Ээж маань газарзүйн багш байлаа. Тиймдээ ч манайд байшингийн хананд газарзүйн зургууд өлгөөтэй, бас тухайн үедээ маш ховорхон байдаг томоо гэгч нь орос атлас байдаг байлаа л даа. Газрын зурагт ч тэр бүр тэмдэглээд байдаггүй нууцлаг газруудыг хүртэл багтаасан тэр том атласыг би багадаа өдөржин ноолдог байв.
Одоо тэгсэн бас хаашаа ч явсан газрын зураг буюу Google map ноолдог хүүхэн болов оо гэж.
Учир нь хэд хэдэн чухал шалтгаан надад байдаг гэдгийг саяхан нээж илрүүлээд ээ хэхэ.
1) Эхний шалтгаан бол, би болбасу машид баримжаа муутай хөөн. Худалч хүнд урд хаалгаар гарч байраа тойроод ирэхийн хооронд төөрчихөөд байдаг хүн байгаам. Яаж ч оролдоод байршил цээжилж дийлдэггүй, байшин барилгад нүдгүй хүүхэд ээ. Малд нүдтэй хүүхэд гэдэг шиг барагтай л төөрдөггүй хүүхдийг манайхан газарч хүүхэд гэдэг байсан даа. Би бол тийм юм байхгүй тувтан төөрөөстэй. Тиймээс газрын зурагтаа л найдахаас өөр аргагүй. Аа бас өнөөг хүртэл хөдөө арилаагүй, хаалга байдаг зүгийг л урд зүг гэж ойлгоод байдаг болхи нэгэн болой.
2) Дэд шалтгаан болбасу ихэвчлэн 7-10 хоногоор аль нэг газарт очдог тул дата авч чаддаггүй хүн байгаам. Google map шиг Google data гэж дэлхийг хэрсэн юм гаргаасай гэж мөрөөдөөстэй. Нэгэнт дата байхгүй тул тэр дор нь хайлт хийгээд хүссэн газраа олчихно гэж худлаа. Аа харин миний утсан дахь гүүгл мап бол байршил тогтоочоо асаасан тохиолдолд оффлэйн ч гэсэн уншаад, газар зааж өгөөд байдаг болохоор над шиг хүнд бөөн бөөн завшаан. Муухан хөтчөөс дээр. Ямар ч сим хийсэн хэрэв интернеттэй үедээ нэг сайн уншуулж аваад гарсан бол Google Map маань тэр хавийг "нохой шиг шиншилж" өгнө.
3) Гутаар шалтгаан нь мэдээж хэлний болон харилцааны бэрхшээл. Жишээ нь хятдад очоод яаж ч та та тунгаадсан хужаа нар ойлгоно гэж гонж. Өөдөөс арзайтлаа инээгээд эсвэл хүүхнүүд нь тачигнатал загнаад уурлаад байх нь тэр. Тэд яагаад тэгж энгийн дохио зангааг ч ойлгодоггүй уурлаад байдгийн учрыг өдийг хүртэл олоогүй л явна.
4) Дөтөөр шалтгаан. Хэнэггүй надад бол миний хаана юу хийсэн, хэзээ ямар нэртэй буудалд бууж байсныг өмнөөс маань нэгд нэггүй тэмдэглээд архивлаад бас болоогүй хаанаас хаа хүртэл тавхайгаа эргэтэл алхсныг хүртэл хадгалсан байх нь тэр. Ийм сайхан туслагчтай болсон хүн чинь дуртай байлгүй яахав. Аюулгүй байдал нтр хувийн мэдээлэл нтр гэх хүмүүс байх л юм билээ гэхдээ би бол тэгж боддоггүй харин ч намайг хамгаалах бас нэг боломж гэж хараад байдаг.
5) Хамгийн эцсийн шалтгаан гэвээс гэртээ сууж байхдаа дэлхийн хаана ч очоод сайхан зугаалчихаж болоод байдаг юм. Google Map-аа асаагаад л явж өгнө шүү дээ. Нэг хот сонгож ороод л зочид буудлуудын үнэ ханшаас авхуулаад тэр хавиар байх дэлгүүр хоршоог хүртэл алгасахгүй хэснэ гээд бодчих хэхэ. Гэхдээ мэдээж ихэвчлэн нэр хаягжилтийн орчинд л доо. Гэхдээ л надад бол томоохон амралт нүд нээх бас нэг боломж болдог юм өө.
Одоо тэгсэн бас хаашаа ч явсан газрын зураг буюу Google map ноолдог хүүхэн болов оо гэж.
Учир нь хэд хэдэн чухал шалтгаан надад байдаг гэдгийг саяхан нээж илрүүлээд ээ хэхэ.
1) Эхний шалтгаан бол, би болбасу машид баримжаа муутай хөөн. Худалч хүнд урд хаалгаар гарч байраа тойроод ирэхийн хооронд төөрчихөөд байдаг хүн байгаам. Яаж ч оролдоод байршил цээжилж дийлдэггүй, байшин барилгад нүдгүй хүүхэд ээ. Малд нүдтэй хүүхэд гэдэг шиг барагтай л төөрдөггүй хүүхдийг манайхан газарч хүүхэд гэдэг байсан даа. Би бол тийм юм байхгүй тувтан төөрөөстэй. Тиймээс газрын зурагтаа л найдахаас өөр аргагүй. Аа бас өнөөг хүртэл хөдөө арилаагүй, хаалга байдаг зүгийг л урд зүг гэж ойлгоод байдаг болхи нэгэн болой.
2) Дэд шалтгаан болбасу ихэвчлэн 7-10 хоногоор аль нэг газарт очдог тул дата авч чаддаггүй хүн байгаам. Google map шиг Google data гэж дэлхийг хэрсэн юм гаргаасай гэж мөрөөдөөстэй. Нэгэнт дата байхгүй тул тэр дор нь хайлт хийгээд хүссэн газраа олчихно гэж худлаа. Аа харин миний утсан дахь гүүгл мап бол байршил тогтоочоо асаасан тохиолдолд оффлэйн ч гэсэн уншаад, газар зааж өгөөд байдаг болохоор над шиг хүнд бөөн бөөн завшаан. Муухан хөтчөөс дээр. Ямар ч сим хийсэн хэрэв интернеттэй үедээ нэг сайн уншуулж аваад гарсан бол Google Map маань тэр хавийг "нохой шиг шиншилж" өгнө.
3) Гутаар шалтгаан нь мэдээж хэлний болон харилцааны бэрхшээл. Жишээ нь хятдад очоод яаж ч та та тунгаадсан хужаа нар ойлгоно гэж гонж. Өөдөөс арзайтлаа инээгээд эсвэл хүүхнүүд нь тачигнатал загнаад уурлаад байх нь тэр. Тэд яагаад тэгж энгийн дохио зангааг ч ойлгодоггүй уурлаад байдгийн учрыг өдийг хүртэл олоогүй л явна.
4) Дөтөөр шалтгаан. Хэнэггүй надад бол миний хаана юу хийсэн, хэзээ ямар нэртэй буудалд бууж байсныг өмнөөс маань нэгд нэггүй тэмдэглээд архивлаад бас болоогүй хаанаас хаа хүртэл тавхайгаа эргэтэл алхсныг хүртэл хадгалсан байх нь тэр. Ийм сайхан туслагчтай болсон хүн чинь дуртай байлгүй яахав. Аюулгүй байдал нтр хувийн мэдээлэл нтр гэх хүмүүс байх л юм билээ гэхдээ би бол тэгж боддоггүй харин ч намайг хамгаалах бас нэг боломж гэж хараад байдаг.
5) Хамгийн эцсийн шалтгаан гэвээс гэртээ сууж байхдаа дэлхийн хаана ч очоод сайхан зугаалчихаж болоод байдаг юм. Google Map-аа асаагаад л явж өгнө шүү дээ. Нэг хот сонгож ороод л зочид буудлуудын үнэ ханшаас авхуулаад тэр хавиар байх дэлгүүр хоршоог хүртэл алгасахгүй хэснэ гээд бодчих хэхэ. Гэхдээ мэдээж ихэвчлэн нэр хаягжилтийн орчинд л доо. Гэхдээ л надад бол томоохон амралт нүд нээх бас нэг боломж болдог юм өө.
Comments
Post a Comment