Цуглуулга хийх шийдвэр

Амарна даа амарна гэж бодсоор зуныг үдэв ээ хөөрхий.

Амрах нь бүү хэл гэр орноосоо тоотойхон гарсан байх шүү. Гэрээс гарах гэхээр гарч болохгүй шалтгаан байгаад байдаг, шалтгаанаар шалтаглуулаад би ч гарах дургүй байдаг.

Нэг сайхан Монголоороо хар болтлоо тэнэчих юм сан гэж бодсоор зуныг үдсээр хөгширч байна даа хөөрхий.

Сүүлийн хэд хоног янз бүрийн юм хайсаар хамаг цагаа үрэв. Би ч ийш тийш чамгүй явдаг хүн, нэг цуглуулгатай болох юм билүү гэж бодоод байдаг. Новш хураах угийн дургүй, ер нь бол хээрээр гэр хэцээр дэр хийх типийн зантай учраас хөгширөөд хаана хураана гэж юм цуглуулах вэ гэж бодоод байгаа юм аа.

Ээж бол өөрийн дуртай юмнуудаа надаар цуглуулуулчих гээд л хөргөгчний наалт, халбага бла бла гээд байдаг надад тэр мэтэс нь огтоос сонирхолгүй хэхэ.

Аялалын тэмдэглэлээ бичих нь бичнээ гэхдээ сүрхий эмх цэгц, дэс дараатай бичээгүй байна.

Тухайн орны онцлог харуулсан хүүхэлдэй цуглуулдаг юм билүү гэж бодтол тоос шороог нь арчихаас төвөгшөөдөг хүн л дээ. За байз би яг юунд дуртай юм бол гэж өөрөөсөө асуугаад л байна асуугаад л байна. Баргийн юм хэрэглэдэггүй хэтэрхий даруухан энгийн хүн чинь санаанд онцгой юм орж ирэхгүй юм.

Хамгийн дуртай хайртай гэхээр үхэрний баримал, үхэр орсон юм цуглуулдаг юм билүү ч гэж бодох шиг хэхэ. Үхэрийн ордных л доо би үхэр монгол гэдгээс болоогүй шүү хаха. 

Бүх оронд үхэр байдаг болохоор янз бүрийн баримал олдох биз, хонь цуглуулах гэтэл гадныхан чинь хонь ямаагаа ялгадаггүй нэгнийх нь барималыг гаргаж ирээд л хонь хонь гээд зүтгээд байвал хэцүүеэ.

Хонь ч бас материал нь ихэнхидээ ноос байдаг учраас цэвэрлэхэд хэцүү байхаа. 

Тэгээд баахан гэр дүүрэн үхэртэй хүн л сууж байх нь байшдээ. Эсвэл өвгөн эмгэн цуглуулмар ч шиг. Миний санснаар өвгөн эмгэний баримал олохгүй биз.

Очсон газраасаа ихэнхидээ хөргөгчний наалт л авдаг юм. Гэрийхэндээ зориулаад. Бас овоо хэдэн архины хундага бий шүү.

Одоо тэгээд зөвхөн өөртөө зориулсан цуглуулга бүрдүүлж эхлэх тухай бодоод л байна бодоод л байна ккк. Дан пивоны бөглөө мултлагч цуглуулдаг ч юм уу хаха.

За бодоё бодоё тэгж байж нэг юм сананд орох биз.