Алексей

Ягудины шүтэн бишрэгч явлаа хөөрхий... Залуу ч байж сайхан ч байж бид хоёр хэхэ.

Олимпоос алт авахад нь хамт нулимс унагах дөхөн баярлаж байж дээ. Минийхээр тэр бол жинхэнэ эр хүн, царай төрх, харц, хөдөлгөөн бас эхнэрээ яаж хайрлаж байгаа нь ч тэр... Надад тиймэрхүү төрхтэй л эр хүн таалагддаг. 

Одоо мань хүнийг сошиалаар дагадаг болчихсон. Өнөөх л сайхан эр хэвээрээ, үүн дээрээ нэмээд төгс эр нөхөр болчихсон. Ямар ч хөдөлмөрч юм, яасан ч энгийн юм. 

Хэзээ ч зүгээр суудаггүй, ТВ шоу хөтөлнө, бүжиглэнэ, янз бүрийн шоу цэнгээнд оролцоно ийш тийш ниснэ... мөнхийн завгүй хирнээ хоёр охин эхнэрээ жигтэйхэн хайрлаж юугаар ч дутаахгүй авч явдаг санагддаг бас амьдарлаа гоёж чимэлгүй энгийн байгаагаар нь хуваалцдаг. Эхнэрээ хамгийн хэцүү үед нь үерхэж сэтгэл санаагаар дэмжиж хажуугаас нь холдохгүй байсаар суугаад сүүлд нь хурим нтр хийсэн гэдгийг бодохоор бүр хайр хүрээд байдаг юм. Хэдийгээр адилхан Олимпийн аварга ч гэсэн эхнэр нь олон юм үзэж туулж их хүнд амьдралаас гарч ирсэн хүн санагддаг.

Нээрээ манай сайхан эр хүн чинь ганц онцгүй нь Херблайбчин болчихсон шдэ хэхэ. Нөгөө Мишель Кван иогт донтсон шиг л нэмэлт тэжээлд донтоод хэхэ. Ер нь Оросын зарим одуудыг  заримдаа би сайн ойлгохгүй юм аа, бүгд залуу зандан ид тамирчин байх үеэсээ илүү турж хатаад нээх гонзгой араг яснууд за хүүхнүүд нь бол том мөөм том бөгс л үлдчихсэн байх юм. Хүүхнүүд гэдэгт Ирина Слуцкаяаг хэлж байгаан хэхэ. Бас дээр нь косметик мэс засал хийлгээд хиймэл болчих юм. Уг нь жинхэнэ хөөрхөн орос охин байсымшдээ. Хажууд нь япончууд жишээ нь Асада, Андо энэ тэр бол яг л хэвээрээ ерөөсөө форм, пиугр, царай төрх энэ тэрээ алдаагүй, өөрчлөөгүй байгаад байдаг. 

Орос одуудын нэг нийтлэг нь Путинтай их зургаа авхуулдаг, гэхдээ ориг Путин биш шүү нөгөө орлон тоглогч хиймэл Путинтай ккк. Аан бас бараг бүгд нөгөө сэгсийсэн Киркорвтой зургаа авхуулаад байх юм аа. Мань хүнийг харахаар Пугачеватай андуураад нээрээ нээг их сэгсгэр авгай шиг л харгаддаг болоод байх.

За тэгээд уран гулгалтын бусад одууд жишээлбэл Липницкая зэрэг алдартнууд багш болсон. Мөнгө мөнгө мөнгө хэхэ... 

Уран гулгалт ярьсныг Этери Тутберидзе гэж аймаар "Мангас" байнаа. Юлия Липницкаяаг гаргаж ирээд "алсан" дараа нь бас Евгения Медведевагаа "золигт гаргаж" Алинагаа авч үлдсэн. Харин одоо цаад чинь Саша Трусова гэж жинхэн алмаз од гаргаж ирж байгаа. Юун тэр Медведева...

Яаж охидоо золигт гаргаад байдгийг ойлгодоггүй гэхдээ л Юлия, Евгения гэх мэт охид багшийгаа үзэхээ больсон байх шиг байгаан. Хов хавчуулахад Евгения нь Японы олимпийн аварга Ханютай дотно, гэтэл миний мэдэхээр Ханю нь Юлияд нэг хэсэг бундарсан ч билүү ямартай ч овоо дотносож эхэлснээ гэнэт л хоёр тийшээ болоод бие биенээсээ аль болох дөлдөг болчихсон.

Дээр нь нэмэгдээд Алина Загитова Ханюг их хүндэлдэг нь анзаарагддаг ч нөгөөх нь тэгэхээс тэгэх гэж хөндий харьцаад бодвол Евгениягаас болдог болов уу. Олимпоор хамт зураг хөрөг авхуулахдаа маш тод харуулсан үүнийгээ. Надад лав бүдүүлэг санагдсаан. Заавал хөндий байгаагаа олон нийтэд тодоор харуулах хэрэг ч байсан юм уу үгүй ч юм уу мөсөн дээр адилхан л гулгаад шүүгчид оноог нь өгөөд Олимпоос Алт авсанд Загитовоагийн буруу гэж юу байхав дээ. Бүгд л алтны төлөө өрсөлддөг шдэ. Гэхдээ насанд хүрээгүй охинтой нэр холбогдохоос айсан ч байж магад, нээрээ ингэхэд Евгиния насанд хүрсэн билүү хэхэ.

За бүр юу ч болчихов хэхэ. Алексэй Ягудины фен шүү би, хүмүүсээ. Зүгээр л хэлэх гэж орж ирсэн юм хаха.