Олимпоор амьсгалаад байгаа юм шиг болов ч үнэндээ Монгол тамирчдынхаа оролцсон хэсгийг л үзэж бухимдаж байна хэхэ. Цагийн зөрөө нөлөөлөөд тэр үү эсвэл дүү нар удирдлага эзэрхийлдэг болохоор тэр үү бусад тоглолтыг үзэх заяа алга.
Мэдээж хажуугаар нь хийдэг юмаа хийгээстэй. Олон хүнтэй янз бүрийн сэдвээр ажиллах явцад ажигласан зүйл гэвэл манай залуус ялангуяа эмэгтэйчүүд нийгэмд эзлэх байр суурь, өөрийн гэсэн бизнес, бас бусдын хүчээр биш өөрийн хүчээр амьдрах санхүүгийн болон үзэл бодлын эрх чөлөөний төлөө үнэхээр их тэмцдэг юм байна даа.
Миний хувьд санхүүгийн эрх чөлөөнөөс бусдыг нь бас ч гэж овоо олсон л гэж боддог. Гэхдээ мэдээж санасан хэмжээнд хүрэхээр биш л дээ. Орчин тойрны эмэгтэйчүүдийнхээ байр байдлыг харсан миний дүгнэлт гэвэл Монгол хүүхнүүд амжилтанд хүрэх гэхээс илүү өөрийнхөөрөө амьдрах эрх чөлөөнд хүрэхэд мөн ч их саад ирдэг юм байна. Бараг уулзсан, хамтарсан бүсгүй бүр ар гэрийн дарамт, үл ойлголцол, дэмжлэгээр дутаж буйгаа ярьж гомдоллох.
Тэр бүх асуудлуудад сөхрөлгүй хүлээн зөвшөөрөөд суугаад байх биш эсрэгээрээ хэн болохоо үзүүлнэ ямар нэг юм хийж бүтээнэ гэж зорьж зүтгэдэг нь Монгол бүсгүйчүүдийн онцлог байх.
Дарамт биш гэж зарим нь хэлэх биз гэхдээ л гэр бүлтэй болохоор бүсгүйчүүд маань өөрийн үзэл бодлоороо ажлаа сонгох, хүмүүстэй харьцах, цаашлаад хүссэн зүйлээ хийх эрх нь хаагддаг юм байна. Нөхөр хийгээд хадмуудынх зүгээс үзэл бодол, амьдралд нь хөндлөнгөөс маш их оролцдог бололтой.
Гэртээ болсон хэрүүлээ ажил дээр нь давхиж очиж үргэлжлүүлэх нөхөр байхад эхнэрээ нярайлаад хүүхдээ харж байхад 2 жилийн хугацаанд хамаг юмаа үлдээгээд зугтаагаад оддог нөхөр ч байна. Бүсгүйчүүдийн маань хамгийн их гомдоллодог зүйл нь ажилд орох, ямар нэг шинэ бизнес эхлүүлэх, эсвэл бусад хүмүүстэй хамтарч юм хийх гэхэд нөхөр нь огт дэмждэггүй, зөвшөөрдөггүй үүнээс болж хэрүүл зодоон болох цаашилбал эмэгтэй хүний бие махьбодтой тооцоо бодох маягаар үргэлжилэх шинжтэй болдог бололтой.
Хүүхэд болон ар гэрийг бол 100% эмэгтэй хүний асуудал гэж үздэг үзэл бодол миний бодож байснаас хамаагүй их байна. Нөхрүүд яагаад дургүй байдаг юм бэ гэж асуухад "ихэнхи эрчүүд хариуцлагаас зугтаадаг, бас зарим нь эхнэрээ өөрөөс нь илүү амжилт гаргаад олны нүдэнд өртөөд ирэхээрээ хаяад алга болно" гэж айх гэх мэт шалтгаан нөхрүүдээсээ ажигласан тухайгаа хэлж байна.
Эцэст нь ер нь эмэгтэй хүн хүүхэд гаргаад, тэр хүүхэд нь 2 нас хүртэлх хугацаа гэр бүл болон эмэгтэйчүүдийн хувьд үнэхээр хүнд үе байдаг байх нь. Энэ үед л хайртай хүмүүс, найз нөхөд, гэр бүл нь үнэн чанараа таниулдаг гэнээ. Хэрэв бүсгүй хүнийг дэмжмээр байвал энэ цаг үед л сэтгэл санаа хийгээд эд материал дэмжиж болох юу байна тэр бүхнээр дэмжихэд сэвхийгээд гялалзаад босоод ирэх байх нь хэхэ.
Өөрөө гэр бүл, үр хүүхэдтэй болж үзээгүй болохоор хөндлөнгөөс хараад бодсон бодол нэг иймэрхүү. Цаг нь тулахаар өөрөө маамаалахдаа энийг санаж аль болох өөдрөг байх юм шүү ккк.
Манай залуусд хариуцлагатай байх чадвар үнэхээр их дутагдаж байна, ерөөсөө хариуцлага гэдэг зүйлийг мэдэхгүй, ойлгохгүй, ухамсарлаагүй хүмүүс маш их. Гэр бүл үүсгээд амьдарч байхад ч, ямар нэгэн ажил хийхэд ч хариуцлага гэдэг чадварыг эзэмшээгүй, сураагүй хүн бол тэр гэр бүлийг ч, ажлийг ч амжилттай хийж, авч явж чадахгүй л дээ.
ReplyDeleteХариуцлага гэдэг зүйлээ ухамсарлаагүйгээс болж олон гэр бүл салж, олон ажил цалгардаж байгаа нь нүдэн дээр илт гэхдээ нөгөө зөрүүд зангаар бүгдээрээ л биеэ өмөөрсөн, уурлаж уцаарласан хүмүүс.
Харин тиймээ. Европт амьдрах хоёрхон сарын хугацаандаа тэдний залуусын хариуцлагаа өндөр хэмжээнд ухамсарлаж амьдарч буйг хараад дуу алдсан. Нутагтаа ирээд найзууддаа сонирхуултал эрэгтэй найзууд маань дэлбэртлээ уурлаж, европууд хайр халамж мэддэггүй, хүйтэн сэтгэлтэй гэхчлэн өөдөөс загнасан шүү ккк.
Deleteер нь бол эрчүүд сул дорой байгаагийн л шинж дээ. үгүй бол хаанаас л хүний бие махбодьтой тооцоо хийгээд суухав дээ. дээр нь ядаж байхад Монгол эмэгтэйчүүд хүчтэй, гүргэр хүмүүс шүү.
ReplyDelete