилээдгүй хэдэн янзын авиа компанийн нислэгт хавчуулагдсан байх нь. Тэр бүрийг нэг бүрчлэн дурсан санахад хэцүү ч ерөнхий дүр төрх нь ой тоонд хадгалагдаж үлджээ.

Эхлэе...

1. МИАТ. Mongolian Airlines...

Мөнгөн тэнгэрт дүүлэн нис, МИАТ!

Эх оронч хүний сэтгэл чангаагаад хамгийн эхэнд хамгийн өндөр оноог өгөх нь зүйн хэрэг. Гэхдээ...

5 баллаар дүгнэвэл

Хоол-3.5

Үйлчилгээ 4.9
Энтэртаймент ... ммммм

Нислэгийн аюулгүй байдал 5

Ерөнхийдөө 4.4

МИАТ-аар хамгийн сүүлд 2014 оны сүүлчээр ниссэн юм байна. Сингапурын Чанги олон улсын нисэх буудалд МИАТ-ынхаа мөнгөн цагаан хөлгөөр буух маш сайхан байсан. Хэдийгээр зах хязгааргүй далайн дээгүүр хүнгэнэн дүнгэнэн нисэж арлыг хэд дахин тойроход арай төөрчихөөгүй байгаа, усанд унавал би сэлж чадахгүй шдэ, монголынхоо газар дээгүүр нисэж байсан ч болоосой унавал ядаж өвдөлгүй үхнэ энэ тэр гэсэн элдэв янзын бодол төрж дотроо багагүй айсан ч Монголынхоо онгоцоор нисэж байсан болохоор сэтгэлийнхээ мухарт их л итгэлтэй байв.

Үйлчлэгч нар ч Монгол хүмүүстээ их сайхан үйлчилж хүссэн бүхнийг аль болох боломжоороо бүрдүүлээд өгч байлаа. 2011 онд МИАТ-р Хонг Конг руу нисээд буцахад гадаадуудад өөр, Монголчууддаа өөр хандаж миний уурыг хүргэж баахан хараал урсгах дөхсөн юмдаг. Тэр үеэ бодвол би ч өөрчлөгдөж, МИАТ ч өөрчлөгдөж. Хэн хэн нь эх оронч бол өөрийн юмандаа арай л өөр өөриймсөг ханддаг болсон гэж сүүлийн нислэгээрээ би дүгнэсэн бөлгөө.

3. Air China

Юу ч гэхэв дээ.

Миний хамгийн анхны олон улсын нислэгт хөл дүүжилсэн унаа.

Одоогоос нилээн олон жилийн өмнө юм байна. Тэгэхээр олигтой санаж дурсах юм алга.

Ямартай ч...

Хоол 3

Үйлчилгээ 4
Энтэртаймент... мартаж

Нислэгийн аюулгүй байдал 4

Ерөнхий үнэлгээ бол 3.8

Ямар ч авалцалдаагүй үнэлгээ өгчихлөө хэхэ. Гэхдээ яахав Эйр Чайнагийн үйлчилгээ энэ тэр гайгүй ч нэг л сэтгэлд наалдаж өгөхгүй байсан юмдаг. Хоолонд өгсөн бурамтай еэвэн шиг юмыг нь идэж чадахгүй гахаж үхэн алдаж байв.

3. Koreain Air.

Дэлхийд дээгүүртээ л ордог гэхийм байна лээ

Хэтэрхий хичээсэн Авиа компани. 2008 оноос эхлэн эднийхээр зорчсон бөгөөд хамгийн сүүлд өнгөрсөн хавар Австрали, Шинэ Зеландад зорчихдоо эдний "шувууг" унаад ирсэн бөлгөө. Онгоцон дотор ямар нэг үйлчилгээ асуухад аль болох шийдвэрлэж өгөхийг хичээдэг. Мөн анхаарал халамж шаардлагатай зорчигчдод бол эднийх тусгайлан тохирсон үйлчилгээг гүйцэтгэл сайтай үзүүлдэгээрээ алдартай. Инчеоноор дамжиж буй үед бол бүр ч олон үйлчилгээ авах боломжтой.
Гэхдээ онгоцон доторхи Энтэртаймент харилцан адилгүй. Холын нислэгт л гэхэд заримдаа онгоцноосоо шалтгаалан дундын том дэлгэцээр кино үзүүлэх нь байх. Кино цэс надад ядруухан санагдсан.

Нэгэнтээ миний нислэг хоорондын цаг хэтэрхий давчуу байсан тул үйлчлэгчдэд хандахад надад зориулж тусгай хүн гаргаж өгч тэр нь гаалийн шалганаар түргэн нэвтрүүлж бүр Монгол руу нисэх гарц дээр хүргэж өгөхөөр барахгүй надтай цуг хагас цаг хүлээж байж онгоцонд яг суулгаж өгснийхөө дараа л буцаж байсан юмдаг.

Тухайн үед жаахан эвгүйцэж хөөгөөд явуулчихаж чадахгүй тул сэмхэн жорлонд орж түр нуугдаад гарч ирэхэд яваагүй л байсан хэхэ.

Хоол 4

Үйлчилгээ 5
Энтэртаймент 3

Аюулгүй байдал 5

Ерөнхий үнэлгээ 4.8

4. Turkish Airlines 

Туркишээс татгалзах бодол төрөхгүй л явна.

Миний хамгийн олон удаа унасан унаа Туркиш. Сүүлийн хоёр жил бараг бүх нислэгээ эднийхээр хийсэн. Сүүлдээ бүр "Widen your world" гэдэг нь нүд, чихэнд хошигноно гэдэг болж бараг донтох дөхсөн гэхэд хилсдэхгүй хэхэ.
Одоо ч гэсэн кабинд өгдөг хуурай дарс, турк тараг аманд амтагдах шиг болж хорхой гозолзож байна
Намайг Туркишээр нисэх дуртай гэхээр олон найзууд хийгээд гэр бүлийхэн дургүйцэж хамгийн муу, бас аюултай унаа гэж сануулж аль болох татгалзахыг зөвлөдөг.
Гэхдээ л би эднийхээр нисэх яагаад ч юм дуртай. Онгоцны кабинд бол Туркишийнхэн хоолны цэсээ өгч сонголт хийх боломж олгодог нь бусад авиа компаниудаас хамаагүй илүү санагддаг. Адаглаад юу уух юу идэхээ тайван сайхан төлөвлөөд гашгичих ч шаардлагагүй балаар тэмдэглээд өгчихөд л хангалттай. Энтэртаймент цэс сайтай, янз бүрийн вино, алдартай пиво уунгаа кино үзэн тухлах гоё ч үйлчлэгч нар нь ааш муутай талдаа. Монголчуудад бол бүр ч тааруу. Бишкек хүртэл бол манайханд жинхэнэ аашаа харуулна даа. Тэгээд Ататуркээс цаашаа Европ руу явахад үйлчилгээ, харьцаа энэ тэр нь арай л өөр болоод ирнэ.

Хоол 4.4
Үйлчилгээ 2.9
Энтэртаймент 4.9
Аюулгүй байдал 4
Ерөнхий үнэлгээ 4.1


5. Air New Zeland

Kia Ora...

Хамгийн түрүүнд Энтэртаймент үйлчилгээг дурдах байна.  Үйлчилгээ дотор хэрэглэгчдийн таашаалыг хүлээхүйц олон зүйл байдгаас онцолвол шууд мессежийн үйлчилгээ хэхэ. Хол суудалд суусан найзтайгаа ч юм уу чатлах боломжтой Энтэртаймент цэс өөр авиа компанид хараагүй. Аа бас уух зүйлсээ шууд дэлгэцээс сонгоод захиалж болно. Дотроо үнэтэй үнэгүй бүх мэдээлэл нь бий.

Эдний хөлгүүдийн бүхий л үйлчилгээ, үзэж харах юмс нь Маори үндэсний онцлогуудаар гоёсны зэрэгцээ Кивичүүдийн бахархал All Black-тай салшгүй холбоотой.

Ер нь Шинэ Зеландчуудын тайван, аз жаргалтай төрх нь авиа компаниасаа хүртэл харгаддаг гэхэд хилсдэхгүй. Нислэгийн аюулгүйн зааварчилгаагаа хөгжилтэй бас шинэлэг ер бусын аз жаргалтайгаар видео болгож хийсэн нь сэтгэл санааг бол шууд л өргөөд өгч байна лээ. Та нар доорхи видеоноос үзээрэй

Ингээд...

Үйлчилгээ 4
Энтэртаймент 5
Хоол 4.9
Аюулгүй байдал 4.9
Ерөнхий үнэлгээ 5



To be continued :)....