Хөгшин Европоор хальтхан...

Тэнэх зуур бичлэг оруулах зав, ухаан гаргаж чадахгүй байгаадаа хүлцэл өчмөөр. Яг одоо Недерланд энийг бичиглээд ганц бяслаг олж идэх ухааны юм бодсон шигээ сууж байна.

Европын бас нэг түүхт, хамгийн сайхан хотуудын нэг Эдинбургт очоод ирэв. 

Баргар гэхэд арай л баргар уу?

Жилийн өмнө Ирландад очих боломж гарч байсан бол энэ жил Шотландад ирсэн маань бас ховор ч гэх үү соньхон ч гэхүү тохиолдол санагдаад байна.

Хойтон жил Исландад очноо л гэчихсэн байгаа хэхэ.

Шотландын нийслэл надад ярих юмгүй таалагдлаа. Амар тайван хийгээд хэзээ ч юм баригдсан, магадгүй зуун жил болсон эртний барилга байшингууд нь гүн сэтгэгдэл төрүүлэв.

Эрхэмсэг хийгээд нэг л аймшигтай ч юм шиг баргар хирнээ цаанаа л нэг дүнхэгэр төрхтэй хот.

Хүн ардын сэтгэл нь тайван, аз жаргалтай ойлгоход хэцүү Шотланд аялага нь энэ хотын бас нэг чимэг гэлтэй.

Хуучин сүм, эртний агуй, өглөөн наранд дуртай би..
гэдэгчлэн хуучин хотод дуртай гэж яанаа

Хотын төв нь
 Олон зураг хөрөг авсангүй ээ.

.

Энэ хотоос Ирландтай адилтгах юм би лав олж харсангүй. Хойт Ирланд харьцангуй Британижсан ч юм шиг эсвэл надад тэгж санагдаа юу засаг захиргаа, зохион байгуулалт Англи маягийн бас хүн ард нь хөдөө маягийн санагдаж байсан бол Шотланд нэг тийм хөндий Британаас тусгаар ч юм шиг санагдах шиг болсон.

Газар нутгийн хувьд Шотланд нь Англитай залгаа, харин Ирланд нь тэнгисээр тусгаарлагдсан хир нь ийм эрс тэс байгаа нь сонин.

Нэг жишээ хэлэхэд Ирландад энгэртээ Тудор Сарнай хатгасан ихэмсэг баронууд хаа сайгүй байдаг бол Шотландад би олж харсангүй. Харин шотланд үндэснй хувцастай эрчүүдийг хэд хэд харсан шүү хэхэ.

Модод, хуучин барилга, хуучин хот, хуучин бүхэн энэ хотынх...

Яаруухан явсан учраас Артурын өндөрлөг, хойт тэнгисийн барааг харж амжсангүй. Хаана ч очсон дахиж ирэхдээ үзнээ гэсэн ямар нэг юм үлдээж таараад байдаг...

Дараа дахин очих л байлгүй гэж найдахаас...

Шотландын үндэсний музейн гадна талбай

Зураг хүртэл хачин хуучин маягаар гараад байх...