Давалгаанд өртөв

Грэйн амьдралын 50 сүүдэр киног үзсэн тухайгаа тэмдэглэе.

Кристиан Грэй шиг залуу тааралдвал анхны харцаар
сүрхий сэтгэл татагдах нь юу л бол

Өмнө нь олон хүн энэ киноны талаар маргаан өрнүүлж BDSM сурталчилсан, сурталчилаагүй, сэтгэцийн өөрчлөлттэй үгүй гэхчлэн зөндөө цэц булаалдаж байхыг харж байлаа.

Мөн гэмт хэрэгт уриалан дуудсан шинж чанартай, үүнээс болж хүчингийн хэрэг гарсан тухай мэдээлэл ч та нарт хүрсэн байх. 

Энэ киног үзэхийг санал болгосон хүн ч байсан ба түүнийхээр бол би BDSM-ийн тухай ойлголттой болох нь чухал цаашлаад бүр энэ киноноос суралцаж амьдралдаа хэрэгжүүлвэл зохилтой байсан юм байхаа хэхэ. /хэлээ гаргав/

Энэ хүүхэн нь төрөлхийн муруй мөртэй юм уу
эсвэл тэгж жүжиглэсэн үү ойлгогдсонгүй

За тэгээд киногоо бас л санамсаргүй явж байгаад үзлээ. Өмнө нь номыг нь уншаагүй, утгыг нь дуулаагүй байсан болохоор киноны үйл явдал миний хувьд цоо шинэ байлаа л дээ. Монгол хадмалтайгаар "Шилдэг кино" сайтаас үсэн гэдгээ хэлэхээ мартаж. Үзээд нээх их цочирдсонгүй, бас тэгтэл сэтгэлд хүрсэнгүй. Таалагдсангүй.

Новшийн кино л гэж дүгнэлээ. Хэцүү бэрх зүйл гарсанд биш харин бараг дэмий юм үзэж цаг барсандаа л. Сүртэй ч юм сунжирсан ч юм... Киноны дундуур зүгээр шийдчих юмыг яасан ч тэнэг байдлаар сунжруулдаг юм гэж бодож тэвчээр алдчих гээд байлаа л даа.

Минийхээр бол Кристан Грэй бол зүгээр л аймхай амьтан. Юм бүхнээс үхтлээ айдаг, алдаа гаргачих вий гэж айдаг, хэн нэгнийг хайрлахаас, хайрлуулахаас айдаг, бас бүх бие сэтгэл зүрхээ дэлгэж "жирийн нэгэн" болохоос л тэр үхтлээ айдаг.

Настя буюу Анастасиа бол минийхээр ганцаардсан бүсгүй. Тэр яахав өөртөө тохирох биений нөгөө талаа хайж байгаа. Тэрнээс түүнд Грэй шиг баян, алдартай, эсвэл баг зүүж бусадтай харьцдаг амьтан хэрэг байхгүй. 

Эцсийн дүгнэлт гэвэл ер нь эмэгтэй хүн асуудлаа эртнээс харж аль болох түргэн шийдэх хэрэгтэйм байна гэсэн бодол. Нөгөө талаар биеэ антомио сайн мэддэг байх хэрэгтэй. Мэдээж яаж ч бодсон хэвийн амьдарлд BDSM хэрэгжүүлнэ гэж үлгэр. Хэрэгжүүлдэг юм аа гэхэд кинонд гардаг шиг Настя шиг маргааш нь цовоо нь аргагүй босоод, шатаар үсчээд буугаад ирнэ гэж худлаа.

Ямар ч хөхрөлт, няцралт, өвдөлтгүй BDSM үзүүлж байгаа болохоор
өсвөр насныхан итгэж турших нь арга ч үгүй юмдаа...

Бидний бие төмөр биш. Ялимгүй сэтгэл дундуур байхад яаж хямардаг билээдээ. Хэвийн харьцааны дараа ч эвгүйрхэх, хөхрөх бол наад захын асуудал. Тэгэхээр элдэв порн киноны жишээг хараад биеэ тэднийхтэй жишиж төсөөлөх хэрэг байхгүй, тэд чинь тодорхой хэмжээгээр мэдээ алдуулагч, хар тамхи хэрэглэж байж л зураг авалтанд ордог.

Гэрэйгийн амьдралын 50 сүүдэр ч ялгаагүй эцсийн эцэст амьдрал дээр байх боломжгүй "ЭЕЛДЭГ BDSM" үзүүлж байна гэж би бодлоо. Бодитоор бол мэдээж нэг ийм тохиолдлын дараа бушуухан шиг түргэн дуудах хэрэг гарна байхдаа. 

Та нар үзээд ямар бодолтой үлдсэн тухайгаа бичээрэй.