Нэг пост...

Яагаад блогоосоо үргээд явснаа хэлж мэддэггүй ээ. Залхуу зан нь дийлсэн байж мэдэхийн. 

Сүүлийн үес гадуур л их явж байна. Ийм ч ажилтай, тийм ч ажилтай гэсэн хүн л байх шивдээ.

Яг одоогор 3 төсөл дээр зэрэг ажиллаж заримыг нь эхнээс нь дуусгаад байна. Сонирхууштай нь бүх төслүүд санхүүжилт нь ижил, мөн үйл ажиллагаа нь бараг адилхан ялгаатай нь 1 нь олон улсын, 2 дахь нь олон нийтийн, 3 дахь нь зорилтот бүлэгт чиглэсэн төсөл.

Энэ нь надад харьцуулах боломж олгож байна гэсэн үг л дээ. Гэхдээ яг хийж дуусаагүй байгаа болохоор бүрэн харьцуулах арай л болоогүй байна.

Гүйцэтгэх үүргийн хувьд ч гэсэн ялгаатай олон нийтийн төсөлд би зүгээр оролцогч, хуруу гараар хөдөлгөөд сайн дураар овоо оролцсон ба энэ төсөл маань дуусаад байгаа, зорилтот бүлгийн төсөлд хамтран гүйцэтгэгч, хариуцагчдын нэг гээд үүрэг, тушаал арай ахина энэ төсөл маань дуусах шатандаа явж байна, харин олон улсын төсөлд бол 100% хариуцагч, гүйцэтгэгч нь болж ажиллаж байгаа бөгөөд одоо яг эхлэл дээрээ явж байна.

Төсөл хийж байхад ерөнхийдөө нийтлэг ажиглагдсан зүйл бол ер нь зөвшилцөөн хаана ч чухал, хэрэв үл ойлголцох юм гарвал хэцүү ч гэдэг юм уу гэхдээ азаар одоогоор ийм юм гараагүй байна.

Бас өөр нэг зүйл гэвэл төсөл санхүүжүүлэгч байгууллагын дүрэм ерөнхийдөө ижлэвтэр, бага сага ялгаа байж болох боловч гол нь санхүүжүүлэгчдийн туршлага, соёл, ажил хариуцдаг хүмүүсийн сэтгэл цаашлаад хүн чанараас их юм шалтгаалах төлөвтэй.

Жишээ нь зорилтот бүлгийн төсөл маань надад багагүй төвөг учруулж сунжрууллаа л даа. Цаг зав ч дэмий авах үе байв. Яагаад гэхээр санхүүжүүлэгчдийн томилсон хүмүүстэй ойлголцохгүй гэхийм уу тэд тодорхой биш, ямар нэг байдлаар дэмжих, мэдэхгүй чадахгүй юманд зааж зөвлөж туслах биш эсэргээрээ бодоогүй, санаагүй зүйл гаргаж ирж шантаажлах гэх ч юм уу хатуурхаад байгаа нь цаг зав их үрсэн. Анх төсөл тэнцүүлэхдээ тодорхой хэлж шаардаагүй хир нь тайлан өгөх явцад элдвийн юм шаардах нь заримдаа үл мэдэгчтэй тэгштгэл, эсвэл 50 саяын уналт маягийн тааварт тоглоом таалгаж байгаа шиг ч санагдах үе байв.

Ерөнхийдөө хардлага бол байх юм. Их хэмжээний биш багавтар мөнгө хэдий ч итгэлцэл чухал юм уу даа. Хардаад байхым бол ер нь яах гэж төслөө тэнцүүлдэг юм бэ гэх үе ч байв. Нөгөө талаар анхнаасаа төсөлд тусгагдсан есоор төсөлд нэр тавигдсан, төсөвт бичигдэж энэ дагуу ажил үүргээ гүйцэтгэсэн хүмүүсээ цалинжуулах гэхэд зорилтот бүлгийн төсөл санхүүжүүлэгчид хориг тавьсан нь бидэнд хангалттай шалтгаан биш шалтаг төдий зүйлээр шантаажилж буй шиг санагдлаа. Ер нь тэгээ цалин хөлсгүй ажилла гэдэг цаг үе өнгөрсөн л баймаар.

Иймэрхүү тиймэрхүү ажил хийж алдахдаа алдаж, онохдоо онож л явна гээд өөрийгөө дүгнэчихвэл онгирсон болчих болов уу хэхэ.

Хувийн амьдрал бол нам тайван, амар амгалан, ажин түжин байгаа бөлгөө. Жингээ хаснаа хасна хаснаа гэсээр байгаад улам нэмж, жин хасах сургаар айдас төрж ум хумгүй амандаа идэх юм чихэж байгаада ихэд шүүмжлэлтэй хандаж буй ч үүний эсрэг тоймтой арга хэмжээ авч чадахгүй л явна.

За тэгээд инээд ханиад, хайр дурлал, гос мос бол надаас нэхээд хэрэггүй ээ. Тийм юм ёстой байхгүй мэдоо /хэлээ гаргав/....

Үргэлжлэл бий....