Шөнийн пост

Яанаа та минь...

Би гэдэг хүн блогоороо шагайх ч үгүй энд тэнд харайлгаж явахад өдөр бүр хүн амьтан манайхыг эргэж тойрч байгаа нь хажуугийн самбар дээр гэрэлтээд байх юм. 

Бүр санаа зовчихлоо...

За тэгэхээр өөрийгөө албадан байж бичлэг оруулж, сонин сайхнаа тэмдэглэж үлдээж байх л хэрэгтэй юм байна.

Сүүлийн өдрүүдэд халтайтлаа гадуур гүйлээ л дээ. Халтайсан нь халуун нарнаас гадна миний өөрийн тэнэглэлтэй холбоотой. Яасан гэхээр ингэсэн юм аа.

Нээх борлож эхэлмэгц цайдаг хүн болоод лимоны хүчлийг сүү мүүтэй хольж байгаад маск тавиад байваа. Үр дүн гэвэл нүүр зөөлөрсөн, бас нүх ч агшиж байх шиг дээрээс нь гөлчгөр болж ч байх шиг.

Гэхдээ л час улайгаад түлэгдсэн нь мэдэгдээд байхыг өнөөдөр л анзаарлаа. Нэмээд крем гэж нэг юм байна. Урд түрхсэн кремүүд харшил өгөөд нүд загтнаад байдаг байсан явж явж нэг крем автал дэндүү бор ч байх шиг. Уг нь өнгөөрөө л дөө гэхдээ л цаанаа л царай баргар харгадуулаад байгаа санагдах юм.

Ажил хөөцөлдөж гадуур тавхайгаа эргэтэл л гүйлээ хэхэ. Бүтэж ч байна бүтэхгүй ч байна. Ингээд гадуур явахаар ер нь өөрийгөө найз нөхөдгүй хүн юм гэж бодоод байгаашдээ. Хүн гуйж сураагүйг ч хэлэх үү ханиндаа гадуур гүйчих хүн санаанд орохгүй, хань татах хүн олох сонирхол ч төрөхгүй ганцаараа л навсгас навсгас гээд явж байгаа.

Энэ 6 сарын 20-с өмнө олон ажил нугалж аваад амьсгаа авчих бодол байна, мөн халаасны хэдэн төгрөг олох битүүхэн горьдлоготой халтуур хийх гээд 6 сардаа багтаж нэг хүнд 50 саяын төсөл бичиж өгөхөөр амлачихсан байгаа ваааахахахахахахахаха.

Бичихийг нь ч яахуу биччих байх л даа. Хөлс нь муу юмаа чааваас гэхдээ зүгээр суухаар зүлгэж суу, тэр төслийг бариад тэнцээд ажлын байртай болчих байх гэсэн асар том итгэлтэйгээр надаас 3 сар гуйж байгаам.

Хувийн амьдралын хувьд нам жимхэн. Сарампай болтлоо хүнд дурлаад, навсайтлаа хаягдаад, нэвсийтлээ уйлах юмсан гэж хэдэн ч жил бодсын, тэгээд нэг хүн дөнгөж таалагдаад эхэлмэгц миний ааш бол шууд л хөдлөж байгаам чинь. 

Тэвчихээ больжээ, юун үхтэл дурлах шууд л нөгөө хүнээ дотроо өмчлөөд хавь ойрын таньдаг таньдаггүй, мэддэг мэддэггүй хүн амьтантай хардаад бас намайг тоосонгүй ч гэдэг юм уу надад цаг зав гаргасангүй гэж бухимдаж уурлаж бушуухан ум хумгүй "нуугдаж" "зугтааж" асуудлыг шийдэх шийдвэр гаргаж сүйд болох бололтой. Тэгсгээд өөрийгөө анзаарч татаж бодож санахаа болих үүрэг өгсөн байгаа бөлгөө.

Өөр чинь сонин хачин юу байдаг билээ? Сониноос гар утас маань мсж бичихээс өөр үүрэг рольгүй брак болсон бөлгөө. Засуулах гэсэн ч шинэ утасны үнээр засуулах шинжтэй, шинийг авах гэтэл зоос зоос бас хувьсгалын тохиргоо бүрдэхгүй байгааг дуулгахад таатай байна хихи.

Гадуур охид хүүхнүүд шорт өмсөөд нүцгэн гуя хасаа гялалзуулаад гүйгээд байх юм, надад бол тийм зориг алга. Ноднин жил шорт өмсөөд гартал ээж за гоё байна гоё байна гэсэн харин аав Самбогийн бөх дэвжээнд барилдах гэж байгаам шиг л байна гэсийшдэ вааахахахахахаах. Өнөөдөр гудамжинд явж байхдаа үүнийг санаж ганцаараа баахан инээлээ.

За шал хөндлөн юм бичихэд Самбо гэснээс жүдо бөхийн үндэсний шигшээгийнхэн чинь айхтар уудаг, шоуддаг гарууд бололтой байна лээшдээээ. Яагаад ингэж бодсон гэвэл өнгөрсөн жил би ердөө 2-хоооооонннннн ллллл удаа бааранд ороход 2-ланд нь эрэгтэй эмэгтэй бөхчүүдтэй тааралдаж, хавь ойрынхон үндэсний шигшээгийхэн байна гээд шивэр авир болж байхгүй юу. Олимпийн медальтнууд ч дунд нь явжээлээ. Ааая ингэж бичиж болж байна уу, нэг нь уншвал ирээд "алчих" юм биш байгаа яанаа /хэлээ гаргав/

Энэ жил ер нь шороотой зун болох юм биш байгаа гэсэн хардлага төрөөд байна шүү. За гэнэт бичлэгээ өндөрлөхөөр шийдэв... Дараагийн бичлэг хүртэл баяртай...